વેસ્ટ ઈન્ડિઝમાં વર્લ્ડ કપની ઈન્ડિયા સાથે જોડાયેલી છે ખાસ માન્યતા, 2024માં તૂટશે?

ICC T20 વર્લ્ડ કપ 2024 માટે સ્ટેજ તૈયાર છે. વેસ્ટ ઈન્ડિઝ અને અમેરિકા દ્વારા સંયુક્ત રીતે આયોજિત થનારા T20 વર્લ્ડ કપની શરૂઆતની મેચ 1 જૂનના રોજ ડલાસમાં અમેરિકા અને કેનેડા વચ્ચે રમાશે. રોહિત શર્માની આગેવાની હેઠળની ટીમ ઈન્ડિયાએ 5 જૂને આયર્લેન્ડ સામે તેની શરૂઆતી મેચ રમવાની છે, પરંતુ માત્ર ભારત જ નહીં, સમગ્ર વિશ્વના ચાહકો 9 જૂનની રાહ જોઈ રહ્યા છે, જ્યારે કટ્ટર હરીફ ભારત અને પાકિસ્તાનની ટીમો સામસામે આવશે. આ ‘હાઈ વોલ્ટેજ’ મેચને લઈને ઉત્તેજના ચરમસીમા પર હશે.

ટૂર્નામેન્ટમાં ભારતીય ટીમને પાકિસ્તાન, આયર્લેન્ડ, કેનેડા અને અમેરિકાની સાથે ગ્રુપ 'A'માં રાખવામાં આવી છે અને તેણે તેની તમામ ગ્રુપ સ્ટેજની મેચો અમેરિકામાં રમવાની છે. ચારેય ગ્રૂપમાંથી ટોચની બે ટીમો સુપર 8માં સ્થાન મેળવશે, જેની તમામ મેચો વેસ્ટ ઈન્ડિઝમાં યોજાશે. સુપર 8 મેચમાંથી ટોચની 4 ટીમો સેમિફાઇનલમાં પ્રવેશ કરશે. સેમિફાઇનલમાંથી જે બે ટીમો ફાઇનલમાં પહોંચશે અને વિજેતાનો નિર્ણય ફાઇનલમાંથી જ થશે. ફાઈનલ 29 જૂને બ્રિજટાઉનમાં રમાશે. આ વખતે વર્લ્ડ કપનું યજમાન વેસ્ટ ઈન્ડિઝ છે. ઇવેન્ટના સ્થળ તરીકે કેરેબિયન ટાપુ વિશે ટીમ ઇન્ડિયા સાથે જોડાયેલી એક દંતકથા છે જે ભારતીય ચાહકોની ચિંતા વધારી રહી છે.

હકીકતમાં, વેસ્ટ ઈન્ડિઝ અત્યાર સુધીમાં બે વખત વર્લ્ડ કપ (2007માં ODI વર્લ્ડ કપ અને 2010માં T20 વર્લ્ડ કપ)નું યજમાન બની ચૂક્યું છે અને બંને વખત ટીમ ઈન્ડિયાનું પ્રદર્શન ખૂબ જ ખરાબ રહ્યું છે. ODI વર્લ્ડ કપ 2007માં, ટીમને ગ્રુપ સ્ટેજમાં જ બહાર થવું પડ્યું હતું, જ્યારે 2010 T20 વર્લ્ડ કપના સુપર 8 સ્ટેજમાં, તેનું અભિયાન ઓસ્ટ્રેલિયા, વેસ્ટ ઈન્ડિઝ અને શ્રીલંકા સામેની હાર સાથે સમાપ્ત થયું હતું. વેસ્ટ ઈન્ડિઝમાં આયોજિત બંને વર્લ્ડ કપમાં ભારતીય ટીમનું નબળું પ્રદર્શન ચાહકોના મનમાં આશંકાઓને જન્મ આપી રહ્યું છે. કેટલાક ક્રિકેટ પ્રેમીઓ કેરેબિયન ટાપુમાં યોજાનાર વર્લ્ડ કપને ભારતીય ટીમ માટે 'અશુભ' ગણાવી રહ્યા છે. જો કે, એવા ઘણા ચાહકો છે, જેમને આશા છે કે રોહિત શર્મા બ્રિગેડ T20 વર્લ્ડ કપ 2024માં ચેમ્પિયન બનીને આ દંતકથાને કાયમ માટે ખતમ કરી દેશે.

