T20 વર્લ્ડ કપ ટીમમાં પસંદગી અંગે કોહલીએ તોડ્યું મૌન, રાહુલ દ્રવિડના કર્યા વખાણ

ઈન્ડિયન પ્રીમિયર લીગ (IPL)ની 17મી સીઝનની મેચ નંબર-6માં, રોયલ ચેલેન્જર્સ બેંગ્લોર (RCB)એ પંજાબ કિંગ્સ (PBKS)ને ચાર વિકેટથી હરાવ્યું. RCBની જીતમાં સ્ટાર બેટ્સમેન વિરાટ કોહલીએ મહત્વની ભૂમિકા ભજવી હતી. કિંગ કોહલીએ 49 બોલમાં સૌથી વધુ 77 રનની ઇનિંગ રમી હતી. આ શાનદાર પ્રદર્શન માટે કોહલીને 'પ્લેયર ઓફ ધ મેચ' પણ પસંદ કરવામાં આવ્યો હતો.

જીત પછી વિરાટ કોહલીએ કોમેન્ટેટર હર્ષા ભોગલે દ્વારા પૂછવામાં આવેલા ઘણા સવાલોના જવાબ આપ્યા. આ દરમિયાન કોહલી એ જણાવવાનું ભૂલ્યો નહીં કે, ભલે તે ઓલિમ્પિક ગેમ્સમાં ક્રિકેટનો સમાવેશ હોય કે USAમાં યોજાનારા T20 વર્લ્ડ કપ, તે જ 'અસલી ચહેરો' છે. કોહલીએ કહ્યું કે, તેનું નામ હવે વિશ્વના વિવિધ ભાગોમાં T20 ક્રિકેટને પ્રમોટ કરવા સાથે જોડાયેલું છે. કોહલીનો આ સંદેશ તે લોકો માટે હતો જેઓ આગામી T20 વર્લ્ડ કપ ટીમમાં તેના સ્થાનની ચર્ચા કરી રહ્યા છે.

તાજેતરમાં એક અંગ્રેજી અખબારમાં અહેવાલ પ્રકાશિત થયો હતો. આ રિપોર્ટ અનુસાર, કોહલી આગામી T20 વર્લ્ડ કપમાંથી બહાર રહી શકે છે, કારણ કે તેને T20 માટે યોગ્ય માનવામાં આવતો નથી. આ રિપોર્ટ અનુસાર કોહલી વિશે ત્યારે જ T20 વર્લ્ડ કપ માટે વિચારવામાં આવશે, જ્યારે તે IPLમાં જોરદાર પ્રદર્શન બતાવશે. T20 વર્લ્ડ કપ 2 જૂનથી 29 જૂન સુધી વેસ્ટ ઈન્ડિઝ અને USAમાં રમાશે.

વિરાટ કોહલીએ કહ્યું, 'જ્યારે તમે રમત રમો છો, ત્યારે લોકો સિદ્ધિઓ, આંકડા અને સંખ્યા વિશે વાત કરે છે. પરંતુ જ્યારે તમે પાછળ ફરીને જુઓ છો, ત્યારે તે તમારા દ્વારા બનાવવામાં આવેલી યાદો હોય છે. આજકાલ ચેન્જ રૂમમાં રાહુલ ભાઈ આ જ કહે છે, જ્યારે તમે રમો તો પૂરા દિલથી રમો, કારણ કે ભવિષ્યમાં તમે આ સમય ચૂકી જશો. મને જે પ્રેમ, પ્રશંસા અને સમર્થન મળ્યું છે તે અદ્ભુત છે. હું ટીમને ઝડપી શરૂઆત આપવાનો પ્રયત્ન કરું છું, પરંતુ જો સતત વિકેટ પડતી હોય તો તમારે સંજોગોને પણ સમજવું પડશે.'

35 વર્ષીય કોહલી કહે છે, 'તે સામાન્ય પિચ નહોતી. આવી સ્થિતિમાં, મેં વિચાર્યું કે, મારે યોગ્ય ક્રિકેટિંગ શોટ્સ રમવાની જરૂર છે. નિરાશ છું કે, હું રમતને પૂરી કરી શક્યો નહીં. હું જાણું છું કે, જ્યારે T-20 ક્રિકેટની વાત આવે છે, ત્યારે મારું નામ ઘણીવાર વિશ્વના વિવિધ ભાગોમાં T-20 ક્રિકેટના પ્રચાર સાથે જોડવામાં આવે છે. પરંતુ મને લાગે છે કે, મને તે હજુ પણ મળ્યું છે.'

🗣️🗣️ You're not going to think of numbers and stats, it's the memories that you create

Orange cap holder Virat Kohli with a special message and a special mention to #TeamIndia Head Coach Rahul Dravid 🤗#TATAIPL | #RCBvPBKS | @imVkohli pic.twitter.com/uW0Vb7Y8m9

— IndianPremierLeague (@IPL) March 25, 2024

બે મહિનાના બ્રેક અંગે વિરાટ કોહલીએ કહ્યું, 'અમે દેશમાં નહોતા. અમે એવી જગ્યાએ હતા, જ્યાં લોકો અમને ઓળખતા ન હતા. એક પરિવાર તરીકે સાથે સમય વિતાવવો અને બે મહિના સુધી સામાન્ય અનુભવ કરવો, તે મારા અને મારા પરિવાર માટે એક અતિવાસ્તવ અનુભવ હતો. અલબત્ત, બે બાળકો હોવાના કારણે કુટુંબના દૃષ્ટિકોણથી વસ્તુઓ સંપૂર્ણપણે અલગ પડે છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.