ગર્લફેન્ડ-બોયફ્રેન્ડે ઉતારેલા વીડિયોનો જવાબ 32 વર્ષે તેમની દીકરીઓએ આપ્યો
લગભગ 32 વર્ષ પહેલા એક કપલે આ વીડિયો બનાવ્યો હતો. ત્યારે તેમના લગ્ન થયા ન હતા. બંને ગર્લફ્રેન્ડ અને બોયફ્રેન્ડ હતા. તેમણે આ વીડિયો પોતાના ભવિષ્યમાં જન્મ લેનારા બાળકોના નામે બનાવ્યો હતો. જેનો જવાબ હવે તેમને મળી ગયો છે. વીડિયોમાં મહિલા કહે છે, 'હેલો બાળકો. તમે આજથી 20 વર્ષ પછી આ વીડિયો જોતા હશો. પછી તે તેના બોયફ્રેન્ડને કહે છે, 'ચાલ, આપણા બાળકોને હેલો કહો. આપણે કેટલા બાળકો જોઈએ છે?'
આના પર મહિલા કહે છે, '3... અને આપણા જોડિયા બાળકો હશે. બરાબર ને? પરંતુ જો તમે જોડિયા ન હોવ તો તમે ખોટું ન લગાડશો. અમે હજી પણ તમને પ્રેમ કરીએ છીએ.' આ વીડિયો બન્યાના 32 વર્ષ પછી કપલના બાળકોએ તેના પર પ્રતિક્રિયા આપી છે.
દંપતીને માત્ર ત્રણ બાળકો છે. ત્રણેય પુત્રીઓ છે. અને ત્રણેય એક સમાન દેખાય છે. તેમના ચહેરા લગભગ સમાન છે. તેમાંથી એકે વીડિયોમાં તેના માતા-પિતાને પણ બતાવ્યા હતા. જેઓ હવે વૃદ્ધ થઇ ગયા છે. આપણે દંપતીને તેમની ત્રણ લગભગ સરખી દીકરીઓ સાથે પર્વત પર ટ્રેકિંગ કરતા જોઈ રહ્યા છીએ.
આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર ગુડ ન્યૂઝ મૂવમેન્ટ નામના એકાઉન્ટથી શેર કરવામાં આવ્યો છે. આ વિડીયોએ ઘણા લોકોનું ધ્યાન ખેંચ્યું છે, જેમાં આ વિડીયોને 5.2 મિલિયનથી વધુ વ્યુઝ અને ઓનલાઈન યુઝર્સ દ્વારા તેમની પ્રતિક્રિયાઓ વ્યક્ત કરતા ઘણી બધી ટિપ્પણીઓ મળી છે.
વીડિયોના કેપ્શનમાં લખ્યું છે, 'બહુ સારું! આ મહિલા અને તેના તત્કાલિન બોયફ્રેન્ડે તેમના ભાવિ બાળકોને મજાક તરીકે આ વિડિયો મોકલ્યો હતો... બાળકોએ 32 વર્ષ પછી જવાબ આપ્યો છે... ખબર પડી છે કે, તેઓ જોડિયા બાળકો નથી, પરંતુ લગભગ એક સરખા દેખાય છે, ત્યાં એકસરખી દેખાતી ત્રણ પુત્રીઓ હતી. લોકોએ આ વીડિયો પર કોમેન્ટ કરીને ઘણો પ્રતિસાદ આપ્યો છે.
એક યુઝરે કહ્યું, '90ના દાયકાના વીડિયો સૌથી સારી વસ્તુ છે, આ જ વાસ્તવિક ખજાનો છે. હવે આપણે તેને ડિજિટલ માધ્યમમાં રૂપાંતરિત કરવાની જરૂર છે, જેથી આપણી આવનારી પેઢી તેને જોઈ શકે. અન્ય યુઝર કહે છે કે, 'આ જોવાથી મને ખુબ મોટી સ્માઈલ મળી છે.' એક યુઝરે સચોટ આગાહી માટે મહિલાની પ્રશંસા કરતા કહ્યું કે, 'આ એ મમ્મી છે, જે ખરેખર મહાન છે, જે ભવિષ્યનું બધું જ અનુમાન લગાવી શકે છે.'
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
