મિચેલ (લગભગ 25 કરોડના બોલર)પર દુનિયા હસી રહી છે, આઈસલૅન્ડે કટાક્ષવાળી પોસ્ટ મૂકી

ઓસ્ટ્રેલિયાના ઘાતક ફાસ્ટ બોલર મિચેલ સ્ટાર્ક માટે IPL 2024ની સીઝન અત્યાર સુધી ઘણી ભયાનક સાબિત થઈ છે. 24.75 કરોડના આ બોલર પર દુનિયા હસી રહી છે. વિશ્વ ક્રિકેટના આ મહાન ફાસ્ટ બોલરની IPL 2024માં આટલી ખરાબ હાલત થવાની કોઈએ કલ્પના પણ નહીં કરી હોય. મિચેલ સ્ટાર્ક IPL 2024 સીઝનમાં અત્યાર સુધીમાં બે મેચ રમી ચૂક્યો છે. આ દરમિયાન મિચેલ સ્ટાર્કે બે મેચમાં કુલ 8 ઓવર નાંખી અને 100 રન આપ્યા. IPL 2024 સીઝનમાં મિચેલ સ્ટાર્કને હજુ સુધી એક પણ વિકેટ મળી નથી.

કોલકાતા નાઈટ રાઈડર્સ (KKR)ની ટીમે આ વખતે IPL 2024ની હરાજીમાં ઓસ્ટ્રેલિયાના ઝડપી બોલર મિશેલ સ્ટાર્કને 24.75 કરોડ રૂપિયામાં ખરીદ્યો હતો. મિચેલ સ્ટાર્ક IPL ઈતિહાસનો સૌથી મોંઘો ખેલાડી પણ છે. પરંતુ આ ખેલાડી તેના ખરાબ પ્રદર્શનને કારણે ટીકાકારોના નિશાના પર છે. 24.75 કરોડની કિંમતના મિશેલ સ્ટાર્કની IPL જેવી મુશ્કેલ T20 ક્રિકેટ લીગમાં તેની નબળાઈઓ બહાર આવી છે. કોલકાતા નાઈટ રાઈડર્સ (KKR)એ મિશેલ સ્ટાર્કને ખૂબ જ આત્મવિશ્વાસ સાથે ખરીદ્યો હતો, પરંતુ આ પૈસા હવે વેડફાઈ ગયા હોય તેમ લાગે છે.

હવે આઇસલેન્ડ ક્રિકેટ IPL 2024માં મિશેલ સ્ટાર્કની બોલિંગમાં થતી ધોલાઈની મજા માણી રહ્યું છે. આઈસલેન્ડ ક્રિકેટે તેના ઓફિશ્યિલ X (પહેલાનું ટ્વિટર) પર આવી પોસ્ટ શેર કરી છે, જેના કારણે મિશેલ સ્ટાર્કને ખોટું લાગી શકે છે, તેની નબળી બોલિંગની મજાક ઉડાવતા આઇસલેન્ડ ક્રિકેટે પોતાની પોસ્ટમાં લખ્યું, 'તે આઇસલેન્ડમાં એક બીયર કરતા પણ મોંઘી છે.' આઈસલેન્ડ ક્રિકેટની આ પોસ્ટ પછી ફેન્સ સોશિયલ મીડિયા પર જોરદાર પ્રતિક્રિયા આપી રહ્યા છે.

More expensive than a beer in Iceland https://t.co/97ycaD58wu

— Iceland Cricket (@icelandcricket) March 29, 2024

મિશેલ સ્ટાર્કની બોલિંગમાં આવી જોરદાર બેટિંગ ભાગ્યે જ જોવા મળે છે. IPL 2024 માટે યોજાયેલી હરાજીમાં બે વખતની ચેમ્પિયન કોલકાતા નાઈટ રાઈડર્સે મિશેલ સ્ટાર્કને 24 કરોડ 75 લાખ રૂપિયામાં સામેલ કર્યો હતો. મિશેલ સ્ટાર્ક 2015 પછી પ્રથમ વખત IPLમાં ભાગ લઈ રહ્યો છે. અહીં તમને જણાવી દઈએ કે, કોલકાતા નાઈટ રાઈડર્સ (KKR)એ વેંકટેશ ઐયરની અડધી સદી અને સુનીલ નારાયણની તોફાની ઈનિંગ્સના આધારે રોયલ ચેલેન્જર્સ બેંગ્લોર (RCB)ને સાત વિકેટે હરાવીને સતત બીજી જીત નોંધાવી હતી. રોયલ ચેલેન્જર્સ બેંગ્લોર (RCB)ના 183 રનના ટાર્ગેટનો પીછો કરતા કોલકાતા નાઈટ રાઈડર્સ (KKR)એ વેંકટેશ (50 રન) અને સુનીલ નારાયણ (47 રન)ની તોફાની ઈનિંગ્સને કારણે 19 બોલ બાકી રહેતા ત્રણ વિકેટે 186 રન બનાવીને સરળતાથી જીત મેળવી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.