ઓસ્ટ્રેલિયા સામે હારીને પણ ઇન્ડિયા WTC ફાઇનલમાં પહોંચી શકે છે...જાણો સમીકરણ

ન્યૂઝીલેન્ડે ટેસ્ટ શ્રેણીમાં 3-0થી ક્લીન સ્વીપ કરીને ભારતીય ટીમને મુશ્કેલીમાં મૂકી દીધી છે. આ શ્રેણી હાર્યા પછી ભારતીય ટીમે ICC વર્લ્ડ ટેસ્ટ ચેમ્પિયનશિપ (WTC) પોઈન્ટ ટેબલમાં ટોચનું સ્થાન ગુમાવ્યું છે. આ સાથે WTC ફાઈનલનો રસ્તો પણ ઘણો મુશ્કેલ બની ગયો છે.

હવે ભારતીય ટીમ ઓસ્ટ્રેલિયાના પ્રવાસે જવાની છે, જ્યાં બંને ટીમો વચ્ચે 5 મેચની ટેસ્ટ શ્રેણી રમાશે. જો ભારતીય ટીમે ટેસ્ટ ચેમ્પિયનશિપની ફાઇનલમાં સ્થાન મેળવવું હોય તો તેને આ શ્રેણી 4-0થી જીતવી પડશે. આપણે 4-1થી જીતીએ તો પણ આશા રહેશે.

પરંતુ ચાહકોનો પ્રશ્ન એ છે કે, જો ભારતીય ટીમ આ ટેસ્ટ શ્રેણી હારી જશે તો શું થશે? તો શું એ સ્થિતિમાં પણ ભારતીય ટીમ WTC ફાઈનલની રેસમાં રહેશે? અહીં તમને જણાવી દઈએ કે, આ સવાલોના જવાબ કેટલાક સમીકરણો દ્વારા સમજવા પડશે.

પહેલું એ કે, જો ભારતીય ટીમ ઓસ્ટ્રેલિયાને ટેસ્ટ શ્રેણીમાં 4-0થી હરાવશે એટલે કે 4 જીત અને 1 ટેસ્ટ ડ્રો થશે તો ભારતના કુલ ટકાવારી પોઈન્ટ 65.79 ટકા થશે. જો આમ થશે તો ભારતીય ટીમનું ફાઈનલમાં પહોંચવું લગભગ નિશ્ચિત થઈ જશે.

આ સ્થિતિમાં ઓસ્ટ્રેલિયા રેસમાંથી બહાર થઈ જશે. બીજી તરફ જો ન્યુઝીલેન્ડ ઘરઆંગણે ઈંગ્લેન્ડને 3-0થી હરાવશે તો તેના ટકાવારી પોઈન્ટ 64.29 થશે. જો દક્ષિણ આફ્રિકા ઘરઆંગણે પાકિસ્તાન અને શ્રીલંકાને 2-0ના માર્જિનથી હરાવશે તો તે 69.44 ટકા પોઈન્ટ સાથે ટોચ પર રહેશે. આ સમીકરણ સાથે ભારત અને દક્ષિણ આફ્રિકા ફાઇનલમાં ટકરાઈ શકે છે.

જો ભારતીય ટીમ ઓસ્ટ્રેલિયા સામે ટેસ્ટ શ્રેણી હારી જાય, તો પણ સમીકરણો સકારાત્મક હોઈ શકે છે. પરંતુ આ માટે આપણે અન્ય ટીમો પર નિર્ભર રહેવું પડશે. બોર્ડર-ગાવસ્કર ટ્રોફી હાર્યા પછી ભારતીય ટીમનું WTC અંતિમ સમીકરણ કંઈક આ પ્રકારનું હોઈ શકે...

The race to the #WTC25 Finale just got even more thrilling after New Zealand's stunning 3-0 whitewash of India 👊

State of play ➡ https://t.co/Q9YCYizhHX pic.twitter.com/PHNlOsjBJs

— ICC (@ICC) November 4, 2024

જો ઓસ્ટ્રેલિયા ભારતને 3-2થી હરાવે છે, તો..., ન્યુઝીલેન્ડ-ઈંગ્લેન્ડ શ્રેણી 1-1થી ડ્રો થઈ, શ્રીલંકા અને પાકિસ્તાન બંને સાથેની દક્ષિણ આફ્રિકાની શ્રેણી 1-1થી ડ્રો થઈ, ઓસ્ટ્રેલિયાને શ્રીલંકામાં 0-0થી ડ્રો રમવું પડે.

જો ભારતીય ટીમ આ રીતે હારશે અને અન્ય ટીમોનું સમીકરણ પણ આ પ્રકારનું જ રહ્યું તો ઓસ્ટ્રેલિયાની ટીમના 58.77 ટકા પોઈન્ટ હશે અને તે ટોપ પર રહીને ફાઇનલમાં પહોંચી જશે. જ્યારે ભારતીય ટીમના 53.51 ટકા માર્કસ હશે. આ રીતે ઓસ્ટ્રેલિયા અને ભારત ફાઇનલમાં ટકરાશે. આ સમીકરણ પછી, દક્ષિણ આફ્રિકાને 52.78 ટકા, ન્યુઝીલેન્ડને 52.38 ટકા અને શ્રીલંકાને 51.28 ટકા ગુણ હશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.