પહેલા નિક્કી, હવે…શું ટ્રમ્પ બદલો લઈ રહ્યા છે? વિદેશ મંત્રી પદથી 'ભારતીય' હટ્યા!

ડોનાલ્ડ ટ્રમ્પ 20 જાન્યુઆરીએ રાષ્ટ્રપતિ તરીકે શપથ લેશે. નિક્કી હેલી પછી હવે વિવેક રામાસ્વામી ટ્રમ્પ કેબિનેટમાં સ્થાન મેળવવાથી ચુકી રહ્યા હોવાનું મનાય છે. એવું માનવામાં આવે છે કે, વિવેકના સ્થાને લેટિન મૂળના માર્કો રૂબિયોને અમેરિકાના વિદેશ મંત્રી તરીકે સ્થાન મળી શકે છે.

અમેરિકી રાષ્ટ્રપતિની ચૂંટણી જીત્યા પછી હવે ડોનાલ્ડ ટ્રમ્પના સંભવિત મંત્રીમંડળને લઈને ચર્ચાઓ જોરશોરથી ચાલી રહી છે. ભારતીય મૂળની નિક્કી હેલીના કેબિનેટમાંથી બહાર થવાના સમાચાર વચ્ચે ટ્રમ્પ હવે અન્ય ભારતીય મૂળના સેનેટરને મુશ્કેલી આપતા જોવા મળી રહ્યા છે. એક સ્થાનિક ન્યૂઝ ચેનલના અહેવાલ મુજબ, ડોનાલ્ડ ટ્રમ્પે વિવેક રામાસ્વામીને અવગણીને સેનેટર માર્કો રુબિયોને તેમના બીજા કાર્યકાળ માટે સેક્રેટરી ઓફ સ્ટેટ તરીકે પસંદ કરવાનું મન બનાવી લીધું છે. રુબિયો તેમના રાષ્ટ્રપતિ ચૂંટણી પ્રચાર દરમિયાન ટ્રમ્પના મહત્વપૂર્ણ સાથી હતા. જો તેમને વિદેશ મંત્રી બનાવવામાં આવશે તો તેઓ અમેરિકાના ટોચના રાજદ્વારીનું પદ સંભાળનાર પ્રથમ લેટિનો તરીકે ઈતિહાસ રચશે.

રિપબ્લિકન પાર્ટીના સંભવિત રાષ્ટ્રપતિ પદના ઉમેદવારોની યાદીમાં નિક્કી હેલી અને વિવેક રામાસ્વામી બંનેનો સમાવેશ કરવામાં આવ્યો હતો. જો કે, તેઓ બંને ચૂંટણી અભિયાન દરમિયાન યોગ્ય સમર્થન અને પૈસાનું ભંડોળ મેળવવામાં નિષ્ફળ રહ્યા હતા. આ મામલે ડોનાલ્ડ ટ્રમ્પની જીત થઈ હતી. અંતે, રિપબ્લિકન પાર્ટીએ તેમને રાષ્ટ્રપતિ પદના ઉમેદવાર તરીકે પસંદ કર્યા. ટ્રમ્પે ડેમોક્રેટ પાર્ટીના કમલા હેરિસને હરાવીને અમેરિકી રાષ્ટ્રપતિની ચૂંટણી જીતી હતી. ત્યાર પછી વિવેક રામાસ્વામીએ ટ્રમ્પની જીતને સંપૂર્ણ સમર્થન આપ્યું હતું. તેઓ અમેરિકાના પ્રખ્યાત બિઝનેસમેન તરીકે પણ જાણીતા છે.

વિવેક રામાસ્વામી હજુ પણ ટ્રમ્પ પ્રશાસનમાં મહત્વની ભૂમિકા ભજવી શકે છે. ટ્રમ્પ તેમને ડિપાર્ટમેન્ટ ઓફ હોમલેન્ડ સિક્યુરિટીના ડિરેક્ટર તરીકે તક આપે તેવી અપેક્ષા રાખવામાં આવે છે. વૈકલ્પિક રીતે, તે ઓહિયો રાજ્યના રાજકીય દ્રશ્ય પર ધ્યાન કેન્દ્રિત કરી શકે છે. અહીં તેઓ JD વાંસના ઉપરાષ્ટ્રપતિ બનવાના કારણે ખાલી થયેલી સેનેટ સીટને ભરી શકે છે. અમેરિકામાં વર્તમાન જો બાઇડેન સરકાર આવતા વર્ષે 20 જાન્યુઆરી સુધી કામ કરશે. ડોનાલ્ડ ટ્રમ્પ આ દિવસે રાષ્ટ્રપતિ તરીકે શપથ લેશે. આ પહેલા ટ્રમ્પ પ્રશાસનની કેબિનેટની પસંદગીનું કામ ચાલી રહ્યું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.