કાર્યસ્થળ પર યૌન ઉત્પીડનની ફરિયાદ માટે મહિલા જજ પાસે કોઈ ઉચિત મંચ નથી: એડવોકેટ

મધ્ય પ્રદેશમાં એક મહિલા યૌન ઉત્પીડનના કેસમાં સુપ્રીમ કોર્ટમાં સુનાવણીની શરૂઆત થઈ તો સીનિયર એડવોકેટ ઇન્દિરા જયસિંહે કોર્ટને જણાવ્યું કે કાર્યસ્થળ પર યૌન ઉત્પીડન માટે નીચલી કોર્ટોમાં પણ મહિલા જજ પાસે તો કોઈ ઉચિત મંચ નથી. કોર્ટસમાં માત્ર કર્મચારીઓ અને અધિકારીઓ માટે કમિટી બની છે. જજો માટે એવી કોઈ સ્થાયી વ્યવસ્થા નથી. મધ્ય પ્રદેશ હાઇ કોર્ટમાં જિલ્લા કોર્ટમાં મહિલા જજે એક સીનિયર પર દુર્ભાવનાથી કામ કરવા અને યૌન ઉત્પીડનનો આરોપ લગાવતા સેવામાંથી રાજીનામું આપી દીધું હતું.

ઇન્દિરા જયસિંહની આ દલીલ બાદ ચીફ જસ્ટિસ એન.વી. રમણાએ મધ્ય પ્રદેશ હાઇકોર્ટના ચીફ જસ્ટિસને નિર્દેશ આપ્યો કે તેઓ ઘટનાનો વિસ્તૃત રિપોર્ટ મોકલે. હાઇકોર્ટે તપાસ માટે બે જજોની કમિટી બનાવી હતી પરંતુ ફરિયાદકર્તા જજ તેનાથી અસંતુષ્ટ નજરે ન પડ્યા તો સુપ્રીમ કોર્ટનો દરવાજો ખખડાવ્યો. પીડિત મહિલા જજે સુપ્રીમ કોર્ટમાં એ આધાર પર અરજી લગાવી કે આવી ઘટના ધ્યાનમાં આવ્યા બાદ આ હાઉસ તપાસ કમિટી બનાવવા અને પારદર્શી તપાસ કરવાની નિર્ધારિત પ્રક્રિયાનું પાલન કરવામાં આવ્યું નહોતું.

સુપ્રીમ કોર્ટે મહિલા જજની વાત સાંભળી તો જજોની કમિટી ફગાવીને 3 જજોની નવી કમિટીને તપાસની જવાબદારી સોંપી. ઇન્દિરા જયસિંહે કોર્ટને જણાવ્યું કે આ કમિટીએ પણ ન તો પુરાવા એકત્ર કર્યા, ન તો નિવેદનના આધાર પર ક્રોસ એગ્ઝામિનેશન એટલે કે આરોપીઓ અને કેસ સાથે જોડાયેલા અન્ય લોકોનો સાથે વાતચીત કરી. કમિટીએ કહી દીધું કે તથ્ય પૂરા અને સંતોષકારક નહોતા. આ દરમિયાન 50 સાંસદોએ પોતાના હસ્તાક્ષરવાળો પ્રસ્તાવ પાસ કરીને સંસદમાં મોકલ્યો કે મધ્ય પ્રદેશ હાઇકોર્ટના આરોપી જજ વિરુદ્ધ મહાભિયોગ પ્રસ્તાવ સંસદમાં લાવવામાં આવે.

મહાભિયોગ ચલાવવાનો પ્રસ્તાવ પણ સંસદમાં મંજૂર થઈ ગયો અને તેના માટે તપાસ સમિતિ પણ બનાવી દીધી પરંતુ આ દરમિયાન સુપ્રીમ કોર્ટમાં આ કેસની સુનાવણી કરી રહેલી પીઠના જસ્ટિસ વિક્રમજીત સેન સેવા નિવૃત્ત થઈ ગયા અને તેમની જગ્યા જસ્ટિસ આર. ભાનુમતીએ લીધી. 3 જજોની કમિટીએ જાણ્યું કે ટ્રાન્સફર નીતિ પર અમલ કરવામાં આવી નહોતી. મહિલા જજને બળજબરીપૂર્વક મોટા શહેરથી નાના શહેરમાં ટ્રાન્સફર સ્વીકાર કરવા કે પછી રાજીનામું આપવા દબાવ બનાવવામાં આવ્યો.

જિલ્લા કોર્ટોમાં જજોની ટ્રાન્સફર નીતિમાં સ્પષ્ટ કહેવામાં આવ્યું છે કે જો જજની દીકરી 12મા ધોરણમાં છે કે પરીક્ષા આપવાની છે તો ટ્રાન્સફર ત્યાં સુધી ટાળી દેવામાં આવશે. આ કેસમાં પણ અરજીકર્તા મહિલા જજને પોતાનું ટ્રાન્સફર એક વર્ષ સુધી ટળાવવાનો અધિકાર હતો. મહિલા જજને આ ત્રાસના કારણે પોતાના પદ પરથી રાજીનામું આપવું પડ્યું જ્યારે પોતાના દાયિત્વ પ્રત્યે તે એકદમ સાચી રહી. તેમની ACR એકદમ સાફ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.