વિલિયમ્સન પણ બોલ્ટના માર્ગે, સેન્ટ્રલ કોન્ટ્રાક્ટ ઠુકરાવ્યો, કેપ્ટન્સી પણ છોડી

કેન વિલિયમ્સને ન્યૂઝીલેન્ડ ક્રિકેટને એવો ઝટકો આપ્યો છે, જેનાથી બહાર આવવામાં લાંબો સમય લાગી શકે છે. કેન વિલિયમ્સને સ્પષ્ટ કરી દીધું કે તે વર્ષ 2024-25 સીઝન માટે ન્યૂઝીલેન્ડ ક્રિકેટનો સેન્ટ્રલ કોન્ટ્રાક્ટ નહીં સ્વીકારે. તેણે વન-ડે અને T20 ટીમની કેપ્ટન્સી છોડી દીધી છે. કેન વિલિયમ્સનને મોડર્ન ક્રિકેટના ‘ફેબ ફોર’માં સામેલ કરવામાં આવે છે, જેમાં વિરાટ કોહલી, જો રુટ અને સ્ટીવ સ્મિથ સામેલ છે. કેન વિલિયમ્સન ન્યૂઝીલેન્ડને ICC ટ્રોફી જીતાડનાર એકમાત્ર કેપ્ટન પણ છે.

કેન વિલિયમ્સનનો આ નિર્ણય T20 વર્લ્ડ કપના સુપર 8 માટે ન્યૂઝીલેન્ડ ક્વાલિફાઈ ન થયા બાદ આવ્યો છે. ન્યૂઝીલેન્ડ ક્રિકેટે કેન વિલિયમ્સનનો સેન્ટ્રલ કોન્ટ્રાક્ટ ઠુકરાવવાની વાત માની છે. બોર્ડે કહ્યું કે, વિલિયમ્સન આગામી સીઝન માટે સેન્ટ્રલ કોન્ટ્રાક્ટ લેવા માગતો નથી. જો કે, તે આ દરમિયાન ન્યૂઝીલેન્ડની ત્રણેય ફોર્મેટની મેચો માટે ઉપલબ્ધ રહેશે. કેન વિલિયમ્સન છેલ્લા એક દશકથી ન્યૂઝીલેન્ડ ક્રિકેટનો ચહેરો રહ્યો છે. તેને આ જેન્ટલમેન ગેમનો આઇડિયલ ખેલાડી અને કેપ્ટન માનવામાં આવે છે.

Contract News | Kane Williamson has re-emphasised his long-term commitment to the BLACKCAPS in all three formats - despite declining a central contract for the 2024-25 year. #CricketNation https://t.co/FhDIgpoifs

— BLACKCAPS (@BLACKCAPS) June 18, 2024

તે ન્યૂઝીલેન્ડ માટે 100 ટેસ્ટ રમનાર કેટલાક ખેલાડીઓમાંથી એક છે. કેન વિલિયમ્સને 100 ટેસ્ટ મેચમાં 32 સદીની મદદથી 8,743 રન બનાવ્યા છે. વન-ડે ફોર્મેટમાં તેના નામે 165 મેચમાં 6810 રન નોંધાયેલા છે. તેણે 93 T20 ઇન્ટરનેશનલ મેચમાં 2575 રન બનાવ્યા છે. કેન વિલિયમ્સને કહ્યું કે, હું ન્યૂઝીલેન્ડ ક્રિકેટ ટીમને દરેક ફોરમેટમાં આગળ લઈ જવા માગું છું. તેના માટે દરેક મદદ કરીશ. આ મારું ઝનૂન છે. જો કે, ન્યૂઝીલેન્ડની ગરમીઓ દરમિયાન હું વિદેશી લીગમાં રમવાના અવસર શોધવા માગું છું. એટલે સેન્ટ્રલ કોન્ટ્રાક્ટ સ્વીકારી નહીં કરી શકું.

કેન વિલિયમ્સનના આ નિર્ણયને ટ્રેન્ટ બોલ્ટ સાથે જોડીને જોવામાં આવી રહ્યા છે. હાલમાં જ હું સંન્યાસની જાહેરાત કરનાર બોલ્ટે 2 વર્ષ અગાઉ જ ન્યૂઝીલેન્ડનો કોન્ટ્રાક્ટ છોડી દીધો હતો. ત્યારબાદ તેણે અલગ અલગ દેશોની T20 અને T10 લીગ ક્રિકેટમાં રમવા પર ફોકસ કર્યું. જો કે, આ દરમિયાન જ્યારે ન્યૂઝીલેન્ડ કોઈ પણ મોટી સીરિઝ રમવા કે પછી ICC ઇવેન્ટ્સ થઈ તો તેમ બોલ્ટ પોતાની નેશનલ ડ્યુટી માટે આવ્યો.

લોકી ફોર્ગ્યૂશન બાબતે પણ સમાચાર છે કે તે સેન્ટ્રલ કોન્ટ્રાક્ટ લેવા માગતો નથી. બોલ્ટ અને વિલિયમ્સનની જેમ ફોર્ગ્યૂશન પણ વિદેશ લીગમાં રમવાનો અવસર શોધવા માગે છે. વિલિયમ્સન દ્વારા કોન્ટ્રાક્ટ છોડવા અને કેપ્ટન્સીથી હટ્યા બાદ ન્યૂઝીલેન્ડ ક્રિકેટ સામે શૂન્ય ઉત્પન્ન થઈ ગયો છે. આગામી 3 વર્ષમાં ICCના 4 ઇવેન્ટ છે. 2025માં ચેમ્પિયન્સ ટ્રોફી અને વર્લ્ડ ટેસ્ટ ચેમ્પિયનશીપ, 2026માં T20 વર્લ્ડ કપ અને વર્ષ 2027માં વન-ડે વર્લ્ડ કપ હશે.

એવામાં ન્યૂઝીલેન્ડને એવો કેપ્ટન જોઈએ છે જે ત્રણેય ફોર્મેટમાં ફિટ હોય. ન્યૂઝીલેન્ડ વિલિયમ્સનની ગેરહાજરીમાં ટિમ સાઉદી અને માઇકલ બ્રેસવેલને કેપ્ટન બનાવતુ રહ્યું છે. ટિમ સાઉદી 35 અને બ્રેસવેલ 33 વર્ષના થઈ હુક્યા છે. એવામાં જો ન્યૂઝીલેન્ડે લાંબા સમય માટે કેપ્ટન પસંદ કરવો પડે તો સાઉદી આ ભૂમિકામાં ફિટ બેસતો નથી. બ્રેસવેલની પ્લેઇંગ ઇલેવનમાં જ જગ્યા મુશ્કેલથી બને છે. જાહેર છે કે ન્યૂઝીલેન્ડ નવા વિકલ્પ તરફ જોવું પડશે. ન્યૂઝીલેન્ડ માટે આ નિર્ણય સરળ રહેવાનો નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.