UAEમાં જોવા મળશે ભારતની સોફ્ટ પાવરની ઝલક, જાણો શું છે 'અહલાન મોદી'

સંયુક્ત આરબ અમીરાતના અબુધાબી શહેરમાં ભવ્ય હિન્દુ મંદિરનું ઉદ્ઘાટન કરવા પહોંચેલા PM મોદીનું ભવ્ય સ્વાગત કરવાની તૈયારીઓ ચાલી રહી છે. PM મોદી આગામી બે દિવસ માટે UAE અને કતારની મુલાકાતે જશે. PM બન્યા બાદ PM નરેન્દ્ર મોદીની UAEની આ સાતમી મુલાકાત છે. PM મોદીએ એક ટ્વિટમાં કહ્યું કે, તેઓ તેમના 'ભાઈ' અને UAEના રાષ્ટ્રપતિ મોહમ્મદ બિન જાયદને મળવા માટે ખૂબ જ ઉત્સુક છે. PM મોદીએ કહ્યું કે, તેઓ અબુ ધાબીમાં હિન્દુ મંદિરનું ઉદ્ઘાટન કરશે અને ભારતીય સમુદાયને સંબોધિત કરશે. PM મોદી અને ભારતીય સમુદાય વચ્ચેની મુલાકાતના આ કાર્યક્રમને 'અહલાન મોદી' નામ આપવામાં આવ્યું છે. 'અહલાન' એક અરબી શબ્દ છે જેનો અર્થ 'હેલો' થાય છે. આ અમેરિકામાં આયોજિત 'હાઉડી મોદી' કાર્યક્રમ જેવું જ હશે.

PM મોદી મંગળવારે અબુ ધાબીમાં જે 'અહલાન મોદી' કોમ્યુનિટી પ્રોગ્રામને સંબોધિત કરવાના છે તે UAEમાં ખરાબ હવામાનને કારણે ઘટાડી દેવામાં આવ્યો છે. અહલાન મોદીના કાર્યક્રમની તૈયારીઓ સાથે જોડાયેલા એક અધિકારીએ આ માહિતી આપી છે. 'અહલાન મોદી'નો અર્થ અરબી ભાષામાં 'હેલો મોદી' થાય છે. PM નરેન્દ્ર મોદી મંગળવારથી UAEની બે દિવસીય મુલાકાત શરૂ કરશે, જ્યાં તેઓ 14 ફેબ્રુઆરીએ અબુ ધાબીમાં બનેલા ભવ્ય BAPS મંદિરનું ઉદ્ઘાટન કરશે.

સમગ્ર UAEમાં રાત્રે ભારે વરસાદ અને ગાજવીજ અને વીજળીના ચમકારા નોંધાયા હતા. વરસાદને કારણે ટ્રાફિક જામની સાથે પાણી ભરાઈ ગયા હતા, જેના કારણે 'અલહાન મોદી' કાર્યક્રમને ટૂંકો કરવાનો નિર્ણય લેવામાં આવ્યો હતો. ભારતીય સમુદાયના નેતા સજીવ પુરૂષોત્મને જણાવ્યું હતું કે, અબુ ધાબીના ઝાયેદ સ્પોર્ટ્સ સિટી સ્ટેડિયમમાં PM મોદીના અત્યાર સુધીના સૌથી મોટા પ્રવાસી કાર્યક્રમ માટે તૈયારીઓ સારી રીતે ચાલી રહી હતી, પરંતુ ખરાબ હવામાનને કારણે 80,000 લોકોની સહભાગિતા મર્યાદિત હતી અને તે ઘટાડીને 35,000 કરવામાં આવી હતી.

અગાઉ એવું નોંધાયું હતું કે, 60,000 લોકોએ પહેલેથી જ લોકોની નોંધણી કરવા માટે સેટ કરેલી વેબસાઇટ દ્વારા તેમની હાજરીની પુષ્ટિ કરી હતી. આ કાર્યક્રમમાં માત્ર ભારતીય મૂળના લોકો જ ભાગ લેશે. પુરૂષોતમનના જણાવ્યા અનુસાર, 35,000 થી 40,000 લોકો, જેમાં સાંસ્કૃતિક કાર્યક્રમો રજૂ કરવામાં આવશે, તે કાર્યક્રમમાં હાજરી આપશે. તેમણે કહ્યું કે, સ્થળ પર 1000થી વધુ સ્વયંસેવકો તૈનાત કરવામાં આવશે અને 500થી વધુ બસો ચલાવવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.