શું એલન મસ્ક ઇટાલી PM જ્યોર્જિયા મેલોનીને ડેટ કરે છે? તસવીર પર જાતે ખુલાસો કર્યો

સોશિયલ મીડિયા પર ઝડપથી વાયરલ થઈ રહેલી એક તસવીરમાં ટેસ્લાના માલિક એલોન મસ્ક ઈટાલીના PM જ્યોર્જિયા મેલોની સાથે એક ઈવેન્ટમાં જોઈ શકાય છે. એલોન મસ્ક કંઈક કહે છે અને જ્યોર્જિયા મેલોની તેને ધ્યાનથી સાંભળતી જોવા મળે છે. આ તસવીર સામે આવી ત્યારથી એવી અટકળો ચાલી રહી છે કે, બંને વચ્ચે પ્રેમ સંબંધ હોઈ શકે છે. મસ્ક અને મેલોની બંને બ્લેક-ટાઈ એવોર્ડ સમારોહમાં સાથે જોવા મળ્યા હતા, જ્યાં બંને એકબીજા સાથે ખુબ નજીક જોવા મળ્યા હતા.

જ્યોર્જિયા મેલોનીને એટલાન્ટિક કાઉન્સિલ ગ્લોબલ સિટીઝન એવોર્ડ અર્પણ કરતી વખતે, એલોન મસ્કએ કહ્યું, 'એવી મહિલાને આ સન્માન આપવું મારા માટે સન્માનની વાત છે, જે અંદરથી જેટલી સુંદર છે તેટલી બહારથી પણ સુંદર છે.' તેમણે વધુમાં કહ્યું, 'જ્યોર્જિયા મેલોની એક એવી મહિલા છે જેની હું પ્રશંસા કરું છું, જેણે ઇટાલીના PM તરીકે અવિશ્વસનીય કામ કર્યું છે.' એલોન મસ્કે કહ્યું, 'તે એક એવી મહિલા છે જે વિશ્વાસપાત્ર, પ્રામાણિક અને સત્યવાદી છે અને રાજકારણીઓ વિશે હંમેશા એવું ન કહી શકાય.' ત્યાર પછી ઇટાલીના PM જ્યોર્જિયા મેલોનીએ તેના સત્તાવાર એક્સ એકાઉન્ટ પર પોતાની પ્રશંસા કરવા બદલ મસ્કનો આભાર પણ માન્યો હતો.

Grazie Elon pic.twitter.com/NgHchWLUtB

— Giorgia Meloni (@GiorgiaMeloni) September 24, 2024

જો કે, હાલમાં, આ ઘટના પછી, જ્યારે લોકોએ સોશિયલ મીડિયા પર અફવા ફેલાવવાનું શરૂ કર્યું કે શું બંને એકબીજાને ડેટ કરી રહ્યા છે, ત્યારે એલોન મસ્ક પોતે સોશિયલ મીડિયા પર જઈને તેનો જવાબ આપવા માંગતા હતા. ટેસ્લા ફેન ક્લબે મસ્ક અને મેલોનીનો ફોટો પોસ્ટ કર્યો અને લખ્યું, 'શું તમને લાગે છે કે તેઓ ડેટ કરશે?' 53 વર્ષીય અબજોપતિએ જવાબ આપ્યો કે તેઓ ડેટિંગ નથી કરી રહ્યા.

We are not dating

— Elon Musk (@elonmusk) September 24, 2024

એટલાન્ટિક કાઉન્સિલ દ્વારા વિતરિત મીડિયા પેકેજ અનુસાર, જ્યોર્જિયા મેલોનીને યુરોપિયન યુનિયનના મજબૂત સમર્થન અને ઇટાલીના પ્રથમ મહિલા PM બનવા બદલ એવોર્ડ મળ્યો હતો. યુનાઈટેડ નેશન્સ જનરલ એસેમ્બલીની વાર્ષિક ઉચ્ચ-સ્તરીય બેઠક માટે 190થી વધુ અન્ય દેશોના નેતાઓ સાથે તેઓ ન્યૂયોર્કમાં આવ્યા ત્યારે તેમનું સન્માન કરવાનો કાર્યક્રમ યોજવામાં આવ્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.