હૈદરાબાદમાં ધોનીને જોવા દર્શકોએ સ્ટેડિયમના બેરિકેડ તોડ્યા, પોલીસે કરી કાર્યવાહી

IPL મેચનો એક વીડિયો વાયરલ થઈ રહ્યો છે. એમાં એવો દાવો કરવામાં આવે છે કે, 5 એપ્રિલે ક્રિકેટ ચાહકોએ સનરાઇઝર્સ હૈદરાબાદ વિ ચેન્નાઈ સુપર કિંગ્સ મેચમાં મહેન્દ્ર સિંહ ધોનીને જોવા માટે હૈદરાબાદના ઉપ્પલ સ્ટેડિયમમાં પ્રવેશવા માટે બેરિકેડ તોડી નાખ્યા હતા, ત્યારપછી પોલીસે પરિસ્થિતિને નિયંત્રણમાં લીધી હતી.

IPLની આ સિઝનમાં મહેન્દ્ર સિંહ ધોનીનું ગાંડપણ ચાહકોના મગજમાં ઘુસી રહ્યું છે. 42 વર્ષનો ધોની જ્યાં પણ જાય છે, ચાહકો તેનું સ્વાગત ઉત્સાહ, ઉમંગ અને ઉલ્લાસથી કરી રહ્યા છે.

હૈદરાબાદમાં 5 એપ્રિલે રમાયેલી મેચમાં સનરાઈઝર્સ હૈદરાબાદે ચેન્નાઈ સુપર કિંગ્સને છ વિકેટે હરાવ્યું હતું, પરંતુ આ મેચની શરૂઆત પહેલા જ ધોની માટે ફેન ફોલોઈંગનું એક અલગ સ્તર જોવા મળ્યું હતું. જ્યાં થાલાના ચાહકોએ સ્ટેડિયમમાં પ્રવેશવા માટે બેરિકેડ તોડી નાખ્યા હતા. પરંતુ પોલીસને આની ખબર પડતા કોઈક રીતે પરિસ્થિતિને કાબૂમાં લીધી હતી.

હકીકતમાં, ઉપ્પલ સ્ટેડિયમની બહાર તણાવ ફેલાયો હતો તેનું કારણ એ હતું કે, તેમની પાસે માન્ય IPL ટિકિટ હોવા છતાં ચાહકોને પ્રવેશની મંજૂરી આપવામાં આવી ન હતી. નિરાશ ચાહકોએ ગેટ નંબર 4 પાસે બેરિકેડ તોડી નાખતાં પરિસ્થિતિ વધુ તંગ બની હતી.

ఉప్పల్ స్టేడియం వద్ద పరిస్థితులు ఎలా ఉన్నాయో ఓ సారి చూడండి..
గేట్ నంబర్ 4 వద్ద ఉద్రిక్తత.. ఫ్యాన్స్ ఓవరాక్షన్.. గేట్ దగ్గర ఉన్న బారికేడ్లని తోసేసిన అభిమానులు.. అదుపుచేసిన పోలీసులు
Take a look at the conditions at Uppal Stadium.
Tension at gate number 4.. fans overaction.. fans… pic.twitter.com/Pj2oLfJcn2

— ChotaNews (@ChotaNewsTelugu) April 5, 2024

આ પછી પોલીસ અને ચાહકો વચ્ચે નજીવી અથડામણ થઈ હતી. આ અંગેના ઘણા વીડિયો પણ સોશિયલ મીડિયા પર વાયરલ થઈ રહ્યા છે. આ મેચમાં ધોની ફરી એકવાર અંતમાં આવ્યો અને તેણે માત્ર 1 રન બનાવ્યો, પરંતુ જ્યારે તે સ્ટેડિયમમાં પ્રવેશ્યો ત્યારે દર્શકોનો ક્રેઝ જોવા જેવો હતો.

From Orange 🧡, To Yellow 💛

For MS Dhoni 🫶🏻 ft. Hyderabad #TATAIPL | #SRHvCSK | @msdhoni | @ChennaiIPL pic.twitter.com/iGYeoxxCvi

— IndianPremierLeague (@IPL) April 6, 2024

હૈદરાબાદમાં 5 એપ્રિલે બોલરોએ કેપ્ટન પેટ કમિન્સના નેતૃત્વમાં શાનદાર પ્રદર્શન કર્યું હતું. ભુવનેશ્વર કુમાર સૌથી વધુ કરકસરયુક્ત બોલર સાબિત થયો અને તેણે પોતાની ચાર ઓવરમાં માત્ર 28 રન આપ્યા. દરમિયાન, કેપ્ટન કમિન્સ અને જયદેવ ઉનડકટ બંનેએ તેમની 4 ઓવરમાં 29 રન આપીને 1 વિકેટ લીધી હતી.

Joy for the Orange Army 🧡 as they register their second home win of the season 👌👌@SunRisers climb to number 5⃣ on the Points Table 😎

Scorecard ▶️ https://t.co/O4Q3bQNgUP#TATAIPL | #SRHvCSK pic.twitter.com/QWS4n2Ih8D

— IndianPremierLeague (@IPL) April 5, 2024

આ પછી, એઇડન માર્કરામની અડધી સદી અને ઓપનર અભિષેક શર્માની 12 બોલમાં 37 રનની વિસ્ફોટક ઇનિંગને કારણે, સનરાઇઝર્સ હૈદરાબાદ (SRH)એ IPL 2024ની મેચમાં ચેન્નાઇ સુપર કિંગ્સ (CSK)ને છ વિકેટથી હરાવ્યું. ચેન્નાઈ સુપર કિંગ્સને પાંચ વિકેટે 165 રનમાં રોક્યા પછી સનરાઈઝર્સ ટીમે ચાર વિકેટના નુકસાને 18.1 ઓવરમાં જીતનું લક્ષ્ય હાંસલ કરી લીધું હતું, ચાર મેચમાં સનરાઈઝર્સનો આ બીજો વિજય હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.