46 વર્ષની ઉંમરે, વ્યક્તિ 18 વર્ષનો દેખાય છે! 'યુવાની'નું રહસ્ય હજારોમાં વેચાઈ છે

બ્રાયન જોહ્ન્સન નામના અબજોપતિ ટેક ઉદ્યોગસાહસિકે દાવો કર્યો છે કે, તેણે એન્ટિ-એજિંગ કોડને તોડ્યો છે. હવે તેઓ યુવાન દેખાતા આ રહસ્યને 343 ડૉલર (લગભગ 28 હજાર રૂપિયા)માં વેચી રહ્યા છે. તેનો દાવો છે કે, તેણે તેની જૈવિક ઉંમરને પલટાવી નાખી છે. મતલબ કે, દેખાવમાં હવે તે પહેલા કરતા ઘણા વર્ષ નાનો લાગે છે. યુવાન દેખાવા માટેના તેમના પ્રોગ્રામનું નામ તેમણે પ્રોજેક્ટ બ્લુપ્રિન્ટ રાખ્યું છે. આમાં વિશેષ આહારની સાથે દરરોજ 100થી વધુ ગોળીઓ ગળવાનો સમાવેશ થાય છે.

હવે જોનસન આ સિક્રેટને 'બ્લુપ્રિન્ટ સ્ટેક'ના નામથી વેચી રહ્યો છે. જેમાં ડ્રિંક મિક્સ, પ્રોટીન, 8 ગોળીઓ, સાપનું તેલ, 67 શક્તિશાળી થેરાપી અને 400 કેલરીનો સમાવેશ થાય છે. તેને 1000થી વધુ ક્લિનિકલ ટ્રાયલ પછી તૈયાર કરવામાં આવ્યું છે. જોન્સન કહે છે કે, સ્ટેક માટે સંશોધન કરવામાં આવ્યું છે. આ લોકોને દર મહિને લગભગ 28 હજાર રૂપિયામાં મળશે. જે ફાસ્ટ ફૂડ કરતા પણ સસ્તું છે. આ હેઠળ, જોન્સન બ્લુપ્રિન્ટ સ્ટેક સાથે લોકોના વર્તમાન આહારમાંથી 400 કેલરી બદલવાની ભલામણ કરે છે. સ્ટેકનો ઉદ્દેશ્ય લોકો જે ખાય છે તેને સંપૂર્ણપણે બદલવાનો નથી, પરંતુ કોઈ ચોક્કસ પૂરક ખામીઓને પુરી કરવાનો છે.

સિલિકોન વેલીના ભૂતપૂર્વ એક્ઝિક્યુટિવ જ્હોન્સન, જુવાન દેખાવાના તેમના જુસ્સા માટે જાણીતા છે. તેનો દાવો છે કે, તેણે તેની જૈવિક ઉંમર ઘણી ઓછી કરી છે. તે 46 વર્ષની ઉંમરે 18 વર્ષનો દેખાવાનો દાવો કરે છે. આ સાથે તેણે એવો પણ દાવો કર્યો છે કે, તેની તબિયતમાં સુધારો થયો છે. તેમણે પ્રોજેક્ટ બ્લુપ્રિન્ટમાં ભારે રોકાણ કર્યું છે, જેમાં વિશેષ આહાર, તબીબી દેખરેખ, સારવાર અને કસરતનો સમાવેશ થાય છે. આ વર્ષની શરૂઆતમાં, જ્હોન્સને અન્ય સ્વ-વિકસિત પ્રોગ્રામ દ્વારા વાળ ખરતા રોકવાનો દાવો કર્યો હતો.

The Blueprint stack is here; second only to Mother’s milk.

Limited supply. Drops Thursday, April 4th at 10am pacific.

+ Included: a drink mix, protein, 8 pills and Snake Oil
+ 67 powerful therapies
+ 400 calories
+ Built upon 1,000+ clinical trials
+ Lower cost than fast food
+… pic.twitter.com/8hIO7jjJ8C

— Zero /dd (@bryan_johnson) April 1, 2024

તેઓ કહે છે કે, એ ધ્યાન રાખવું અગત્યનું છે કે, પ્રોજેક્ટ બ્લુપ્રિન્ટની અસરકારકતા પર કોઈ વૈજ્ઞાનિક સર્વસંમતિ નથી અને તેઓ પ્રતિવર્ષ 2 મિલિયન ડૉલર એન્ટી એજિંગ પર ખર્ચે છે, જે સામાન્ય લોકોની પહોંચની બહાર છે.

તેણે જણાવ્યું કે, તેની પ્રોડક્ટ અમેરિકા, ઓસ્ટ્રેલિયા, ઓસ્ટ્રિયા, બેલ્જિયમ, કેનેડા, ચેક રિપબ્લિક, ડેનમાર્ક, ફિનલેન્ડ, ફ્રાન્સ, જર્મની, આયર્લેન્ડ, ઇટલી, ન્યુઝીલેન્ડ, નેધરલેન્ડ, નોર્વે, પોલેન્ડ, પોર્ટુગલ, સ્પેન, સિંગાપોર, સ્વીડન, સ્વિટ્ઝર્લૅન્ડ, સંયુક્ત આરબ અમીરાત અને યુનાઇટેડ કિંગડમ સહિત 23 દેશોમાં ડિલિવરી માટે ઉપલબ્ધ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.