'તેણે ટીમને નીચી બતાવી...', ધોનીના બેટિંગ ઓર્ડર પર હંગામો, હરભજન-પઠાણ થયા ગુસ્સે

ઈન્ડિયન પ્રીમિયર લીગ (IPL) 2024ની 54મી મેચમાં, ચેન્નાઈ સુપર કિંગ્સ (CSK)એ પંજાબ કિંગ્સ (PBKS) સામે 28 રનથી જીત મેળવી હતી. આ મેચમાં પૂર્વ CSK ખેલાડી મહેન્દ્ર સિંહ ધોનીએ બેટથી દર્શકોને નિરાશ કર્યા હતા અને પહેલા જ બોલ પર આઉટ થઈ ગયો. ધોનીને હર્ષલ પટેલે શાનદાર યોર્કર પર ક્લીન બોલ્ડ કર્યો હતો. ધોની વર્તમાન IPL સિઝનમાં બીજી વખત આઉટ થયો છે. આ પહેલા તે પંજાબ કિંગ્સ સામેની છેલ્લી મેચમાં રનઆઉટ થયો હતો.

MS ધોની રવિવારે (5 મે)ના રોજ ધર્મશાલામાં રમાયેલી મેચમાં 9મા સ્થાને બેટિંગ કરવા આવ્યો હતો, જે એક આશ્ચર્યજનક નિર્ણય હતો. આ મેચમાં ધોની પહેલા શાર્દુલ ઠાકુર અને મિશેલ સેન્ટનર પણ CSK તરફથી બેટિંગ કરવા આવ્યા હતા. આ બંને ખેલાડીઓ મૂળભૂત રીતે બોલર છે અને થોડી બેટિંગ પણ કરી જાણે છે. ભારતીય દિગ્ગજ ઇરફાન પઠાણ અને હરભજન સિંહ MS ધોનીના 9મા નંબર પર બેટિંગ કરવાના નિર્ણયથી ખૂબ નારાજ દેખાતા હતા. હરભજને તો ધોનીને પ્લેઈંગ-11માંથી બહાર રહેવાની સલાહ પણ આપી હતી.

હરભજને એક મીડિયા ચેનલને કહ્યું, 'જો MS ધોની નંબર નવ પર બેટિંગ કરવા માંગતો હોય, તો તેણે ન રમવું જોઈએ. પ્લેઈંગ ઈલેવનમાં ફાસ્ટ બોલરનો સમાવેશ કરવો વધુ સારું છે. તે નિર્ણય લેનાર વ્યક્તિ છે અને તેણે બેટિંગમાં ન આવીને પોતાની ટીમને નીચી બતાવી છે.'

Respect 🙏#PBKSvCSK #TATAIPL #IPLonJioCinema #MSDhoni pic.twitter.com/sOZi3jA4fz

— JioCinema (@JioCinema) May 5, 2024

હરભજને આગળ કહ્યું, 'શાર્દુલ ઠાકુર તેની પહેલા બેટિંગ કરવા આવ્યો હતો. ઠાકુર ક્યારેય ધોનીની જેમ શોટ મારી શકે નહીં અને મને સમજાતું નથી કે, ધોનીએ આ ભૂલ કેમ કરી. તેની પરવાનગી વિના કંઈ થતું નથી અને હું તે સ્વીકારવા તૈયાર નથી કે, તેને બેટિંગ ઓર્ડરમાં ઉતારવાનો નિર્ણય કોઈ બીજા દ્વારા લેવામાં આવ્યો હતો.'

બીજી તરફ ઈરફાન પઠાણે પણ મીડિયા ચેનલને કહ્યું, 'સંભવ છે કે અમે CSKને અહીંથી પ્લેઓફ માટે ક્વોલિફાય થતા જોઈશું અને તેણે તેમની 90 ટકા મેચો જીતવી પડશે. સિનિયર ખેલાડી (ધોની) જે ફોર્મમાં છે, તેણે ક્રમમાં ઉચ્ચ બેટિંગ કરવાની જરૂર છે. તે એક જ વસ્તુ વારંવાર કરી શકતો નથી, જે તેણે કેટલાક પ્રસંગોએ કર્યો છે.'

પઠાણે વધુમાં કહ્યું, 'તેમણે ચોક્કસપણે મુંબઈ સામે પ્રભાવ પાડ્યો હતો. પરંતુ અહીં, જ્યારે ટીમને તમારી જરૂર હતી, ત્યારે તમે શાર્દુલ ઠાકુરને તમારી આગળ મોકલી ન શકો. તમે ધોનીને 9માં નંબર પર બેટિંગ કરતા જોઈ શકતા નથી. સમીર રિઝવી પણ 15મી ઓવર સુધી પેડ પહેરીને બેઠો હતો. તેઓએ કંઈક કરવાની જરૂર છે. કોઈએ ધોનીને કહેવું પડશે, ભાઈ, ઓછામાં ઓછી 4 ઓવર તો બેટિંગ કરો.'

42 વર્ષીય મહેન્દ્ર સિંહ ધોનીએ IPL 2024માં અત્યાર સુધી 9 ઇનિંગ્સમાં 55ની એવરેજથી 110 રન બનાવ્યા છે. આ સમયગાળા દરમિયાન ધોનીએ 9 છગ્ગા ઉપરાંત 10 ચોગ્ગા ફટકાર્યા છે અને તેનો સ્ટ્રાઈક રેટ 224.48 રહ્યો છે. ધોની સાત ઇનિંગ્સમાં અણનમ રહ્યો છે. IPL 2024ની શરૂઆત પહેલા ધોનીએ CSKની કેપ્ટનશીપ છોડી દીધી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.