1 લાખના બનાવ્યા 3 લાખ... આ સ્ટોક છ મહિનામાં મલ્ટિબેગર બન્યો, ભાવ 200ને પાર કરશે!

સરકારની મિનિરત્ન કંપનીઓમાં સામેલ ભારતીય રિન્યુએબલ એનર્જી ડેવલપમેન્ટ એજન્સી એટલે કે IREDAના શેર તેના રોકાણકારો માટે રૂપિયા છાપવાનું મશીન સાબિત થઈ રહ્યા છે. આ અમે નથી કહી રહ્યા પરંતુ આ સરકારી કંપનીના સ્ટોકમાંથી મળેલ વળતર તેનું ઉદાહરણ છે. હકીકતમાં, IREDA શેર માત્ર છ મહિનામાં રોકાણકારો માટે મલ્ટિબેગર સ્ટોક સાબિત થયો છે અને તેમના નાણાં ત્રણ ગણાથી વધુ કરી આપ્યા છે. હવે છેલ્લા કેટલાક દિવસોથી ફરી આ સ્ટોક તેજ ગતિએ આગળ ભાગી રહ્યો છે.

IREDAના શેરમાં ચાલી રહેલા ઉછાળાની વાત કરીએ તો, સપ્તાહના પ્રથમ ટ્રેડિંગ દિવસે શેરબજારમાં ટ્રેડિંગની શરૂઆત સાથે, તે 5 ટકાથી વધુ ઉછળીને રૂ. 96.80 પર પહોંચી ગયો હતો, જેના પછી આ સરકારી કંપનીના શેરની ગતિ ધીમી પડી હતી અને સમાચાર લખાય છે ત્યાં સુધી, 21 જૂન બજાર બંધ થયું ત્યારે ઉછાળા સાથે રૂ. 190.10ના સ્તરે ટ્રેડ થઈ રહ્યો હતો.

IREDA શેરનું 52 સપ્તાહનું ઊંચું સ્તર રૂ. 214 છે અને છેલ્લા કેટલાક દિવસોમાં જે રીતે તે વધી રહ્યું છે, તે તેની હાઈ લેવલની નજીક આવી રહ્યું છે. શેરોમાં સતત થઈ રહેલા વધારાને કારણે સરકારી કંપની IREDAની માર્કેટ મૂડીમાં પણ વધારો થયો છે અને તે 51930 કરોડ રૂપિયા થઈ ગયો છે. છેલ્લા પાંચ દિવસમાં જ આ શેરની કિંમતમાં લગભગ 8 ટકાનો વધારો થયો છે. ખાસ વાત એ છે કે, લિસ્ટિંગ પછી આ શેરમાં મોટો ઘટાડો જોવા મળ્યો હતો અને તેનું 52 સપ્તાહનું નીચલું સ્તર 50 રૂપિયા હતું, પરંતુ આ પછી IREDAના શેરે જે ગતિ પકડી તો રોકાણકારોને માલામાલ કરી દીધા હતા.

IREDAના શેરમાં રોકાણ કરનારા રોકાણકારોએ છેલ્લા છ મહિનામાં જંગી નફો કર્યો છે. આ શેરની કિંમત 29 નવેમ્બર 2023ના રોજ માત્ર 60 રૂપિયા હતી, જે સોમવારે 196 રૂપિયાને પાર કરી ગઈ હતી. આ મુજબ જો કોઈ રોકાણકારે છ મહિના પહેલા IREDAના શેરમાં રૂ. 1 લાખનું રોકાણ કર્યું હોય અને તેને અત્યાર સુધી પકડી રાખ્યું હોય, તો તેની રકમ અત્યાર સુધીમાં રૂ. 3 લાખને વટાવી ચૂકી હશે.

અહીં તમને જણાવી દઈએ કે, નિષ્ણાતોને પણ આશા છે કે, આ શેર ટૂંક સમયમાં રૂ. 203ની કિંમત સુધી પહોંચી શકે છે. તેની ટાર્ગેટ કિંમત હાલ માટે નક્કી કરવામાં આવી છે. સુમિત બગરિયાએ આ ટાર્ગેટ IREDAના શેર પર આપ્યો છે. ચોઇસ બ્રોકિંગના રિસર્ચ ટીમના વડા સુમિત બગરિયાએ જણાવ્યું હતું કે, IREDA હાલમાં ટ્રેડિંગ વોલ્યુમમાં નોંધપાત્ર વધારા સાથે એક કપ અને હેન્ડલ પેટર્નમાં ટ્રેડિંગ કરી રહી છે. આ સ્ટોક સંભવિત વૃદ્ધિ સૂચવે છે.

નોંધ: શેરબજારમાં કોઈપણ પ્રકારનું રોકાણ કરતા પહેલા તમે તમારા બજાર નિષ્ણાતોની સલાહ ચોક્કસ લો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.