ICC વર્લ્ડ કપ (ODI) 2007: વેસ્ટ ઈન્ડિઝમાં આયોજિત આ વર્લ્ડ કપમાં ઓસ્ટ્રેલિયાની ટીમ શ્રીલંકાને હરાવીને ચેમ્પિયન બની હતી. ભારતીય ટીમ તેના ગ્રુપની ત્રણમાંથી બે મેચ હારી ગઈ હતી અને ટીમને શરમજનક સ્થિતિમાં ટૂર્નામેન્ટમાંથી બહાર થવું પડ્યું હતું.

ભારત Vs બાંગ્લાદેશ: સૌરવ ગાંગુલીના 66 રન હોવા છતાં, ભારતના અન્ય તમામ સ્ટાર બેટ્સમેનો નિષ્ફળ રહ્યા હતા. ટીમ ઈન્ડિયા 49.3 ઓવરમાં 191 રન પર જ સિમિત થઈ ગઈ હતી. જવાબમાં બાંગ્લાદેશે તમીમ ઈકબાલના 51 રન, મુશફિકુર રહીમના અણનમ 56 રન અને શાકિબ અલ હસનના 53 રનની મદદથી 5 વિકેટ ગુમાવીને લક્ષ્યાંક હાંસલ કર્યો હતો.

ભારત Vs બરમૂડા : પ્રથમ બેટિંગ કરતા ટીમ ઈન્ડિયાએ વીરેન્દ્ર સેહવાગના 114 રન, સૌરવ ગાંગુલીના 89 રન અને યુવરાજના 83 રનની મદદથી 50 ઓવરમાં 5 વિકેટ ગુમાવીને 413 રનનો વિશાળ સ્કોર બનાવ્યો હતો. જવાબમાં નિનેવેલી બર્મુડા 156 રનમાં આઉટ થઈ ગઈ હતી. ભારતીય ટીમે આ મેચ 257 રને જીતી લીધી હતી.

ભારત Vs શ્રીલંકા: સુપર 8માં સ્થાન મેળવવા માટે, ભારતીય ટીમે તેની ત્રીજી મેચમાં શ્રીલંકાને કોઈપણ ભોગે હરાવવી હતી, પરંતુ તે થઈ શક્યું નહીં. પ્રથમ બેટિંગ કરતા શ્રીલંકાએ ઉપુલ તારંગા (64) અને ચમારા સિલ્વા (59)ની અડધી સદીની મદદથી 50 ઓવરમાં 6 વિકેટે 254 રન બનાવ્યા હતા. જવાબમાં સુકાની રાહુલ દ્રવિડ (60) અને વીરેન્દ્ર સેહવાગ (48) સિવાય અન્ય તમામ બેટ્સમેનો નિષ્ફળ જતાં ભારતીય ટીમ 43.3 ઓવરમાં 185 રન બનાવીને આઉટ થઈ ગઈ હતી. ભારતીય ટીમ આ મેચ 69 રનથી હારી ગઈ હતી.

ટીમ ઈન્ડિયાનું અભિયાન ગ્રુપ સ્ટેજમાં ત્રણ મેચમાં માત્ર એક જ જીત સાથે સમાપ્ત થયું.

વેસ્ટ ઈન્ડિઝમાં આયોજિત આ T20 વર્લ્ડ કપમાં ભારતીય ટીમે દક્ષિણ આફ્રિકા અને અફઘાનિસ્તાનને હરાવીને સુપર 8માં સ્થાન બનાવ્યું હતું પરંતુ સુપર 8ની ત્રણેય મેચ હારીને બહાર થઈ ગઈ હતી. ફાઈનલમાં ઓસ્ટ્રેલિયાને હરાવીને ઈંગ્લેન્ડ ચેમ્પિયન બન્યું હતું.

ભારત Vs અફઘાનિસ્તાન: ગ્રાસ આઈસલેટ ખાતેની આ મેચમાં અફઘાન ટીમ 20 ઓવરમાં 8 વિકેટ ગુમાવીને માત્ર 115 રન બનાવી શકી હતી. ભારતીય ટીમે ત્રણ વિકેટ ગુમાવીને લક્ષ્યાંક હાંસલ કરી લીધો હતો. બોલમાં આશિષ નેહરા (3 વિકેટ) અને બેટ સાથે મુરલી વિજય (48 રન)એ શાનદાર પ્રદર્શન કર્યું હતું.

ભારત Vs દક્ષિણ આફીકા: ગ્રાસ આઇસલેન્ડ ખાતેની આ મેચમાં ભારતીય ટીમે સુરેશ રૈનાની સદી (101 રન)ની મદદથી 20 ઓવરમાં 5 વિકેટે 186 રન બનાવ્યા હતા. જવાબમાં જેક કાલિસના 73 રન હોવા છતાં દક્ષિણ આફ્રિકા 20 ઓવરમાં 5 વિકેટ ગુમાવીને માત્ર 172 રન બનાવી શકી અને 15 રનથી મેચ હારી ગઈ.

સુપર 8 સ્ટેજ: ભારત Vs ઓસ્ટ્રેલિયા: શેન વોટસનના 54 રન અને ડેવિડ વોર્નરના 72 રનની મદદથી ઓસ્ટ્રેલિયાએ 20 ઓવરમાં 5 વિકેટે 184 રન બનાવ્યા. જવાબમાં રોહિત શર્માના અણનમ 79 રન છતાં ભારતીય ટીમ 135 રન બનાવીને આઉટ થઈ ગઈ હતી અને 49 રનથી મેચ હારી ગઈ હતી.

ભારત Vs ઈન્ડિઝ: પ્રથમ બેટિંગ કરતા વેસ્ટ ઈન્ડિઝે ક્રિસ ગેઈલના 98 રનની મદદથી 20 ઓવરમાં 6 વિકેટ ગુમાવીને 169 રન બનાવ્યા હતા. સુરેશ રૈનાના 32 રન અને MS ધોનીના 29 રન છતાં ભારતીય ટીમ 20 ઓવરમાં 9 વિકેટ ગુમાવીને માત્ર 155 રન જ બનાવી શકી હતી અને 14 રનથી મેચ હારી ગઈ હતી.

ભારત Vs શ્રીલંકા: પ્રથમ બેટિંગ કરતા ભારતીય ટીમે સુરેશ રૈનાના 63 રન અને ગૌતમ ગંભીરના 41 રનની મદદથી 20 ઓવરમાં 5 વિકેટ ગુમાવીને 163 રન બનાવ્યા હતા. શ્રીલંકાએ સુકાની કુમાર સંગાકારા અને એન્જેલો મેથ્યુઝના 46-46 રનની મદદથી 5 વિકેટ ગુમાવીને લક્ષ્યાંક હાંસલ કરી લીધો હતો.

શ્રીલંકા સામેની આ હાર સાથે જ ભારતીય ટીમનું સુપર 8માં અભિયાન સમાપ્ત થઈ ગયું હતું. વેસ્ટ ઈન્ડિઝમાં ફરીથી વર્લ્ડ કપનું આયોજન થઈ રહ્યું છે. ટીમ ઈન્ડિયા પાસે કેરેબિયન આઈસલેન્ડમાં વર્લ્ડ કપ રમવાની કડવી યાદો છે, પરંતુ તેને ભૂલીને સકારાત્મક માનસિકતા સાથે મેદાનમાં ઉતરવું પડશે. એવી આશા રાખવામાં આવે છે કે, T20 વર્લ્ડ કપ 2024માં ચેમ્પિયન બનીને રોહિત શર્મા બ્રિગેડ વર્લ્ડ કપ 2023ની ફાઇનલમાં હારથી દુઃખી થયેલા ચાહકોના ચહેરા પર સ્મિત લાવવામાં સફળ રહેશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.