ઈશાન-ઐય્યરની BCCIના કરારમાંથી છુટ્ટી કરાઈ, આ 15 ખેલાડીને મળશે વર્ષે 1 કરોડ
![](https://khabarchhe.com/uploads/mc_path/170912565838.jpg)
ભારતીય ક્રિકેટ કંટ્રોલ બોર્ડે ખેલાડીઓને નવા સેન્ટ્રલ કોન્ટ્રાક્ટ આપ્યા છે. ચાર કેટેગરીમાં કુલ 40 ખેલાડીઓને કોન્ટ્રાક્ટ આપવામાં આવ્યો છે. પરંતુ તેમાં વિકેટકીપર બેટ્સમેન ઈશાન કિશન અને મિડલ ઓર્ડર બેટ્સમેન શ્રેયસ અય્યરનું નામ નથી. આ બંને ખેલાડીઓ ગત વખતે સેન્ટ્રલ કોન્ટ્રાક્ટ હેઠળ હતા, પરંતુ રણજી ટ્રોફીમાં ભાગ ન લેવાના કારણે તેમને BCCI દ્વારા નિશાન બનાવવામાં આવ્યા હતા. આ કરાર 1 ઓક્ટોબર, 2023 અને 30 સપ્ટેમ્બર, 2024 વચ્ચેનો છે.
ભારતીય ક્રિકેટ કંટ્રોલ બોર્ડ (BCCI)એ તેના વાર્ષિક સેન્ટ્રલ કોન્ટ્રાક્ટમાં ઈશાન કિશન અને શ્રેયસ અય્યરને મોટો ઝટકો આપ્યો છે. તેમને બહારનો રસ્તો દેખાડવામાં આવ્યો છે. આકાશ દીપ, વિજયકુમાર વિશાક, ઉમરાન મલિક, યશ દયાલ અને વિદ્વત કવેરપ્પાને ઝડપી બોલિંગ કરારમાં સામેલ કરવામાં આવ્યા છે.
ગ્રેડ A+: રોહિત શર્મા, વિરાટ કોહલી, જસપ્રિત બુમરાહ અને રવિન્દ્ર જાડેજા.
ગ્રેડ A: R. અશ્વિન, મોહમ્મદ શમી, મોહમ્મદ સિરાજ, KL રાહુલ, શુભમન ગિલ અને હાર્દિક પંડ્યા.
ગ્રેડ B: સૂર્યકુમાર યાદવ, ઋષભ પંત, કુલદીપ યાદવ, અક્ષર પટેલ અને યશસ્વી જયસ્વાલ.
ગ્રેડ C: રિંકુ સિંહ, તિલક વર્મા, રૂતુરાજ ગાયકવાડ, શાર્દુલ ઠાકુર, શિવમ દુબે, રવિ બિશ્નોઈ, જીતેશ શર્મા, વોશિંગ્ટન સુંદર, મુકેશ કુમાર, સંજુ સેમસન, અર્શદીપ સિંહ, KS ભરત, પ્રસીદ્ધ કૃષ્ણ, અવેશ ખાન અને રજત પાટીદાર.
ICC T20 વર્લ્ડ કપ 2024નું આયોજન વેસ્ટ ઈન્ડિઝ અને અમેરિકામાં થઈ રહ્યું છે. વર્લ્ડ કપ 1 જૂનથી શરૂ થશે. તે પહેલા, IPL 2024 સીઝન મે મહિનામાં પૂર્ણ થશે, જે માર્ચમાં શરૂ થશે. આવી સ્થિતિમાં, ભારતીય કરારબદ્ધ ખેલાડીઓ પર કામનું ભારણ નોંધપાત્ર રીતે વધશે.
Additionally, athletes who meet the criteria of playing a minimum of 3 Tests or 8 ODIs or 10 T20Is within the specified period will automatically be included in Grade C on a pro-rata basis.
— BCCI (@BCCI) February 28, 2024
For more details, click the link below 👇👇https://t.co/IzRjzUUdel #TeamIndia
અહીં તમને જણાવી દઈએ કે, BCCI કોન્ટ્રાક્ટ લિસ્ટમાં 4 કેટેગરી છે. A+ શ્રેણીને રૂ.7 કરોડ, Aને રૂ.5 કરોડ, Bને રૂ.3 કરોડ અને સૌથી છેલ્લી C શ્રેણીને વાર્ષિક રૂ.1 કરોડ મળે છે. આ તમામ કેટેગરીમાં ખેલાડીઓને સામેલ કરવાના કેટલાક નિયમો છે. A+ માં એવા ખેલાડીઓનો સમાવેશ થાય છે જેઓ ત્રણેય ફોર્મેટમાં રમે છે (ટેસ્ટ, ODI અને T20).
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp