દુનિયાના નકશા પરથી ભૂંસાઈ જશે આ દેશ...ઝડપથી દરિયામાં ડૂબી રહ્યો છે

પ્રશાંત મહાસાગરમાં હવાઈ અને ઓસ્ટ્રેલિયા વચ્ચે એક સુંદર પોલિનેશિયન ટાપુ દેશ છે. અહીં લગભગ 11 હજાર લોકો રહે છે. અહીં રહેતા લોકો પાસે વધારે સમય નથી, કારણ કે તેમનો દેશ સમુદ્રમાં ડૂબી રહ્યો છે.

આ દેશ 9 નાના ટાપુઓથી બનેલો છે. તેના મુખ્ય ટાપુનો આકાર સાંકડી પટ્ટી જેવો છે, જેના પર વસ્તી સ્થાયી છે. તેનું નામ તુવાલુ છે. તે વિશ્વનો ત્રીજો સૌથી ઓછી વસ્તી ધરાવતો સાર્વભૌમ દેશ છે. આના કરતા ઓછી વસ્તી ધરાવતા દેશોમાં માત્ર વેટિકન અને નૌરુ જ છે.

વિસ્તારની દ્રષ્ટિએ, તુવાલુ માત્ર 26 ચોરસ કિમીના ક્ષેત્રફળ સાથે વિશ્વનો ચોથો સૌથી નાનો દેશ છે. માત્ર વેટિકન સિટી (0.44 ચોરસ Km), મોનાકો (1.95 ચોરસ Km) અને નૌરુ (21 ચોરસ Km) નાના છે.

આ ટાપુ દેશ 19મી સદીના અંતમાં યુનાઇટેડ કિંગડમના પ્રભાવ હેઠળ આવ્યો હતો. 1892 થી 1916 સુધી તે બ્રિટિશ સંરક્ષિત રાજ્ય હતું અને 1916 અને 1974ની વચ્ચે તે ગિલ્બર્ટ અને એલિસ આઇલેન્ડ કોલોનીનો ભાગ હતો. 1974માં, સ્થાનિક રહેવાસીઓએ અલગ બ્રિટિશ આશ્રિત પ્રદેશ તરીકે રહેવા માટે મત આપ્યો. 1978માં, તુવાલુ સંપૂર્ણ સ્વતંત્ર દેશ તરીકે કોમનવેલ્થનો ભાગ બન્યો.

તુવાલુ અને તેના 11,000 લોકો કે જેઓ પ્રશાંત મહાસાગરમાં પથરાયેલા નવ એટોલ્સ પર રહે છે, તેમનો સમય સમાપ્ત થઈ રહ્યો છે. નાસાના વૈજ્ઞાનિકોનો અંદાજ છે કે 2050 સુધીમાં તુવાલુની 60 ટકા વસ્તી ધરાવતા મુખ્ય ફનફૂટીનો અડધો ભાગ ડૂબી જશે. જ્યાં એક શહેર જમીનની સાંકડી પટ્ટી પર આવેલું છે.

આ દેશ સમુદ્રની વચ્ચે આકાશમાંથી જોવો ખૂબ જ સુંદર લાગે છે. પરંતુ અહીંના લોકોને અનેક પડકારોનો સામનો કરવો પડે છે. પ્રથમ તો, તે સમુદ્રમાં ડૂબી રહ્યું છે. બીજું, અહીં પીવાના પાણીની પણ સમસ્યા છે. તુવાલુવાસી શાકભાજી ઉગાડવા માટે વરસાદી પાણીની ટાંકીઓ પર આધાર રાખે છે, કારણ કે ખારા પાણીને કારણે ભૂગર્ભજળ ઘટી ગયું છે, જેનાથી પાકને અસર થાય છે.

હાલમાં તો, તુવાલુ સમુદ્રમાં ડૂબી જાય તે પહેલાં સમય ખરીદવાનો પ્રયાસ કરી રહ્યું છે. ફુનાફુટી પર આવનારા તોફાનોથી બચવા અને રક્ષણ કરવા દરિયાની દિવાલો અને અવરોધો બનાવવામાં આવી રહ્યા છે. તુવાલુએ 17.3 એકર કૃત્રિમ જમીન બનાવી છે. તે હજુ પણ વધારે કૃત્રિમ જમીન બનાવવાની યોજના બનાવી રહ્યું છે, જેનાથી તેને આશા છે કે, 2100 સુધી દરિયાઈ ભરતીથી ઉપર રહેશે.

ઑસ્ટ્રેલિયા સાથે 2023માં જાહેર કરાયેલ સીમાચિહ્નરૂપ આબોહવા અને સુરક્ષા સંધિ આગામી વર્ષથી વાર્ષિક 280 તુવાલુવાસીઓને ઑસ્ટ્રેલિયામાં સ્થળાંતર કરવાની મંજૂરી આપશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.