હાર્દિક જ હતો કેપ્ટન, રમાઈ ગઈ રમત, સૂર્યા નીકળી ગયો આગળ, 3 લોકોએ નિર્ણય લીધો

શ્રીલંકા પ્રવાસ માટે પસંદ કરાયેલી ભારતીય ટીમમાં એવું તે શું થયું કે હાર્દિક પંડ્યાને વાઇસ કેપ્ટનની જવાબદારી પણ ન સોંપાઈ? એવું તો શું થયું કે T-20 વર્લ્ડ કપ 2024માં જે ખેલાડી વાઈસ કેપ્ટન હતો, તેની જૂની જવાબદારી પણ છીનવાઈ ગઈ. આખરે, સૂર્યકુમાર યાદવ ભારતીય ટીમના T20 કેપ્ટન કેવી રીતે બન્યા? જ્યારે એક સમયે T20 વર્લ્ડ કપમાં રોહિતની નિવૃત્તિ પછી હાર્દિક પંડ્યા કેપ્ટનશિપની રેસમાં આગળ હતો.

મીડિયાના સૂત્રો દ્વારા BCCIની બે દિવસીય ઓનલાઈન મીટિંગની વિગતો પ્રાપ્ત થઈ છે, જેમાં સૂર્યકુમાર યાદવ કેવી રીતે કેપ્ટન બન્યો તે બહાર આવ્યું છે. કેવી રીતે હાર્દિક પંડ્યા માત્ર એક ખેલાડી બનીને રહી ગયો. શુબમન ગિલ આ રેસમાં કેવી રીતે આવ્યો? સૂર્યાને કેપ્ટન બનાવવામાં ત્રણ લોકોની મંજૂરી ખૂબ જ અગત્યની બની રહી હતી. જેમાં રોહિત શર્મા, મુખ્ય પસંદગીકાર અજીત અગરકર અને મુખ્ય કોચ ગૌતમ ગંભીરનો સમાવેશ થાય છે.

શ્રીલંકા પ્રવાસ માટે ભારતની T20 અને ODI ટીમની જાહેરાત ગુરુવારે (18 જુલાઈ) કરવામાં આવી હતી. પરંતુ ભારતીય ક્રિકેટ ટીમની પસંદગી માટે BCCIની બે દિવસ સુધી બેઠક મળી હતી. એટલે કે ગુરુવારે અને તેના એક દિવસ પહેલા 17મી જુલાઈ (બુધવાર)ના રોજ.

BCCIના ઉચ્ચ સ્તરીય સૂત્રએ મીડિયા સૂત્રને જણાવ્યું કે, બંને દિવસે બેઠક ઓનલાઈન થઈ હતી. આ મીટિંગમાં ભારતીય T20 વર્લ્ડ કપ ટીમના કેપ્ટન રોહિત શર્મા, મુખ્ય પસંદગીકાર અજીત અગરકર અને ટીમ ઈન્ડિયાના નવા કોચ ગૌતમ ગંભીર હાજર હતા.

સૂત્રએ જણાવ્યું કે, આ મીટિંગ પહેલા એ નક્કી કરવામાં આવ્યું હતું કે, હાર્દિક પંડ્યા T-20માં પણ ટીમ ઈન્ડિયાની કેપ્ટનશીપ કરશે, પરંતુ જેવી માહિતી સામે આવી કે તે વનડેમાં રમવા માંગતો નથી, જેનું કારણ અંગત કારણ તરીકે આપવામાં આવ્યું હતું. આ પછી નક્કી કરવામાં આવ્યું કે ટીમ ઈન્ડિયાની કમાન સૂર્યકુમાર યાદવને સોંપવામાં આવશે.

સૂત્રએ એમ પણ જણાવ્યું કે, કેપ્ટન રોહિત શર્મા અને મુખ્ય પસંદગીકાર અજીત અગરકર સૂર્યકુમાર યાદવ અંગે સહમત હતા. ત્યાર પછી જ્યારે ગૌતમ ગંભીરને કેપ્ટનશિપના દાવેદાર વિશે પૂછવામાં આવ્યું તો તેણે સૂર્યાનું નામ સૂચવ્યું. જ્યારે ખેલાડીઓ તરફથી મળેલો પ્રતિસાદ પણ સૂર્યકુમાર યાદવની તરફેણમાં ગયો.

