Notifications

Favourite List

રનઆઉટ થયા બાદ રડ્યો રાહુલ ત્રિપાઠી, ગાવસ્કરે ગુસ્સામાં શું કહ્યું?

22 May, 2024
02:32 PM
PC: hindustantimes.com

રાહુલ ત્રિપાઠી SRH ના બેટ્સમેન છે. IPL ક્વોલિફાયર્સમાં SRHનો સર્વશ્રેષ્ઠ બેટ્સમેન હતો. પરંતુ સાથી બેટ્સમેન અબ્દુલ સમદ સાથે મૂંઝવણના કારણે તે રનઆઉટ થયો હતો અને તેના રનઆઉટે સુનીલ ગાવસ્કરને ગુસ્સે કરી દીધા હતા. મીડિયા સૂત્રોના જણાવ્યા અનુસાર, કોમેન્ટ્રી દરમિયાન જ ગાવસ્કરે ગુસ્સામાં સમદને સંભળાવી દીધું હતું.

મંગળવારે, 21 મેના રોજ, KKRએ ટોસ જીતીને પ્રથમ બોલિંગ કરવાનું પસંદ કર્યું. અને તેનો આ નિર્ણય સાચો સાબિત થતો પણ જણાતો હતો. SRHનો ટોપ ઓર્ડર ખરાબ રીતે નિષ્ફળ ગયો. તેઓએ માત્ર 39 રનમાં ચાર વિકેટ ગુમાવી દીધી હતી. ટ્રેવિસ હેડ અને શાહબાઝ અહેમદ ખાતું પણ ખોલાવી શક્યા ન હતા. જ્યારે અભિષેક શર્મા માત્ર ત્રણ રન અને નીતિશ કુમાર રેડ્ડી માત્ર નવ રન બનાવી શક્યા હતા. આ પછી હેનરિક ક્લાસને થોડા સમય માટે રાહુલ ત્રિપાઠીને સાથ આપ્યો હતો.

ત્રિપાઠી ખુબ સરસ રીતે રમી રહ્યો હતો. ક્લાસેન કુલ 101 રનના સ્કોર પર આઉટ થયો હતો. પરંતુ ત્રિપાઠી ટકી રહ્યો હતો. ક્લાસેન પછી અબ્દુલ સમદ ત્રિપાઠીને સાથ આપવા આવ્યો હતો. બંને સાથે મળીને ધીમે ધીમે ટીમને આગળ લઈ જવા લાગ્યા, પરંતુ ત્યાર પછી એક ટ્રેનિંગ પોઇન્ટ આવ્યો. આ વાત છે ઈનિંગની ચૌદમી ઓવરની. સુનીલ નારાયણ બોલિંગ કરી રહ્યો હતો. ત્રણ ઓવરમાં 32 રન આપનાર સુનીલ નારાયણના પહેલા જ બોલ પર સમદે અદ્ભુત સિક્સર ફટકારી હતી.

તેના પછીની બોલ, ઓફ સ્ટમ્પની બહારની લંબાઈનો બોલ. સમદ તેને બેકવર્ડ પોઈન્ટ તરફ ફટકાર્યો હતો. બોલ ત્યાં ફિલ્ડિંગ કરી રહેલા આન્દ્રે રસેલની ડાબી તરફ હતો. તેણે ડાઇવિંગ કરીને તેને પકડ્યો અને તે ઊભો થાય તે પહેલા જ તેને વિકેટ કીપર તરફ ફેંકી દીધો. અહીં બંને બેટ્સમેન સિંગલ લેવા માટે આગળ આવી ગયા હતા. ત્રિપાઠીને મોડેથી ખ્યાલ આવ્યો કે, રસેલે બોલને રોકી દીધો હતો.

અને આ વાત સમજતા જ તે જ્યાં હતો ત્યાં જ અટકી ગયો. જ્યારે સમદ દોડતી વખતે તેમને પાર કરી ગયો હતો. વિકેટ કીપર ગુરબાઝે બોલ કલેક્ટ કર્યા પછી પહેલા તેને બોલિંગ છેડે ફેંકવાનો પ્રયાસ કર્યો. પરંતુ પછી તેણે જોયું કે ત્રિપાઠી અધવચ્ચે જ અટકી ગયો છે. આ જોઈને ગુરબાઝે તરત જ વિકેટો વેરવિખેર કરી નાખી અને ત્રિપાઠી રન આઉટ થયો હતો. તેણે 35 બોલમાં 55 રનની ઇનિંગ રમી હતી.

આ રીતે આઉટ થયા પછી ત્રિપાઠી લાંબા સમય સુધી ડ્રેસિંગ રૂમની સીડી પર માથું નમાવીને બેઠો રહ્યો. તેનો આ ફોટો ખુબ વાયરલ થયો હતો અને કોમેન્ટ્રી કરી રહેલા સુનીલ ગાવસ્કરે પણ આ અંગે કોમેન્ટ કરી હતી. તેમના મતે, આ બધી ભૂલ અબ્દુલ સમદની હતી. તેમણે કહ્યું, 'તે સંપૂર્ણપણે સમદની ભૂલ છે. ત્રિપાઠી પરફેક્ટ બેકઅપ આપી રહ્યા હતા. અહીં કોઈ રન હતો જ નહીં. બોલ અટકી ગયો હતો. ખોટા સમયે બિનજરૂરી વિકેટ આપી દીધી.'

ગાવસ્કર સાથે કોમેન્ટ્રી કરી રહેલા ઈયાન બિશપ પણ ત્રિપાઠીને સીડી પર બેઠેલા જોઈને રોકી શક્યા નહીં. તેણે કહ્યું, 'મને નથી લાગતું કે આઉટ થયા પછી મેં કોઈ બેટ્સમેનને આ રીતે જોયો હોય. તેણે હજુ હમણાં જ તો બાઉન્ડ્રી ફટકારી હતી.'

પ્રથમ બેટિંગ કરતા SRHએ 159 રન બનાવ્યા હતા. ટીમ માટે કેપ્ટન કમિન્સે 24 બોલમાં 30 રનની ઇનિંગ રમી હતી. જ્યારે સમદે 16 રન બનાવ્યા હતા. ક્લાસને 21 બોલમાં 32 રન ઉમેર્યા હતા. જેના જવાબમાં કોલકાતાએ ખૂબ જ સરળતાથી મેચ જીતી લીધી હતી અને ફાઇનલમાં પ્રવેશ કર્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp