ભારતીય ક્રિકેટ ફેન્સ આ વ્યક્તિથી ડરે છે, ઓસ્ટ્રેલિયાથી નહીં!
ODI વર્લ્ડ કપ 2023 હવે તેના છેલ્લા તબક્કામાં પહોંચી ગયો છે. 20 વર્ષ પછી, બીજી વર્લ્ડ કપ ફાઇનલ ભારત અને ઓસ્ટ્રેલિયા વચ્ચે રમાવાની છે. 19 નવેમ્બર, રવિવારના રોજ આપણે જાણીશું કે કોણ છે ODIનો કિંગ? આ મેચ માટે બંને ટીમ તૈયારીઓ કરી રહી છે. ફેન્સ પણ મેચને લઈને ખૂબ જ ઉત્સાહિત છે. પરંતુ, આ દરમિયાન ICC દ્વારા ફાઈનલ મેચ માટે અમ્પાયરોના નામની જાહેરાત થતા જ ભારતીય ચાહકોમાં ગભરાટ ફેલાયો છે.
આ ટુર્નામેન્ટમાં ટીમ ઈન્ડિયાનું અત્યાર સુધીનું અજેય પ્રદર્શન જોઈને ભારતીય ચાહકોને વિશ્વાસ હતો કે આ વખતે વર્લ્ડ કપ અમારો છે. પણ હવે થોડી ચિંતા છે. છેવટે, આ ચિંતાનું કારણ શું છે?
મેચ અધિકારીઓ કોણ છે? ફિલ્ડ અમ્પાયરો: રિચાર્ડ ઇલિંગવર્થ અને રિચાર્ડ કેટલબોરો, થર્ડ અમ્પાયર: જોએલ વિલ્સન, ચોથો અમ્પાયર: ક્રિસ્ટોફર ગેફેની, મેચ રેફરી: એન્ડી પેક્રોફ્ટ.
આ હાઈ-વોલ્ટેજ મેચ માટે મેચ અધિકારીઓની યાદીમાં અમ્પાયર રિચર્ડ કેટલબરોના નામથી ભારતીય ચાહકો થોડા ચિંતિત બન્યા છે. વાસ્તવમાં, ચાહકો તેને ભારતીય ક્રિકેટ ટીમ માટે 'અન-લકી' માને છે. જેના કારણે ICCની જાહેરાત પછીથી ચાહકો અલગ-અલગ પ્રકારની પ્રતિક્રિયાઓ આપી રહ્યા છે. તેમનું કહેવું છે કે, રોહિત શર્માની આગેવાની હેઠળની ટીમ ઈન્ડિયાને ફાઇનલમાં કાંગારૂઓ કરતાં અમ્પાયર રિચર્ડ કેટલબરોથી વધુ ખતરો છે.
કારણ એ છે કે, જ્યારે પણ રિચર્ડ કેટલબરો ICC ઇવેન્ટમાં ભારત માટે મુખ્ય મેચમાં અમ્પાયર બને છે, ત્યારે ભારત તે મેચ હારી જાય છે. ટીમ ઈન્ડિયા સાથે કંઈક ને કંઈક અજુગતું બન્યું છે. વર્ષ 2021માં યોજાયેલ T-20 વર્લ્ડ કપની મેચ હોય કે પછી વર્ષ 2019માં ન્યુઝીલેન્ડ સામેની ભારતની સેમીફાઈનલ. જ્યારે મહેન્દ્ર સિંહ ધોની રન આઉટ થયો હતો. તેથી જ ઈન્ટરનેટના મેમ-પ્રેમીઓ મેમ્સ બનાવી રહ્યા છે.
રિચર્ડ કેટલબરો છેલ્લા એક દાયકામાં ઘણી મહત્વપૂર્ણ મેચોમાં ભારતની હારનો ભાગ રહ્યો છે. તેની શરૂઆત વર્ષ 2014માં ભારત અને શ્રીલંકા વચ્ચે T-20 વર્લ્ડ કપની ફાઈનલ મેચથી થઈ હતી. રિચાર્ડ કેટલબરોએ આમાં અમ્પાયરિંગ કર્યું અને ભારત હારી ગયું.
આ પછી, રિચર્ડ કેટલબરોએ 2015માં ઓસ્ટ્રેલિયા અને ભારત વચ્ચેની ODI વર્લ્ડ કપ સેમિફાઇનલ મેચમાં અમ્પાયરિંગ કર્યું હતું. અને, પરિણામ એ જ છે. ભારત હારી ગયું.
2016 T-20 વર્લ્ડ કપની સેમિફાઇનલ મેચમાં ભારતને વેસ્ટ ઈન્ડિઝ સામે હારનો સામનો કરવો પડ્યો હતો. આ વખતે પણ રિચર્ડ કેટલબરો અમ્પાયર હતા.
આજ સુધી ભારતીય ચાહકો વર્ષ 2017માં યોજાયેલી ચેમ્પિયન્સ ટ્રોફીને ભૂલી શક્યા નથી. ફાઇનલમાં પાકિસ્તાનની સામે ભારત હારી ગયું હતું. તે મેચમાં પણ રિચર્ડ કેટલબરો ભારતની હારનો સાક્ષી બન્યો હતો.
ત્યારપછી ODI વર્લ્ડ કપ 2019 આવે છે. આપણે સેમિફાઇનલ મેચમાં ન્યુઝીલેન્ડ સામે હારી ગયા. અને તે મેચમાં પણ અમ્પાયર..., તમે સમજી ગયા.
જ્યારે, રિચર્ડ કેટલબરો ફરી એકવાર વર્લ્ડ ટેસ્ટ ચેમ્પિયનશિપ 2021માં ભારતની હારનો સાક્ષી બન્યો. જ્યારે ભારત અને ન્યુઝીલેન્ડ વચ્ચે ફાઈનલ રમાઈ ત્યારે તે TV અમ્પાયર તરીકે મેચનો ભાગ હતો.
આ આખા મામલે સોશિયલ મીડિયા પર લોકો આ વિશે શું લખી રહ્યા છે? સૈન નામના યુઝરે સોશિયલ મીડિયા પ્લેટફોર્મ X પર લખ્યું, 'હે ભગવાન, આ માણસ હજી ભારતમાં કેમ છે? તેણે અત્યાર સુધીમાં ઈંગ્લિશ ટીમ સાથે નીકળી જવું જોઈતું હતું.
Hey Bhagwan, why is this guy still here in India? He should have left with the English team by now, right? 😉#RichardKettleborough #INDvsAUS #WorldcupFinal #NarendraModiStadium pic.twitter.com/vMh9pYcmcg
— Sann (@san_x_m) November 17, 2023
સેક્યુલર ચાડ નામના યુઝરે લખ્યું, 'જ્યાં સુધી મને ખબર ન પડી કે આ વ્યક્તિ ફાઇનલમાં અમ્પાયરિંગ કરશે ત્યાં સુધી મારો સારો દિવસ પસાર થઈ રહ્યો હતો.'
I was having a good day until I found out that this guy will be umpiring in the finals pic.twitter.com/WfB8dWapiR
— Secular Chad (@SachabhartiyaRW) November 17, 2023
સતીશ રેડ્ડી નામના યુઝરે લખ્યું, 'રિચર્ડ કેટલબરોને તરત જ ડિપોર્ટ કરો.'
Deport Richard Kettleborough immediately😬
— Sathish Reddy (@Sathish_Reddyy) November 17, 2023
રત્નીશ નામના યુઝરે લખ્યું, 'શું ICC પાસે રિચર્ડ કેટલબરો કરતા વધુ સારો અમ્પાયર નથી? આ માણસ હંમેશા અમારી સાથે અમારું દિલ તોડવામાં જોડાયેલો રહે છે.'
અંકિત પાઠક નામના યુઝરે ભારતીય ચાહકોમાં રિચર્ડ કેટલબરોનો ડર દર્શાવતી GIF શેર કરી છે.
Richard Kettleborough will be the on-field umpire in World Cup final pic.twitter.com/8w08TxFVBI
— Ankit Pathak 🇮🇳 (@ankit_acerbic) November 17, 2023
કેટલબરોની તસવીર શેર કરતા સુમેર સિંહે લખ્યું, 'હું ઓસ્ટ્રેલિયન ખેલાડીઓથી ડરતો નથી, હું રિચર્ડ કેટલબરોથી ડરું છું.'
I don't fear the Aussies. I fear Richard Kettleborough.#Finals #INDvsAUS pic.twitter.com/eEqREF8Cto
— Sumer Singh Gopalsar (@SumerSi52116331) November 17, 2023
ઘસીટારામ નામના યુઝરે ભારતીય ચાહકોમાં ડર દર્શાવતો મેમ શેર કર્યો હતો, જ્યારે રિચર્ડ કેટલબરો ફાઈનલ મેચમાં અમ્પાયર બન્યા હતા.
Indians : we will win world cup meanwhile : Richard Kettleborough pic.twitter.com/tPgh9LKkDn
— Mufaddal Vohra (@Doctorsaab117) November 17, 2023
આશિષ સિંહ નામના યુઝરે રિચર્ડ કેટલબરો પર એક મીમ શેર કરતા લખ્યું કે, 'તમે શું વિચાર્યું, ભારતીયો, હું તમને આટલી સરળતાથી છોડી દઈશ.'
My reaction after knowing that Richard Kettleborough will umpire in World cup final 👇 👇#Cricket #CWC23 #INDvsAUS #Maxwell #SAvsAUS #AUSvsSA #ICCCricketWorldCup #WorldCup2023 #Abhiya LEADER KOHLI CARRYING INDIA | CAPTAIN LEADING FROM FRONT pic.twitter.com/9mqttMCgt3
— Ashish Singh 🇮🇳 (@ashishthakur905) November 17, 2023
ચાલો સારું છે, આમ તો આ સંપૂર્ણપણે હાસ્યાસ્પદ છે. જીત અને હાર એ રમતનો એક ભાગ છે. જો તમે સારું રમશો, તો તમે જીતશો, જો તમે સારું નહીં રમશો, તો તમે હારી જશો. 'બદનસીબ' અને 'અનલકી' જેવી કોઈ વસ્તુ નથી. તમે શુ વિચારો છો, તમને શુ લાગે છે? કોમેન્ટ કરીને અમને જણાવો.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp