'તમે ભારતીય મૂર્ખ છો' ચીની ડ્રાઈવર મહિલા પર ગુસ્સે થયો, જુઓ વીડિયો
ચીનના લોકોમાં ભારતીય લોકો પ્રત્યે કેટલી નફરત ભરેલી છે તે આ વીડિયોમાં જોઈ શકાય છે. એક ચાઈનીઝ કેબ ડ્રાઈવરે એક મહિલા સાથે ગેરવર્તન કર્યું, કારણ કે તેને લાગતું હતું કે તે ભારતીય છે.
સોશિયલ મીડિયા પર એક વીડિયો ઝડપથી વાયરલ થઈ રહ્યો છે. જેમાં એક ચીની કેબ ડ્રાઈવર ભારતીય મહિલા પર વંશીય ટિપ્પણી કરતો જોવા મળે છે. સરનામું અને ખોટા રૂટને લઈને બંને વચ્ચે દલીલો શરૂ થાય છે. ત્યાર પછી ચાઈનીઝ ડ્રાઈવરે મહિલા સાથે દુર્વ્યવહાર શરૂ કર્યો હતો.
આના પર મહિલાએ વીડિયો બનાવવાનું શરૂ કર્યું અને તેને સોશિયલ મીડિયા પર પોસ્ટ કર્યું. મહિલાની ઓળખ જેનેલે હોઇડેન તરીકે કરવામાં આવી છે. ડ્રાઈવરે તેની સાથે ગેરવર્તન કર્યું, કારણ કે તેને લાગ્યું કે તે ભારતીય છે. જ્યારે કે તે કોઈ બીજા દેશમાંથી જ હતી.
તે કહે છે, 'નોટિફિકેશન ખોટા રસ્તા પર નીકળી ગઈ હતી, તેથી આ વ્યક્તિએ જાતિવાદી ટિપ્પણી કરવાનું શરૂ કર્યું. તે માટે તેણે મને જવાબદાર ગણાવી. આ પછી તેણે મને ભારતીય કહેવાનું શરૂ કર્યું.'
વીડિયોમાં ચાઈનીઝ ડ્રાઈવર કહે છે, 'તમે ભારતીય છો... તમે મૂર્ખ છો, હું ચાઈનીઝ છું, લોકો જાણે છે કે તમે ભારતીય છો, હું ચાઈનીઝ છું, તમે લોકો ખૂબ જ ખરાબ ગ્રાહક છો.' મહિલાએ ત્યાર પછી કહ્યું કે, હું ભારતીય નથી. હું સિંગાપોર યુરેશિયન છું. તેણે ડ્રાઈવરને કહ્યું, 'આમ તો, અહીં ઘણા સિંગાપોરિયન ભારતીયો છે, અને તમે જાતિવાદી છો.'
હોઇડેન તેની 9 વર્ષની પુત્રી સાથે કેબમાં મુસાફરી કરી રહી હતી. દલીલ દરમિયાન ચાઈનીઝ ડ્રાઈવર તેમને કહે છે કે, તમે લોકો ગેરકાયદેર છો. તે તૂટેલી અંગ્રેજીમાં હોઇડેનની પુત્રીને પણ કથિત રીતે નિશાન બનાવે છે અને તેને બોડી શેમિંગ કરવાનું શરૂ કરે છે.
હોડેનના જણાવ્યા મુજબ, 'તે મૌખિક રીતે અપમાનજનક હોવાથી, મને ડર હતો કે તે મારી સાથે શારીરિક સંબંધ બાંધવાનું શરૂ કરશે, તેથી મેં તેને રેકોર્ડ કરવાનું શરુ કર્યું. ભલે મારી ચામડી કાળી હોય, કે ભારતીય, અથવા અન્ય જે કોઈ પણ હોય, તેણે જે કહ્યું તે અસ્વીકાર્ય છે.
તેણે કહ્યું કે, 'તમારા બાળકની ઊંચાઈ 1.35 મીટરથી ઓછી છે. મારી સાથે દલીલ કરશો નહીં, મીટર માત્ર 1.35નું છે. આ પછી તે હોઇડેન વિશે જ ફરિયાદ કરવાનું શરૂ કરે છે. જેના પર હોઇડેન કહે છે, 'ફરિયાદ સાચી છે. કારણ કે તમે ખૂબ જ ગેરકાયદેસર છો. જોકે, હવે એ ડ્રાઈવરની શોધખોળ હાથ ધરવામાં આવી રહી છે.
આ મીટરની ઊંચાઈ એવા મુસાફરોની સલામતી માટે હોવાનું માનવામાં આવે છે, જેને ચાઈલ્ડ સીટની જરૂર હોય છે. લેન્ડ ટ્રાન્સપોર્ટ ઓથોરિટી (LTA) તેની વેબસાઈટ પર જણાવે છે કે, સુરક્ષાના કારણોસર, સિંગાપોરના તમામ વાહનોમાં 1.35 મીટરથી ઓછી ઊંચાઈ ધરાવતા મુસાફરો માટે બૂસ્ટર સીટ અથવા ચાઈલ્ડ રિસ્ટ્રેઈન્ટ્સ હોવા જોઈએ.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
