બેંકની 2 મહિલા કર્મચારી અડધો દિવસ કામ કરીને 10 વર્ષ સુધી પૂરો પગાર લીધો હવે...

તમે અવારનવાર એવા ઘણા કિસ્સાઓ જોયા અને સાંભળ્યા હશે, જેમાં કર્મચારીઓ ક્યારેક અડધા દિવસનું કામ પૂરું કરીને ઓફિસથી વહેલા નીકળી જતા હોય છે. પરંતુ તેમના માટે દરરોજ આવું કરવું અશક્ય છે. જો કે આ અશક્ય કામને બેંકની બે મહિલા કર્મચારીઓએ શક્ય કરી બતાવ્યું છે. હાલમાં જ વિદેશના અખબારની એક લેખિકાએ આ બે મહિલાઓની હોશિયારી દુનિયા સાથે શેર કરી છે.

ચેલ્સી M કેમેરોન નામની લેખિકાએ જણાવ્યું કે, કેવી રીતે મહિલાઓ દસ વર્ષ સુધી દરરોજ બેંક સાથે છેતરપિંડી કરતી રહી અને બેંક મેનેજમેન્ટે ક્યારેય નોંધ્યું ન હતું કે, તે તેની શિફ્ટ સમાપ્ત થાય તે પહેલાં જતી રહી હતી. ચેલ્સીએ જણાવ્યું હતું કે, મહિલાઓ છેતરપિંડીથી બચી શકવામાં સફળ રહી હતી, કારણ કે તે શાખામાં કામ કરનાર તેઓ માત્ર બે જ કર્મચારીઓ હતી.

તેણે સોશિયલ મીડિયા પ્લેટફોર્મ X પર ખુલાસો કર્યો કે, 'ક્યારેક હું તે બે મહિલાઓ વિશે વિચારું છું, જેઓ અમારી બેંકની એક શાખામાં માત્ર બે કર્મચારી હતી અને લગભગ દસ વર્ષ સુધી અડધો દિવસ કામ કરતી હતી અને એકબીજાને ઘડિયાળ બંધ કરતી હતી, પરંતુ કોઈને ખબર ન પડી, આખરે તેમને નોકરીમાંથી બરતરફ કરવામાં આવી હતી, પરંતુ પ્રામાણિકપણે તે બધુ બેંક પર નિર્ભર છે.'

ચેલ્સીએ જણાવ્યું કે, બંને મહિલાઓએ તેમની શિફ્ટ પૂરી કર્યા પછી બેંકમાં લગાવેલ ટાઈમર બંધ કરી દેવાનું હતું. પરંતુ તેની પાસે તે ટાઈમરને પણ ચકમો આપવાની પુરી યોજના હતી. આ માટે એક મહિલા સવારે સમયસર ઓફિસ આવતી હતી અને તેની સાથે તેના સાથીદારનું ટાઈમર પણ ચાલુ કરી દેતી હતી. આ પછી, તે શિફ્ટની વચ્ચે જ નીકળી જતી અને તે સમયે બેંકમાં પહોંચેલી બીજી મહિલા સમય પૂરો થયા પછી તેના સાથીદારનું ટાઈમર બંધ કરી દેતી. આ પછી, જ્યારે તેની શિફ્ટ સમાપ્ત થઈ જાય, ત્યારે તે તેના ટાઈમરને બંધ કરીને જતી રહેતી.

Sometimes I think about the two women who were the only employees at one of our bank branches and for nearly TEN YEARS had been working half days and clocking each other out and no one noticed. They got fired eventually but honestly? That's on the bank.

— Chelsea M. Cameron (@chel_c_cam) May 28, 2024

આ રીતે બંને મહિલા કર્મચારીઓએ દસ વર્ષ સુધી અડધો દિવસ નોકરી કરતી રહી. લેખકે કહ્યું કે, મેનેજમેન્ટે ક્યારેય તે બ્રાન્ચની મુલાકાત લીધી ન હતી અને તેથી તેઓની પર 10 વર્ષથી વધુ સમય સુધી કોઈનું ધ્યાન ગયું ન હતું.

તેણે લખ્યું, 'ઉચ્ચ મેનેજમેન્ટમાંથી પણ કોઈએ ક્યારેય ધ્યાન આપ્યું નથી. ત્યાં સુધી કે તે તરફ કોઈ ગયું પણ નહિ.' તેમણે કહ્યું કે તે દસ વર્ષમાં બંને મહિલા કર્મચારીઓએ કોઈ ફરિયાદ કે કોઈ સમસ્યા વ્યક્ત કરી નથી. તેમના ગયા પછી ઇમારતને સમારકામની ખૂબ જ જરૂર હતી, જેની વર્ષોથી અવગણના કરવામાં આવી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.