રિંકુ સિંહની આ હરકતથી વિરાટ ગુસ્સે! કહ્યું- તારા કારણે મારી જે હાલત થાય છે ને...

કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે IPL 2024ની 36મી મેચ આજે એટલે કે 21મી એપ્રિલે કોલકાતાના ઈડન ગાર્ડન્સ સ્ટેડિયમમાં રમાશે. IPLની આ સિઝનમાં બંને ટીમ બીજી વખત આમને સામને થઈ રહી છે. જ્યારે પ્રથમ વખત મેચ યોજાઈ ત્યારે KKR જીતી ગયું હતું. કોલકાતામાં આ વખતે RCB નિશ્ચિતપણે વળતો પ્રહાર કરશે. જોકે, મેચ પહેલા KKR સ્ટાર રિંકુ સિંહ અને RCBના દિગ્ગજ વિરાટ કોહલીનો એક વીડિયો વાયરલ થઈ રહ્યો છે. તે વીડિયો કોલકાતા નાઈટ રાઈડર્સે પોતે સોશિયલ મીડિયા પર શેર કર્યો છે.

હકીકતમાં, જ્યારે બંને ટીમો આ સિઝનમાં બેંગલુરુમાં પ્રથમ વખત આમને સામને આવી હતી. તે સમયે વિરાટ કોહલીએ તેનું એક બેટ રિંકુ સિંહને આપ્યું હતું. હવે KKRએ આ વીડિયો શેર કર્યો છે. તે વીડિયોમાં રિંકુ સિંહ કહી રહ્યો છે કે, તેનાથી તેમનું બેટ તૂટી ગયું છે.

“Virat bhai ne ek bat diya thha… jo bat diya thha, woh mere se toot gaya” 😂 pic.twitter.com/qoJWWs2fik

— KolkataKnightRiders (@KKRiders) April 21, 2024

કોલકાતા નાઈટ રાઈડર્સ દ્વારા શેર કરવામાં આવેલા વીડિયોમાં રિંકુ સિંહ વિરાટ કોહલી સાથે જોવા મળી રહ્યો છે. તે વીડિયોમાં તે કોહલીને કહી રહ્યો છે કે, તેણે સ્પિનરો સામે તેમના દ્વારા આપવામાં આવેલા બેટને કેવી રીતે તોડ્યું. રિંકુ સિંહ ત્યાં વિરાટ કોહલી પાસેથી બીજું બેટ માંગવા ગયો હતો. પરંતુ કિંગ કોહલી તેને બેટ આપવાના મૂડમાં બિલકુલ નહોતો.

રિંકુ વિરાટનું બેટ ચેક કરી રહ્યો હતો. તો વિરાટે કહ્યું કે, તે એકદમ નકામું બેટ છે. તો જવાબમાં રિંકુ કહે છે કે, તમે તેને મોકલી રહ્યા છો, એટલે કે આ બેટ તમે મને આપી રહ્યા છો. પરંતુ કિંગ કોહલીએ ખૂબ જ શુષ્ક જવાબ આપ્યો. કોહલીએ પૂછ્યું, 'શું હું તને 2 મેચમાં 2 બેટ આપું? તારા કારણે તે પછી મારી જે હાલત ખરાબ થાય છે ને...' આના જવાબમાં રિંકુ સિંહ કહે છે, 'હું તમારી સોગંદ લઉં છું કે, હું ફરી ક્યારેય બેટ નહીં તોડીશ.' બંનેનો આ વીડિયો સોશિયલ મીડિયા પર વાયરલ થઈ રહ્યો છે.

KKR-RCB મેચ માટેની બંને ટીમો આ પ્રમાણે છેઃ KKR- શ્રેયસ ઐયર (કેપ્ટન), KS ભરત, રહેમાનુલ્લા ગુરબાઝ, રિંકુ સિંઘ, અંગકૃષ રઘુવંશી, શેરફેન રધરફર્ડ, મનીષ પાંડે, આન્દ્રે રસેલ, નીતિશ રાણા, વેંકટેશ ઐયર, અનુકુલ રોય , રમનદીપ સિંહ, વરુણ ચક્રવર્તી, સુનીલ નારાયણ, વૈભવ અરોરા, ચેતન સાકરિયા, હર્ષિત રાણા, સુયશ શર્મા, મિશેલ સ્ટાર્ક, દુષ્મંતા ચમીરા, સાકી હુસૈન અને મુજીબ ઉર રહેમાન.

RCB- ફાફ ડુ પ્લેસિસ (કેપ્ટન), ગ્લેન મેક્સવેલ, વિરાટ કોહલી, રજત પાટીદાર, અનુજ રાવત, દિનેશ કાર્તિક, સુયશ પ્રભુદેસાઈ, વિલ જેક્સ, મહિપાલ લોમરોર, કર્ણ શર્મા, મનોજ ભંડાગે, મયંક ડાગર, વિજયકુમાર વિશક, આકાશ દીપ, મોહમ્મદ સિરાજ, રીસ ટોપલે, હિમાંશુ શર્મા, રાજન કુમાર, કેમેરોન ગ્રીન, અલઝારી જોસેફ, યશ દયાલ, ટોમ કુરન, લોકી ફર્ગ્યુસન, સ્વપ્નિલ સિંહ, સૌરવ ચૌહાણ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.