પીટરસને 'ટ્વિસ્ટ' સાથે કર્યો દાવો, વર્લ્ડ કપ 2023ની ફાઈનલ આ બે ટીમો વચ્ચે થશે

ઇંગ્લેન્ડના પૂર્વ ક્રિકેટર કેવિન પીટરસને ભારત અને ઇંગ્લેન્ડ વચ્ચે વર્લ્ડ કપ વોર્મ અપ મેચ પહેલા, 'ભારત અને ઇંગ્લેન્ડ વચ્ચે વર્લ્ડ કપ ફાઇનલ મેચ થશે' એ રીતની સોશિયલ મીડિયા પ્લેટફોર્મ X પર પ્રતિક્રિયા આપી છે. હકીકતમાં કેવિન પીટરસને સોશિયલ મીડિયા પર જે વાતો લખી છે તેમાં તે વાત કરી રહ્યો છે કે, વર્લ્ડ કપની ફાઈનલમાં કઈ બે ટીમો રમવા જઈ રહી છે. તે અંગે એક આગાહી કરી છે. હકીકતમાં, પીટરસને X પર લખ્યું, 'શું વર્લ્ડ કપની ફાઈનલ આજે પ્રેક્ટિસ મેચમાં રમાઈ રહી છે?' પીટરસને આ વખતે વર્લ્ડ કપની ફાઈનલ રમી શકે તેવી બે ટીમોના નામ ટ્વિસ્ટ સાથે જાહેર કર્યા છે. અહીં તમને જણાવી દઈએ કે, ઈંગ્લેન્ડે 2019 વર્લ્ડ કપનો ખિતાબ પણ જીત્યો હતો. ઇંગ્લેન્ડે 2019 વર્લ્ડ કપ ફાઇનલમાં ન્યૂઝીલેન્ડને હરાવીને વર્લ્ડ કપનો ખિતાબ જીત્યો હતો.

આ સિવાય એક મીડિયા ચેનલ પર પૂર્વ ભારતીય કેપ્ટન સુનીલ ગાવસ્કરે વર્લ્ડ કપ ફાઈનલને લઈને ભવિષ્યવાણી કરતા કહ્યું કે, આ વખતે ઈંગ્લેન્ડની ટીમ ટાઈટલ જીતવાની પ્રબળ દાવેદાર છે. ઈંગ્લેન્ડના ટોપ ઓર્ડર બેટ્સમેનો ખતરનાક છે અને સૌથી સારી વાત એ છે કે તેમની પાસે બે વર્લ્ડ ક્લાસ ઓલરાઉન્ડર છે, જે કોઈપણ સમયે મેચને પલટી શકે છે. ઈંગ્લેન્ડની ટીમ પાસે શાનદાર બોલરો પણ છે. ગાવસ્કરે કહ્યું કે આ વખતે ઈંગ્લેન્ડની ટીમ મેચને કોઈ પણ ક્ષણે પોતાની તરફ પલટી શકે છે. અહીં તમને જણાવી દઈએ કે, ઈંગ્લેન્ડની ટીમ વર્લ્ડ કપમાં પોતાની પ્રથમ મેચ 5 ઓક્ટોબરે ન્યૂઝીલેન્ડ સાથે રમશે.

જ્યારે, આજે એટલે કે 30 સપ્ટેમ્બરે ભારત અને ઇંગ્લેન્ડ વચ્ચે વોર્મ અપ મેચ રમાશે. બંને ટીમો વર્લ્ડ કપ પહેલા સખત પ્રેક્ટિસ કરવા માંગે છે. જ્યારે, વર્લ્ડ કપમાં ભારતીય ટીમની ઇંગ્લિશ ટીમ સાથે મેચ 29 ઓક્ટોબરે રમાશે.

વર્લ્ડ કપ માટે ઈંગ્લેન્ડની ટીમ: જોસ બટલર (કેપ્ટન), મોઈન અલી, ગસ એટકિન્સન, જોની બેયરસ્ટો, સેમ કુરૈન, લિયામ લિવિંગસ્ટોન, ડેવિડ માલન, આદિલ રાશીદ, જો રૂટ, હેરી બ્રુક, બેન સ્ટોક્સ, રીસ ટોપલે, ડેવિડ વિલી, માર્ક વુડ, ક્રિસ વોક્સ

Is the World Cup Final being played in a warm up game today? #IndvsEng 🏏

— Kevin Pietersen🦏 (@KP24) September 30, 2023

વર્લ્ડ કપ માટેની ભારતીય ટીમઃ રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), શુભમન ગિલ, વિરાટ કોહલી, શ્રેયસ ઐયર, K.L. રાહુલ, રવિન્દ્ર જાડેજા, શાર્દુલ ઠાકુર, જસપ્રિત બુમરાહ, મોહમ્મદ સિરાજ, કુલદીપ યાદવ, મોહમ્મદ શમી, R. અશ્વિન, ઈશાન કિશન, સૂર્યકુમાર યાદવ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.