મીડિયા સૂત્ર પાસે એવી પણ માહિતી છે કે, બુધવારે જ્યારે ઓનલાઈન મીટિંગ થઈ ત્યારે તેમાં BCCI સેક્રેટરી જય શાહ પણ હાજર હતા. પરંતુ 18 જુલાઇએ જ્યારે ટીમની જાહેરાત કરવામાં આવી ત્યારે તે મીટિંગમાં નહોતા. આ બેઠકમાં જય શાહે એક વખત પસંદગીકારોને કહ્યું પણ હતું કે, ટીમની પસંદગીનો અધિકાર માત્ર તેમને જ હશે.

હાર્દિકે હાલમાં ODIમાં રમવાનો ઇનકાર કર્યો હોવાથી BCCIએ ભવિષ્ય માટે શુબમન ગિલને કેપ્ટન તરીકે પસંદ કર્યો હતો. તેનું એક કારણ તેની ઉંમર છે. વનડે અને ટેસ્ટ કેપ્ટન રોહિત શર્મા હાલમાં 37 વર્ષનો છે. નવા T-20 કેપ્ટન સૂર્યાની ઉંમર 33 વર્ષ છે. દરમિયાન, શુભમન ગિલ હાલમાં 24 વર્ષનો છે. આવી સ્થિતિમાં ગિલ પાસે કેપ્ટનશિપને ધ્યાનમાં રાખીને વધુ પરિપક્વ બનવાની તક છે. ભારતને સૂર્યા અને રોહિત પછી કેટલાક ખેલાડીની જરૂર હોવાથી આ પરિબળ તેમની સાથે જાય છે.

હવે સવાલ એ છે કે, શુભમન હાર્દિક અને પંત જેવા અન્ય ઘણા ખેલાડીઓથી આગળ નીકળી ગયો અને ટીમ ઈન્ડિયાનો વાઈસ કેપ્ટન બન્યો, તો ધ્યાનમાં લો કે કાર અકસ્માત બાદ પંતે પુનરાગમન કર્યું છે, જ્યારે પંડ્યાની ફિટનેસ પર પણ સવાલો ઉભા થઈ રહ્યા છે. આવી સ્થિતિમાં ગિલનું નામ વધુ સારા વિકલ્પ તરીકે ઉભરી આવ્યું છે. ગીલની કેપ્ટનશીપમાં જ ટીમ ઈન્ડિયાએ ઝિમ્બાબ્વે સામેની T20 શ્રેણી 4-1થી જીતી હતી. આ સિરીઝની 5 મેચમાં ગિલે 42.50ની એવરેજથી 170 રન બનાવ્યા છે.

અત્રે ઉલ્લેખનીય છે કે, ODI વર્લ્ડ કપ 2023માં બાંગ્લાદેશ સામેની મેચમાં પણ હાર્દિકને ઈજા થઈ હતી, જેના કારણે તે આખો વર્લ્ડ કપ રમી શક્યો નહોતો. પંડ્યાને 2018 એશિયા કપમાં તેની પ્રથમ મોટી ઈજા થઈ હતી, જ્યારે તેને પીઠની નીચેની સમસ્યાને કારણે સ્ટ્રેચર પર મેદાનની બહાર લઈ જવામાં આવ્યો હતો. ત્યાર પછી જાણવા મળ્યું કે, તેને સ્ટ્રેસ ફ્રેક્ચર થયું હતું. જો કે, તે IPL 2019 અને ત્યાર પછી 2019 ક્રિકેટ વર્લ્ડ કપ રમવા માટે સમયસર તૈયાર થઈ ગયો. તે જ વર્ષે ઑક્ટોબરમાં, દક્ષિણ આફ્રિકા સામેની T20I શ્રેણી દરમિયાન સતત પીઠના દુખાવાની ફરિયાદ કર્યા પછી તેની પીઠની ઈજાની સારવાર લીધી.

