ફિલ સોલ્ટે શેફર્ડના ઓવરની દરેક બોલને બાઉન્ડ્રીની બહાર મોકલી,ઓવરમાં 30 રન બનાવ્યા

T20 વર્લ્ડ કપની સુપર-8 મેચમાં ફિલ સોલ્ટ નામનું તોફાન જોવા મળ્યું હતું. રોમારીયો શેફર્ડ ઈંગ્લેન્ડના આ તોફાન (ફિલ સોલ્ટ)નો શિકાર બન્યો હતો. ઈંગ્લેન્ડના ફિલ સોલ્ટે વેસ્ટ ઈન્ડિઝના રોમારિયો શેફર્ડની એક ઓવરમાં 30 રન ફટકાર્યા હતા. તેણે આ ઓવરના દરેક બોલને બાઉન્ડ્રીની બહાર મોકલ્યો. તેની ઈનિંગની મદદથી ઈંગ્લેન્ડે વેસ્ટ ઈન્ડિઝ સામે સુપર-8 મેચ સરળતાથી જીતી લીધી હતી.

T20 વર્લ્ડ કપના સુપર-8 સ્ટેજની મેચમાં ઈંગ્લેન્ડે વેસ્ટ ઈન્ડિઝને 8 વિકેટે હરાવ્યું. પ્રથમ બેટિંગ કરતા વેસ્ટ ઈન્ડિઝે 4 વિકેટે 180 રન બનાવ્યા હતા. અત્યાર સુધી લો સ્કોરિંગ સાબિત થયેલા આ T20 વર્લ્ડ કપમાં વેસ્ટ ઈન્ડિઝનો સ્કોર પહેલી નજરે જોરદાર દેખાતો હતો, પરંતુ ઈંગ્લેન્ડે તેને ખૂબ જ વામણું સાબિત કર્યું. ઈંગ્લેન્ડે 15 બોલ બાકી રહેતા 8 વિકેટે મેચ જીતી લીધી હતી.

ઈંગ્લેન્ડનો ફિલ સોલ્ટ 'પ્લેયર ઓફ ધ ડે' રહ્યો, જેણે 47 બોલમાં 87 રનની અણનમ ઈનિંગ રમી હતી. તેણે શરૂઆતની ઓવરોમાં સાવચેતીપૂર્વક બેટિંગ કરી અને જોસ બટલર, મોઈન અલી અને જોની બેયરસ્ટો સાથે મળીને દાવને આગળ ધપાવ્યો. ફિલ સોલ્ટનું ખતરનાક ફોર્મ ઇનિંગની 16મી ઓવરમાં બહાર આવ્યું હતું. રોમારિયા શેફર્ડની આ ઓવરમાં તેણે 30 રન બનાવ્યા હતા.

15મી ઓવર સુધીમાં ઈંગ્લેન્ડની ટીમે 2 વિકેટે 141 રન બનાવી લીધા હતા. ફિલ સોલ્ટ અને જોની બેયરસ્ટો ક્રિઝ પર હતા. ઈંગ્લેન્ડની જીત નજીક જણાતી હતી. ત્યારપછી રોમારિયો શેફર્ડને ઇંગ્લેન્ડની ઇનિંગની 16મી ઓવરમાં લાવવામાં આવ્યો હતો. ફિલ સોલ્ટે શેફર્ડના પ્રથમ બોલ પર કવર પર ચોગ્ગો ફટકારીને પોતાની ફિફ્ટી પૂરી કરી. આ પછી તેઓ વધુ ખતરનાક બની ગયા.

રોમારિયોના આગલા (બીજા) બોલ પર ફિલ સોલ્ટે પણ મોટો શોટ માર્યો હતો. આ વખતે બોલ સિક્સર માટે સાઇટસ્ક્રીનની ઉપર ગયો. આ રીતે પ્રથમ બે બોલ પર 10 રન બનાવ્યા હતા. ઓવરના ત્રીજા બોલ પર ચોગ્ગો આવ્યો. આ ધીમો બોલ હતો, જેને બાઉન્ડ્રીની બહાર મોકલવામાં સોલ્ટને કોઈ સમસ્યા થઇ ન હતી.

Phil's As𝗦𝗔u𝗟𝗧! ⚡

Back-to-back sixes from #PhilSalt ensured the defending champions cruised smoothly in this run chase! 👊🏻

Don't miss the action in the 𝐒𝐔𝐏𝐄𝐑 𝟖 - World Cup ka Super Stage 👉 #AFGvIND | TODAY, 6 PM | #T20WorldCupOnStar | #WIvENG pic.twitter.com/YJ4uagluet

— Star Sports (@StarSportsIndia) June 20, 2024

ફિલ સોલ્ટે ઓવરનો ચોથો બોલ લોંગઓફ બાઉન્ડ્રીની બહાર મોકલ્યો. આ વખતે ઈંગ્લિશ બેટ્સમેને 93 મીટર લાંબી સિક્સ ફટકારી હતી. ઓવરનો પાંચમો બોલ લેગ સ્ક્વેર લેગ બાઉન્ડ્રીની બહાર સિક્સર માટે ગયો. ફિલ સોલ્ટે ઓવરનો અંત પણ બાઉન્ડ્રી વડે કર્યો હતો. તેણે આ બોલ કવરની નજીક રમ્યો, જે બાઉન્ડ્રી લાઇનની બહાર જઈને અટક્યો.

ભારત ગુરુવારે જ સુપર-8માં પોતાના અભિયાનની શરૂઆત કરશે. સુપર-8માં ભારતની પ્રથમ મેચ અફઘાનિસ્તાન સામે છે. આ મેચ રાત્રે 8 વાગ્યાથી (ભારતીય સમય મુજબ) રમાશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.