'ગાબામાં રિષભ પંતની તે ઈનિંગ...' એવોર્ડ મેળવતા રવિ શાસ્ત્રી થઈ ગયા ભાવુક

BCCI એવોર્ડ 2024નો સમારોહ 23 જાન્યુઆરીએ હૈદરાબાદમાં યોજાયો હતો. ભારતીય ક્રિકેટ ટીમના ભૂતપૂર્વ મુખ્ય કોચ, રવિ શાસ્ત્રીને પ્રતિષ્ઠિત કર્નલ C. K. નાયડુ લાઇફટાઇમ એવોર્ડથી સન્માનિત કરવામાં આવ્યા હતા. તેણે ઓસ્ટ્રેલિયા સામે રીષભ પંતની ઇનિંગ્સને સર્વશ્રેષ્ઠ ગણાવી હતી. ગાબા મેદાન પર પંતની ઈનિંગ વિશે વાત કરતા શાસ્ત્રી પણ ભાવુક થઈ ગયા હતા.

રવિ શાસ્ત્રીએ એવોર્ડ મેળવ્યા પછી હર્ષા ભોગલેએ એક પ્રશ્ન પૂછ્યો હતો. તેણે શાસ્ત્રીને સૌથી ખાસ ક્ષણ વિશે પૂછ્યું. શાસ્ત્રીએ કહ્યું, 'આ મારા માટે ખાસ સાંજ છે. મને લાગે છે કે માત્ર એક પસંદ કરવાનું મુશ્કેલ હશે. 1985માં મેલબોર્નમાં પાકિસ્તાન સામેની ફાઈનલ ખાસ હતી. 1983માં જ્યારે ભારતે વર્લ્ડ કપ જીત્યો ત્યારે તે ક્ષણ પણ ખાસ હતી. કોમેન્ટ્રીમાં, જ્યારે ભારતે 2007માં T20 વર્લ્ડ કપ જીત્યો અને જ્યારે 2011માં MS ધોનીએ સિક્સર ફટકારી, તે બધું જ ખાસ હતું. પરંતુ ગાબા ખાતે રીષભ પંતની તે ઈનિંગ 'કેક પર આઈસિંગ' ક્ષણ હતી.'

રવિ શાસ્ત્રીએ કહ્યું કે રીષભની તે ઇનિંગ્સ હંમેશા યાદ રહેશે. તે મારા માટે સૌથી મોટો મેડલ છે. અહીં તમને જણાવી દઈએ કે, રવિ શાસ્ત્રીના કાર્યકાળમાં ભારતીય ટીમે ઓસ્ટ્રેલિયાને બે વખત ટેસ્ટ શ્રેણીમાં હરાવ્યું હતું. ભારતે 2018/19 અને 2020/21માં ઓસ્ટ્રેલિયાને તેમની જ ધરતી પર હરાવ્યું હતું.

એવોર્ડ સમારંભમાં જસપ્રીત બુમરાહ, રવિચંદ્રન અશ્વિન, મોહમ્મદ શમીને પોલી ઉમરીગર એવોર્ડથી સન્માનિત કરવામાં આવ્યા હતા. ઓપનર બેટ્સમેન શુભમન ગીલને છેલ્લા 12 મહિનામાં તેના શાનદાર પ્રદર્શન માટે વર્ષના શ્રેષ્ઠ પુરૂષ ક્રિકેટરનો એવોર્ડ મળ્યો હતો. છેલ્લા એક વર્ષમાં ગિલે સૌથી ઝડપી બે હજાર રન બનાવ્યા છે. આ દરમિયાન તેણે પાંચ સદી ફટકારી હતી.

યુવા બેટ્સમેન યશસ્વી જયસ્વાલને બેસ્ટ ઈન્ટરનેશનલ ડેબ્યુનો એવોર્ડ આપવામાં આવ્યો હતો. મહિલા સ્પિનર દીપ્તિ શર્માએ 2022-23 સીઝન માટે શ્રેષ્ઠ આંતરરાષ્ટ્રીય મહિલા ક્રિકેટરનો એવોર્ડ જીત્યો હતો. તાજેતરમાં, દીપ્તિએ ઈંગ્લેન્ડ સામેની એકમાત્ર ટેસ્ટ મેચમાં શાનદાર બોલિંગ કરી હતી. આ મેચમાં તેણે અડધી સદી ફટકારવાની સાથે 39 રનમાં નવ વિકેટ ઝડપી હતી.

BCCI પુરસ્કારો 2024ના વિજેતાઓની સંપૂર્ણ યાદી: પુરૂષોની ક્રિકેટ ટીમમાં શ્રેષ્ઠ આંતરરાષ્ટ્રીય પદાર્પણ- 2019-20: મયંક અગ્રવાલ, 2020-21: અક્ષર પટેલ, 2021-22: શ્રેયસ ઐયર, 2022-23: યશસ્વી જયસ્વાલ.

શ્રેષ્ઠ આંતરરાષ્ટ્રીય ક્રિકેટર માટે પોલી ઉમરીગર એવોર્ડ: 2019-20: મોહમ્મદ શમી, 2020-21: R. અશ્વિન, 2021-22: જસપ્રિત બુમરાહ, 2022-23: શુભમન ગિલ.

દિલીપ સરદેસાઈ એવોર્ડ: ટેસ્ટ ક્રિકેટમાં સૌથી વધુ વિકેટ- 2022-23 (ભારત વિ વેસ્ટ ઈન્ડિઝ): R. અશ્વિન, ટેસ્ટ ક્રિકેટમાં સૌથી વધુ રન- 2022-23 (ભારત વિ વેસ્ટ ઈન્ડિઝ): યશસ્વી જયસ્વાલ.

કર્નલ C.K. નાયડુ લાઈફટાઈમ અચીવમેન્ટ એવોર્ડઃ ફારુક ઈજનેર, રવિ શાસ્ત્રી.

મહિલા ક્રિકેટ ટીમ: શ્રેષ્ઠ આંતરરાષ્ટ્રીય ડેબ્યુ- 2019-20: પ્રિયા પુનિયા, 2020-21: શફાલુ વર્મા, 2021-22: સબીનેની મેઘના, 2022-23: દેવિકા વૈદ્ય.

ODIમાં સૌથી વધુ વિકેટ લેનારા બોલરો: 2019-20: પૂનમ યાદવ, 2020-21: ઝુલન ગોસ્વામી, 2021-22: રાજેશ્વરી ગાયકવાડ, 2022-23: દેવિકા વૈદ્ય.

ODIમાં સૌથી વધુ રન બનાવનાર: 2019-20: પુનમ રાઉત, 2020-21: મિતાલી રાજ, 2021-22: હરમનપ્રીત કૌર, 2022-23: હેમિમા રોડ્રિગ્સ.

શ્રેષ્ઠ આંતરરાષ્ટ્રીય ક્રિકેટર: 2019-20: દીપ્તિ શર્મા, 2020-21: દીપ્તિ શર્મા, 2021-22: સ્મૃતિ મંધાના, 2022-23: સ્મૃતિ મંધાના.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.