ભારતીય ટીમ ઓવર કોન્ફિડન્સનો શિકાર બની... ઘરઆંગણે ઈતિહાસની સૌથી ખરાબ હાર થઈ

ભારતીય ટીમ અને ઈંગ્લેન્ડ વચ્ચેની હૈદરાબાદ ટેસ્ટ ખૂબ જ રોમાંચક રહી હતી. બંને ટીમો વચ્ચે 5 મેચની સીરીઝની આ પ્રથમ મેચ હતી. જેમાં ભારતીય ટીમે શરૂઆતથી જ પોતાની પકડ જમાવી હતી. પરંતુ છેલ્લી ઇનિંગ્સમાં, ઇંગ્લેન્ડે બાજી પલટી દીધી અને મેચ 28 રને જીતી લીધી અને શ્રેણીમાં 1-0ની સરસાઈ મેળવી લીધી.

અત્યાર સુધીના ઇતિહાસમાં ઘરઆંગણે ભારતની આ સૌથી શરમજનક હાર છે. હકીકતમાં, પ્રથમ વખત ભારતીય ટીમ પ્રથમ દાવમાં 100 કે તેથી વધુ રનની લીડ લીધા પછી ઘરઆંગણે હારી છે. આ મેચમાં ભારતીય ટીમે પ્રથમ દાવમાં 190 રનની લીડ મેળવી હતી.

આ ઉપરાંત, હૈદરાબાદના આ મેદાન પર ભારતીય ટીમની તેના ટેસ્ટ ઇતિહાસમાં આ પ્રથમ હાર છે. આ ટેસ્ટ મેચ પહેલા, ભારતે આ મેદાન પર કુલ 5 ટેસ્ટ મેચ રમી હતી, જેમાંથી 4માં જીત (સતત) અને 1 ડ્રો (પ્રથમ મેચ) રહી હતી. આ રીતે, હૈદરાબાદમાં ભારતીય ટીમની આ પ્રથમ હાર છે.

પરંતુ આ મેચમાં ચાહકો હજુ પણ સમજી શક્યા નથી કે હૈદરાબાદ ટેસ્ટમાં ભારતીય ટીમની ક્યાં ભૂલ થઈ, જેના કારણે મેચમાં જીતની બાજી હાથમાંથી સરકી ગઈ? અહીં તમને જણાવી દઈએ કે, ભારતીય ટીમની સૌથી મોટી ભૂલ ઓવર કોન્ફિડન્સ રહી છે.

હકીકતમાં, ટોસ હાર્યા પછી, ઇંગ્લેન્ડની ટીમે પહેલા બેટિંગ કરવાનો નિર્ણય કર્યો, ત્યારપછી ભારતીય સ્પિનરોએ પોતાનો જાદુ બતાવ્યો અને તેને 246 રનમાં સમેટી લીધી. આ પછી બેટ્સમેનોએ શાનદાર પ્રદર્શન કર્યું અને પ્રથમ દાવમાં 436 રન બનાવ્યા અને 190 રનની લીડ મેળવી. અહીંથી રોહિત શર્માના નેતૃત્વવાળી બ્રિગેડ ઓવર કોન્ફિડન્ટમાં આવી ગઈ.

આ પછી જ્યારે ઈંગ્લેન્ડની ટીમ બીજા દાવમાં બેટિંગ કરવા ઉતરી તો તેણે ભારતીય ટીમના આ ઓવર કોન્ફિડન્સનો ફાયદો ઉઠાવ્યો અને 420 રનનો મોટો સ્કોર બનાવ્યો અને 231 રનનો ટાર્ગેટ આપ્યો. એક સમયે ઈંગ્લેન્ડે 163 રનમાં 5 વિકેટ ગુમાવી દીધી હતી. તે પછી ઓલી પોપે બાકીના બેટ્સમેનો સાથે નાની નાની ભાગીદારી કરી અને ઈંગ્લેન્ડને 420ના મોટા સ્કોર સુધી પહોંચાડ્યું. આ ઉપરાંત પોપે 196 રનની ઇનિંગ રમી હતી.

A special spell from Tom Hartley leads England to an extraordinary win in the opening Test against India 👏#WTC25 | 📝 #INDvENG: https://t.co/E53vcqjfHE pic.twitter.com/qoJl3biFfu

— ICC (@ICC) January 28, 2024

જાડેજા અને અશ્વિનની જોડી બીજા દાવમાં જરા પણ કામ આવી ન હતી. અશ્વિને 4.34ના ઇકોનોમી રેટથી 126 રન આપીને 4 વિકેટ લીધી હતી. જ્યારે જાડેજાએ 3.85ના ઇકોનોમી રેટ સાથે 131 રન આપીને 2 વિકેટ લીધી હતી. આ પણ ભારતીય ટીમની હારનું એક મોટું કારણ ગણી શકાય.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.