શમીએ ટેસ્ટ રેંકિંગમાં માર્યો કુદકો, પહેલી વખત ટોપ ટેનમાં

ભારતીય ફાસ્ટ બોલર મોહમ્મદ શમી 790 ની રેટિંગ સાથે આઇસીસીની નવી ટેસ્ટ રેન્કિંગમાં સાતમા સ્થાને પહોંચી ગયો છે. આ તેની કારકિર્દીની શ્રેષ્ઠ રેન્કિંગ છે. શમી પ્રથમ વખત ટોપ -10 માં પહોંચી ગયો છે. તેના સિવાય જસપ્રિત બુમરાહ ચોથા અને રવિચંદ્રન અશ્વિન દસમા સ્થાને છે. ઈન્દોર ટેસ્ટમાં શાનદાર બેવડી સદી ફટકારનારા મયંક અગ્રવાલે પણ તેની કારકિર્દીની સર્વશ્રેષ્ઠ રેન્કિંગ પ્રાપ્ત કરી છે. તે સાત સ્થાનનો ઉછાળો મેળવી 11 મા સ્થાને પહોંચી ગયો છે.

ICYMI 👇 https://t.co/OQyVB2m4gJ

— ICC (@ICC) November 18, 2019

જસપ્રીત બુમરાહના 802 અને અશ્વિનનાં 780 પોઇન્ટ છે. 908 રેટિંગ સાથે આ યાદીમાં ઓસ્ટ્રેલિયાના પેટ કમિન્સ પ્રથમ ક્રમે છે. બાંગ્લાદેશ સામે ઈંદોર ટેસ્ટમાં શમીએ શાનદાર બોલિંગ કરી હતી. તેણે મેચની બંને ઇનિંગ્સમાં કુલ સાત વિકેટ ઝડપી હતી. આ પ્રદર્શનને લીધે, તે તાજેતરમાં જારી કરવામાં આવેલી આઇસીસી રેન્કિંગમાં 8 સ્થાન ઉપર ચઢીને સાતમા ક્રમે પહોંચી ગયો છે.

બેટ્સમેનોની ટેસ્ટ રેન્કિંગમાં ઓસ્ટ્રેલિયાનો સ્ટીવ સ્મિથ હજી પણ પહેલા નંબર પર છે અને વિરાટ કોહલી બીજા સ્થાને છે. કોહલીના ખાતામાં 912 રેટિંગ પોઇન્ટ છે. ચેતેશ્વર પૂજારા 790 પોઇન્ટ સાથે કોહલી પછી ચોથા ક્રમે, અજિંક્ય રહાણે 759 રેટિંગ સાથે પાંચમા અને રોહિત શર્મા દસમા સ્થાને છે. તેના ખાતામાં તેના 701 રેટિંગ પોઇન્ટ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.