જોકે, ટીમ ઈન્ડિયાના નવા કેપ્ટન સૂર્યા પોતે પણ તાજેતરમાં ઈજાગ્રસ્ત થયા છે. હાર્દિકની ઉંમર હાલમાં 30 વર્ષ છે, જ્યારે ટીમ ઈન્ડિયાના નવા T20 કેપ્ટન સૂર્યકુમાર યાદવ 33 વર્ષનો છે. આ વર્ષની શરૂઆતમાં સૂર્યકુમાર યાદવની સ્પોર્ટ્સ હર્નિયાની સર્જરી મ્યુનિકમાં કરવામાં આવી હતી. આ પહેલા સૂર્યા ગયા વર્ષે દક્ષિણ આફ્રિકામાં ત્રીજી T20 મેચ દરમિયાન ઈજાગ્રસ્ત થયો હતો, ફિલ્ડિંગ કરતી વખતે તેને પગની ઘૂંટીમાં ઈજા થઈ હતી. આ પછી તેણે પગની સર્જરી કરાવી હતી, તે સર્જરી પછી હવે તેની સ્પોર્ટ્સ હર્નિયા સર્જરી થઈ હતી. આવી સ્થિતિમાં ફિટનેસનો મુદ્દો સૂર્યકુમાર યાદવ સાથે પણ રહ્યો છે.

ભારતીય T20 ટીમના ટોચના 5 સફળ કેપ્ટન: રોહિત શર્મા-T20 મેચ-62-જીત-49-હાર-12-ટાઈ-1-ડ્રો-00. મહેન્દ્ર સિંહ ધોની-T20 મેચો-72-જીત-41-હાર-28-ટાઈ-1-ડ્રો-2. વિરાટ કોહલી-T20 મેચો-50-જીત-30-હાર-16-ટાઈ-2-ડ્રો-2. હાર્દિક પંડ્યા-T20 મેચો-16-જીત-10-હાર-5-ટાઈ-1-ડ્રો-00. સૂર્યકુમાર યાદવ-T20 મેચો-7-જીત-5-હાર-2-ટાઈ-00-ડ્રો-00.

શ્રીલંકા પ્રવાસ માટે ભારતની T20 ટીમઃ સૂર્યકુમાર યાદવ (કેપ્ટન), શુભમન ગિલ (વાઈસ-કેપ્ટન), યશસ્વી જયસ્વાલ, રિંકુ સિંહ, રિયાન પરાગ, રીષભ પંત (વિકેટકીપર), સંજુ સેમસન (વિકેટકીપર), હાર્દિક પંડ્યા, શિવમ દુબે, અક્ષર પટેલ, વોશિંગ્ટન સુંદર, રવિ બિશ્નોઈ, અર્શદીપ સિંહ, ખલીલ અહેમદ અને મોહમ્મદ સિરાજ.

શ્રીલંકા પ્રવાસ માટે ભારતની ODI ટીમઃ રોહિત શર્મા (કેપ્ટન), શુભમન ગિલ (વાઈસ-કેપ્ટન), વિરાટ કોહલી, KL રાહુલ (વિકેટકીપર), રીષભ પંત (વિકેટકીપર), શ્રેયસ ઐયર, શિવમ દુબે, કુલદીપ યાદવ, મોહમ્મદ સિરાજ, વોશિંગ્ટન સુંદર, અર્શદીપ સિંહ, રિયાન પરાગ, અક્ષર પટેલ, ખલીલ અહેમદ અને હર્ષિત રાણા.

ભારત-શ્રીલંકા શ્રેણીનું શેડ્યૂલ: 27 જુલાઈ-1લી T20, પલ્લેકલે, 28 જુલાઈ-બીજી T20, પલ્લેકલે, 30 જુલાઈ-3જી T20, પલ્લેકલે, 2 ઓગસ્ટ-1લી ODI, કોલંબો, 4 ઓગસ્ટ-2જી ODI, કોલંબો, 7 ઓગસ્ટ-ત્રીજી ODI, કોલંબો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.