પાકિસ્તાન-ઓસ્ટ્રેલિયા જોતા રહી ગયા અને ભારતીય ટીમે આ 2 રેકોર્ડ પોતાના નામે કર્યા

ભારત અને બાંગ્લાદેશ વચ્ચે ત્રીજી અને છેલ્લી T20 મેચ હૈદરાબાદમાં રમાઈ હતી, જેમાં ભારતીય ટીમનો 133 રને વિજય થયો હતો. ટીમ ઈન્ડિયાએ મેચમાં 297 રનનો મોટો સ્કોર બનાવ્યો હતો. આ પછી બાંગ્લાદેશની ટીમ 7 વિકેટ ગુમાવી 164 રન જ બનાવી શકી હતી. જીતના હીરો સંજુ સેમસને 111 રનની તોફાની ઇનિંગ રમી હતી. જ્યારે કેપ્ટન સૂર્યકુમાર યાદવે 75 રન બનાવ્યા હતા.

ભારતીય ટીમે ઘરઆંગણે ત્રીજી અને છેલ્લી T20 મેચમાં બાંગ્લાદેશને 133 રને હરાવ્યું છે. આ જીત સાથે ટીમ ઈન્ડિયાએ 3 T-20 મેચની શ્રેણી 3-0થી કબજે કરી લીધી છે. ત્રીજી મેચમાં જીતના હીરો સંજુ સેમસને 111 રનની તોફાની ઇનિંગ રમી હતી. જ્યારે કેપ્ટન સૂર્યકુમાર યાદવે 75 રન બનાવ્યા હતા. જેના કારણે ભારતે 297 રનનો મોટો સ્કોર બનાવ્યો હતો.

આ સ્કોર સાથે, ભારતીય ટીમે એવા બે અદ્ભુત રેકોર્ડ બનાવ્યા છે, જેમાં પાકિસ્તાન અને ઓસ્ટ્રેલિયાની ટીમો પણ સામે જોતી રહી ગઈ. એમ કહો કે તેમના બંને રેકોર્ડ તૂટી ગયા. એક રેકોર્ડમાં તો કાંગારૂ ટીમ ભારતની ટીમથી ઘણી પાછળ જોવા મળે છે.

જ્યારે બીજા રેકોર્ડમાં ભારતીય ટીમે બીજી વખત પાકિસ્તાનને હરાવ્યું છે. પહેલો રેકોર્ડ T20 ક્રિકેટમાં સૌથી વધુ વખત 200+ રન બનાવનારી ટીમોનો છે, જેમાં ભારત 37 વખત ટોચ પર છે, જ્યારે આંતરરાષ્ટ્રીય ક્રિકેટમાં ભારત પછી બીજી ટીમ ઓસ્ટ્રેલિયા છે, જેણે 23 વખત આ સિદ્ધિ હાંસલ કરી છે.

બીજો રેકોર્ડ એક કેલેન્ડર વર્ષમાં સૌથી વધુ T20 આંતરરાષ્ટ્રીય જીતનો છે. આ મામલામાં યુગાન્ડા 29 જીત સાથે ટોચ પર છે, જેણે 2023માં આ સિદ્ધિ મેળવી હતી. ભારતીય ટીમ 28 જીત સાથે બીજા સ્થાને છે. વર્ષ 2022માં તેમની સામેની આ મેચ જીતી હતી.

પાકિસ્તાને 2021માં 20 મેચ જીતી છે અને તે યાદીમાં પાંચમા સ્થાને છે. આ વર્ષે 21મી મેચ જીતીને ભારતીય ટીમે આ યાદીમાં બીજી વખત પાકિસ્તાનને પાછળ છોડી દીધું છે. ત્રીજા નંબર પર તાન્ઝાનિયા છે, જેણે 2022માં માત્ર 21 મેચ જીતી હતી.

T20 ક્રિકેટમાં સૌથી વધુ વખત 200+ રન બનાવનાર ટીમો: 37-ભારત, 36-સમરસેટ, 35-ચેન્નાઈ સુપર કિંગ્સ, 33-રોયલ ચેલેન્જર્સ બેંગ્લોર, 31-યોર્કશાયર. આંતરરાષ્ટ્રીય ક્રિકેટમાં બીજી ટીમ ઓસ્ટ્રેલિયા છે જેણે 23 વખત આ સિદ્ધિ મેળવી છે.

એક કેલેન્ડર વર્ષમાં સૌથી વધુ T20 આંતરરાષ્ટ્રીય જીતનો રેકોર્ડ: 29-યુગાન્ડા (2023), 28-ભારત (2022), 21-તાંઝાનિયા (2022), 21*-ભારત (2024), 20-પાકિસ્તાન (2021), આમાં સુપર ઓવરમાં થયેલી જીતનો પણ સમાવેશ થાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.