પંડ્યાને લઈને સિદ્ધુનો મોટો દાવો, કોહલી કેમ નથી જીતી શકતો IPL એ પણ જણાવ્યું

ભારતીય ટીમના પૂર્વ ક્રિકેટર નવજોત સિંહ સિદ્ધુ ફરી એકવાર કોમેન્ટ્રીમાં ઉતર્યા છે. તે ઈન્ડિયન પ્રીમિયર લીગ (IPL)માં કોમેન્ટ્રી કરતો જોવા મળે છે. પરંતુ આ દરમિયાન તેણે રોયલ ચેલેન્જર્સ બેંગ્લોર (RCB), મુંબઈ ઈન્ડિયન્સ (MI), વિરાટ કોહલી અને હાર્દિક પંડ્યા વિશે વાત કરી છે.

મીડિયા સૂત્ર સાથે વાત કરતા સિદ્ધુએ હાર્દિક પંડ્યાને ભારતીય સફેદ બોલ ટીમનો આગામી કેપ્ટન ગણાવ્યો હતો. તેણે એ પણ સમજાવ્યું કે શા માટે વિરાટ કોહલી ટીમમાં હોવા છતાં બેંગલુરુ IPL ટાઇટલ જીતવામાં સક્ષમ નથી.

IPL 2024માં પણ RCB ટીમની હાલત ખરાબ દેખાઈ રહી છે. આ ટીમ હજુ સુધી IPL ટાઈટલ પણ જીતી શકી નથી. જ્યારે વિરાટ કોહલીએ પણ વર્ષો સુધી આ ટીમની કપ્તાની સંભાળી છે. હવે તે માત્ર એક ખેલાડી તરીકે રમી રહ્યો છે. જ્યારે ફાફ ડુ પ્લેસિસ કેપ્ટનશીપ સંભાળી રહ્યો છે.

આ મામલે સિદ્ધુએ કહ્યું કે, કોહલી એકલો લડતો જોવા મળે છે. તેમને કોઈ સપોર્ટ કરતું નથી. આ જ કારણ છે કે, RCBની હાલત ખરાબ દેખાઈ રહી છે. જો એક જ ખેલાડી બધું કરી શક્યો હોત તો સચિન તેંડુલકર અને સુનીલ ગાવસ્કરે ઘણું બધુ કર્યું હોત. RCB પાસે ડુ પ્લેસિસ, મેક્સવેલ જેવા ખેલાડીઓ છે, પરંતુ કોહલીને કોઈ સપોર્ટ કરતું નથી.

IPLમાં મુંબઈ ઈન્ડિયન્સની કેપ્ટનશીપ કરી રહેલા હાર્દિક પંડ્યા અંગે સિદ્ધુએ કહ્યું, 'હાર્દિક પંડ્યા ભવિષ્ય છે. રોહિત શર્મા વર્તમાન છે. રોહિત હવે 36-37 વર્ષનો છે. હજુ બે વર્ષ છે. તે એક મહાન કેપ્ટન અને ખેલાડી છે. જ્યારે હું તેને જોઉં છું, ત્યારે એવું લાગે છે કે જાણે સમય થંભી ગયો છે. પરંતુ આપણે તેને તૈયાર કરવાનો છે જે તેના પછી કમાન્ડ લેશે.'

સિદ્ધુએ કહ્યું, 'જુઓ, હું હાર્દિક પંડ્યાને ટેસ્ટ કેપ્ટનશિપ આપવાની હિમાયત નથી કરી રહ્યો. જ્યારે રોહિત ન હતો ત્યારે તેણે આખા વર્ષ માટે T20ની કેપ્ટનશીપ સંભાળી હતી. જ્યારે વિરાટ પણ ત્યાં નહોતો. BCCIએ આના પર ઘણું કામ કર્યું છે. મને લાગે છે કે, વ્હાઇટ બોલ ક્રિકેટ (T20-ODI)માં હાર્દિક પંડ્યા કુદરતી પસંદગી છે.'

તેણે કહ્યું, 'પરંતુ જ્યારે તમે લાલ બોલ (ટેસ્ટ) માટે આવો છો, ત્યારે BCCIએ પહેલેથી જ એક પ્લાન બનાવી લીધો છે, જસપ્રિત બુમરાહ. અમે વિરાટ વિશે વાત કરીએ છીએ, અમે ધોની વિશે વાત કરીએ છીએ, પરંતુ જસપ્રિત બુમરાહ તમારી અપેક્ષાઓનો બોજ સારી રીતે ઉઠાવે છે. તેણે ઈંગ્લેન્ડમાં ટેસ્ટ ટીમની કેપ્ટનશિપ પણ કરી છે. તેઓ તેને લાયક છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.