શું ટીમમાં સ્થાન ન મળવા માટે રોહિત શર્મા જવાબદાર છે?સંજુ સેમસને પોતે જણાવી હકીકત

સંજુ સેમસન એવો ખેલાડી રહ્યો છે જેને સતત તકો મળતી નથી. ભારત હાલમાં ઓસ્ટ્રેલિયા સામે T-20 શ્રેણી રમ્યુ છે. એવી આશા હતી કે સંજુ સેમસનને આ સિરીઝમાં ચોક્કસ તક મળશે. પરંતુ આવું ન થયું. તેને ટીમમાં રાખવામાં આવ્યો ન હતો. સંજુ સેમસને હવે ભારતીય ટીમના કેપ્ટન રોહિત શર્માને લઈને મોટું નિવેદન આપ્યું છે. તેણે કહ્યું છે કે રોહિત શર્માએ હંમેશા મને સપોર્ટ કર્યો છે.

ધન્યા વર્માની યુટ્યુબ ચેનલ પર વાત કરતી વખતે સંજુ સેમસને કહ્યું, 'રોહિત શર્મા પ્રથમ અને કદાચ બીજો વ્યક્તિ છે, જે મારી પાસે આવે છે અને મારી સાથે વાત કરે છે. એકવાર તેણે મને કહ્યું, અરે સંજુ. તમે કેમ છો. તમે IPLમાં ખૂબ સારું પ્રદર્શન કર્યું. તમે મુંબઈ ઈન્ડિયન્સ સામે ઘણા સિક્સર ફટકારી છે. તમે શાનદાર બેટિંગ કરી. તેથી જ્યારે તે મારી પાસે આવ્યો ત્યારે તેને સારું લાગ્યું. મને તેમના તરફથી ઘણો સપોર્ટ મળે છે.' સેમસનના આ નિવેદન બાદ આ વિવાદ શાંત થઈ શકે છે જેમાં સંજુને ટીમમાંથી બહાર કરવા માટે રોહિત શર્માને ઘણીવાર દોષી માનવામાં આવે છે.

ટીમ ઈન્ડિયાના ખેલાડી સંજુ સેમસન, જેને સૌથી કમનસીબ કહેવામાં આવે છે તે ખોટું નહીં હોય. ટેલેન્ટ હોય, કેપ્ટન્સી હોય, વિકેટકીપિંગ હોય કે બેટિંગ હોય, સેમસન પાસે ઘણી પ્રતિભા છે, પરંતુ તેનું ભાગ્ય તેની કારકિર્દીમાં તિરાડ પેદા કરી રહ્યું હોય તેવું લાગી રહ્યું છે. દર વખતની જેમ, ઓસ્ટ્રેલિયા શ્રેણી માટે બીજી ટીમની જાહેરાત કરવામાં આવી હતી અને સંજુ સેમસનને પસંદગીકારો દ્વારા ફરીથી અવગણવામાં આવ્યો હતો.

સંજુ સેમસનને માત્ર આ વર્ષના એશિયા કપમાં જ નહીં પરંતુ એશિયન ગેમ્સમાં પણ પસંદગી આપવામાં આવી ન હતી. એવી અટકળો હતી કે, જો સંજુ એશિયન ગેમ્સ માટે ટીમ ઈન્ડિયાની ટીમનો ભાગ નહીં હોય તો, તે વર્લ્ડ કપનો પ્રબળ દાવેદાર હશે. પરંતુ BCCIએ તેને વર્લ્ડ કપમાં રિઝર્વ ખેલાડી તરીકે પસંદ કર્યો હતો. જો આપણે ODI ફોર્મેટમાં સૂર્યકુમાર યાદવ સાથે સેમસનની તુલના કરીએ તો સંજુ રેસમાં આગળ હોય તેવું લાગે છે, પરંતુ આ વર્ષે તેને સતત નસીબની માર પડી છે.

Sanju Samson said "I have always got great support from Rohit Bhai" [Dhanya Varma YT]. pic.twitter.com/wTxhdrucR9

— Johns. (@CricCrazyJohns) November 24, 2023

સંજુ સેમસને 2015માં T20થી તેની આંતરરાષ્ટ્રીય કારકિર્દીની શરૂઆત કરી હતી પરંતુ છેલ્લા 8 વર્ષમાં તેને નહિવત્ તકો મળી છે, જ્યારે, તેની પછી ડેબ્યૂ કરનારા ખેલાડીઓને ઘણી તકો મળી અને આજે તે ટીમમાં એક સ્થાપિત નામ છે. તેમાંથી પંત, કિશન, હાર્દિક, ગિલના નામ લઈ શકાય. સેમસન માત્ર 13 ODI અને 24 T20 મેચ જ રમી શક્યો છે. તેણે વનડેમાં 390 અને T20માં 374 રન બનાવ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.