પાકિસ્તાની છોકરીએ USમાં સંભળાવી આપવીતી, બોલી- હું 20માં વર્ષમાં પ્રવેશવા...

આજનો સમય પહેલા જેવો નથી. આપણે 21મી સદીમાં છીએ અને સમય ખૂબ બદલાઈ ચૂક્યો છે. કોઈ ઘટનાને ધ્યાનમાં લઈને આપણે ભલે કોઈ એવો નિર્ણય લઈ લેતા હોઈએ, પરંતુ એ નિર્ણયોનો ભાર કોઈ પર લાદી નહીં શકીએ. પોતાના બાળકો પર તો જરાય નહીં. જી હા તમે એકદમ સાચું સાંભળ્યું. એવી સ્થિતિમાં અંજામ શું હોય છે એ આપણે US એરફોર્સમાં ફરજ બજાવતી પાકિસ્તાની મૂળની હામના જાફરની પ્રેરણાદાયક કહાનીથી સમજી શકીએ છીએ.

ન્યૂયોર્ક પોસ્ટના રિપોર્ટ મુજબ, અમેરિકાના મેરિલેન્ડમાં મોટી થયેલી હામના જ્યારે 23 વર્ષની થઈ તો તેના પરિવારે પાકિસ્તાન જવાનો નિર્ણય લીધો. હામનાને લાગ્યું કે માતા-પિતા સંબંધીઓ અને પરિવારજનો સાથે મુલાકાત માટે પાકિસ્તાન રવાના થઈ રહ્યા છે, પરંતુ એવું નહોતું, માતા-પિતાનો હામનાને લઈને અલગ જ પ્લાન હતો. પાકિસ્તાન પહોંચવા તેના પરિવારજનોએ તેની મરજી જાણ્યા વિના તેના પિતરાઇ ભાઈ સાથે તેના સંબંધ ગોઠવી દીધા છે. હામનાની આંખોમાં કોપ ઉડાવવા અને વાયુ સેનામાં સામેલ થવાના સપના હતા. તેને પોતાનું ભવિષ્ય દેખાઈ રહ્યું હતું.

હામનાના મામલે એ રોચક રહ્યું કે, તેને પોતાની મંજિલ તો મળી, પરંતુ તેના માટે તેણે ભારે કિંમત ચૂકવી. પરિવારજનો હામનાના નિર્ણયથી કંઈક એ હદ સુધી નારાજ થયા કે તેમણે હામના સાથે પોતાના સંબંધ જ સમાપ્ત કરી દીધા. જે સમયે હામના સાથે આ બધુ થયું, એ સમયે તેની ઉંમર માત્ર 19 વર્ષ હતી. પારંપરિક મુસ્લિમ પરિવારમાં ઉછરેલી હામનાએ એક ન્યૂઝ પોર્ટલને પોતાની આપવીતી જણાવતા કહ્યું કે, પહેલા મને લાગ્યું કે આ એક નોર્મલ ફેમિલી ટ્રીપ છે, પછી મેં ત્યાં ઘરેણાં અને કપડાં જોયા. ત્યારે હું પોતાના 20માં વર્ષમાં પ્રવેશ કરવાની હતી. ત્યારે પરિવારજનો એ પાકું કરવા માંગતા હતા કે મારી સગાઈ થઈ જાય અને હું કોઈ બીજા તરફ ન જોઉ.

ભલે આટલા વર્ષ તેના માતા-પિતા અમેરિકામાં રહ્યા હોય, પરંતુ તેઓ ત્યાંની સંસ્કૃતિ સાથે હળી-મળી ન શક્યા. જો કે, તેમણે ક્યારેય તેના શિક્ષણ પર આપત્તિ વ્યક્ત કરી નહોતી, પરંતુ એવી આશા હતી કે, હામના અંતે ઘર વસાવી લે. વર્તમાનમાં હામના અમેરિકન એરફોર્સમાં વાયુ સેના સુરક્ષા રક્ષકના રૂપમાં કામ કરે છે. એવું નહોતું કે પોતાનું કરિયર પસંદ કરવું હામના માટે સરળ હતું. કેમ કે ત્યાં સુધી કોરોના આવી ચૂક્યો હતો. તમામ પડકારોનો સામનો હામનાએ કર્યો.

એવા પણ અવસર આવ્યા, જ્યારે હામના પૂરી રીતે થાકી ચૂકી હતી. ત્યારે તેણે પરત પરિવારજનો પાસે જવાનું વિચાર્યું, પરંતુ ત્યારે જ સમય બદલાયો અને હામનાએ એ હાંસલ કર્યું જે તેનું સપનું હતું. Prople સાથે વાત કરતા હામનાએ નોકરી સાથે જોડાયેલા પડકારો પર વાત કરી. સાથે જ તેણે એ ટ્રેનિંગનો પણ ઉલ્લેખ કર્યો જે મજબૂતથી મજબૂત વ્યક્તિને તોડીને રાખી દે છે. કહી શકાય છે કે આજે ભલે હામના સફળ હોય, પરંતુ એ નિર્ણય ક્યાંયથી સરળ નહોતા, જે તેણે પોતાની સૂઝ-બુઝથી લીધા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.