26th January selfie contest

જો સૌર તોફાન આવે, તો આપણી પાસે બચવા માટે માત્ર 30 મિનિટ હશે, NASAની ચેતવણી

PC: aajtak.in

જો સૌર તોફાન ક્યારેય પણ પૃથ્વી સાથે અથડાશે, તો આપણા ગ્રહના લોકો પાસે તેનાથી બચવા માટે માત્ર 30 મિનિટનો સમય હશે. આ વાત અમેરિકન સ્પેસ એજન્સી NASAના સંશોધકે કહી છે. સ્પેસ એજન્સીની એક ટીમ પ્રારંભિક ચેતવણી પ્રણાલી વિકસાવવા માટે સૌર ડેટા પર AI મોડલ લાગુ કરી રહી છે. આના પરથી વૈજ્ઞાનિકો એ જાણવાનો પ્રયાસ કરશે કે, પૃથ્વી પર સૌર તોફાન ક્યારે આવી શકે છે. 

મીડિયા સૂત્રોના અહેવાલ મુજબ, વૈજ્ઞાનિકોએ તેના પર વધુ માહિતી મેળવવા માટે DAGGER નામના ડીપ લર્નિંગ મોડનું પ્રશિક્ષણ પણ શરૂ કરી દીધું છે. ACE, WING, IMP-8 અને Geotail સહિતના કેટલાક ઉપગ્રહો સૌર ઉત્સર્જનનું નિરીક્ષણ કરી રહ્યા છે અને NASA ટીમને ડેટા મોકલી રહ્યાં છે. વૈજ્ઞાનિકો ભૂતકાળમાં ઉપગ્રહ દ્વારા શોધાયેલ સૌર વાવાઝોડાથી પ્રભાવિત સપાટી-આધારિત સ્ટેશનોમાંથી પણ ડેટા એકત્રિત કરી રહ્યા છે. જેથી સૌર વાવાઝોડાની માત્ર ખબર જ નથી પડતી પરંતુ તેની દિશા પણ જાણી શકાય છે.

આ સમયે નવી સિસ્ટમમાંથી ડેટા એકત્રિત કરવો પણ ખૂબ જ મહત્વપૂર્ણ છે, કારણ કે વર્ષ 2020માં 'સોલર 25' નામનું નવું સોલર ચક્ર ગતિમાન થયું છે. એવું માનવામાં આવે છે કે, તે આગામી 11 વર્ષ સુધી ચાલશે. જેના કારણે 2025 દરમિયાન સૂર્ય પર મહત્તમ ગતિવિધિઓ જોવા મળશે. અહીં તમને જણાવી દઈએ કે, સૂર્યની સપાટી પર સમયાંતરે બદલાતી ચુંબકીય ગતિવિધિઓને જ સૌર ચક્ર તરીકે ઓળખવામાં આવે છે. દરેક સૌર ચક્ર 9 થી 14 વર્ષનું હોય છે. 

આ ઉપયોગિતાઓ અને સંચાર કંપનીઓને તેમની ચેતવણી પ્રણાલીઓમાં DAGGERને એકીકૃત કરવા માટે સમય આપશે. જેથી સૂર્ય પર બદલાતા હવામાનની માહિતી સમયસર મળી શકે. 

તેને જીઓમેગ્નેટિક સ્ટોર્મ પણ કહેવામાં આવે છે. આ સૂર્યમાંથી નીકળતું કિરણોત્સર્ગ છે, જે સમગ્ર સૂર્યમંડળને અસર કરી શકે છે. તેની અસરથી પૃથ્વીનું ચુંબકીય ક્ષેત્ર પણ ટકી શકતું નથી. આ કારણોસર તેને આપત્તિ કહેવામાં આવે છે. તે પૃથ્વીની આસપાસના વાતાવરણની ઊર્જાને પણ અસર કરે છે. જો કે સૌર તોફાન આ પહેલા પણ આવી ચૂક્યું છે. તે 1989માં કેનેડાના ક્વિબેક શહેરમાં આવ્યું હતું. જેના કારણે 12 કલાક સુધી વીજળી ન હતી.

અગાઉ 1859માં પણ સૌર વાવાઝોડું આવ્યું હતું. પછી અમેરિકા અને યુરોપમાં ટેલિગ્રાફ નેટવર્કનો નાશ થયો. સૌર તોફાન એ ઊર્જાનો શક્તિશાળી વિસ્ફોટ છે, જે રેડિયો સંચાર, પાવર ગ્રીડ અને નેવિગેશન સિગ્નલોને અસર કરી શકે છે. જેના કારણે અવકાશમાં હાજર અવકાશયાત્રીઓ અને અવકાશયાન પણ જોખમમાં આવી શકે છે. 

આ બધાની વચ્ચે દુનિયાના અંતની ચર્ચા ચાલી રહી છે. કોઈ કહે છે કે, એક દિવસ એલિયન્સ પૃથ્વી પર હુમલો કરશે, અને વિશ્વનો અંત આવશે. તો કોઈ કહે છે કે, સુનામી આવવાને કારણે આવું થશે. તેના પર ઘણી ફિલ્મો પણ બની છે. વિજ્ઞાનીઓ સમયાંતરે ડૂમ્સડે ક્લોક દ્વારા ચેતવણી પણ આપે છે કે, વિશ્વ વિનાશની ખૂબ નજીક છે. 

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp