ટોલ પ્લાઝા નહીં, ફાસ્ટેગ નહીં, આવી રહી છે નવી સિસ્ટમ,નીતિન ગડકરીએ જણાવ્યો પ્લાન

કેન્દ્રીય માર્ગ પરિવહન મંત્રી નીતિન ગડકરીએ ટોલ વસૂલાત સિસ્ટમને લઈને મોટી જાહેરાત કરી છે. હકીકતમાં, તેમણે એક પોસ્ટમાં કહ્યું કે, તેઓ ટૂંક સમયમાં ટોલ નાબૂદ કરવા જઈ રહ્યા છે. આ પછી નવી સેટેલાઇટ બેઝ ટોલ સિસ્ટમ લાગુ થશે. વાહનમાલિકો હાઈવે પર જેટલા લાંબા સમય સુધી વાહન ચલાવશે તેટલો વધુ ટોલ ટેક્સ તેમની પાસેથી વસૂલવામાં આવશે. જો કે, તેમાં ફાસ્ટેગને લગતી કોઈ વિગતો નથી. આવો તમને તેના વિશે વિગતવાર જણાવીએ.

કેન્દ્રીય માર્ગ પરિવહન મંત્રી નીતિન ગડકરીએ ટોલ સંબંધિત માહિતી શેર કરી અને કહ્યું કે, સરકાર ટૂંક સમયમાં ટોલ નાબૂદ કરવાની યોજના બનાવી રહી છે. તેની જગ્યાએ નવી સિસ્ટમ કામ કરશે. કેન્દ્રીય મંત્રીએ એક્સ પ્લેટફોર્મ (જૂનું નામ ટ્વિટર) પર આ માહિતી આપી હતી.

#WATCH | Nagpur: On Toll tax, Union Minister Nitin Gadkari says, "Now we are ending toll and there will be a satellite base toll collection system. Money will be deducted from your bank account and the amount of road you cover will be charged accordingly. Through this time and… pic.twitter.com/IHWJNwM0QF

— ANI (@ANI) March 27, 2024

નવી ટોલ કલેક્શન સિસ્ટમ સેટેલાઇટ આધારિત હશે અને ટૂંક સમયમાં શરૂ કરવામાં આવશે. જો કે હજુ સુધી તેની કોઈ સમયમર્યાદા જાહેર કરવામાં આવી નથી. આ સિસ્ટમ હેઠળ, યુઝર્સ હાઇવે પર જેટલા કિલોમીટર મુસાફરી કરે છે, તેટલો જ ટોલ ટેક્સ વસૂલવામાં આવશે. આ ટોલ ટેક્સ તમારા બેંક ખાતામાંથી આપોઆપ કપાઈ જશે. તેનાથી યુઝર્સને બચત કરવાનો મોકો પણ મળશે.

રોડ ટ્રાન્સપોર્ટ અને હાઈવે મિનિસ્ટર નીતિન ગડકરીએ કહ્યું છે કે, હવે લોકોએ નેશનલ હાઈવે પર ટોલ પ્લાઝા પર રોકાવું પડશે નહીં. ઈલેક્ટ્રોનિક ટોલની 97 ટકા વસૂલાત થઈ રહી છે. હવે મારે GPS સિસ્ટમ લાવવી છે. ત્યાં કોઈ ટોલ લેવામાં આવશે નહીં. ટોલ નહીં એટલે ટોલ ખતમ નહીં થાય. તમારા વાહનમાં GPS સિસ્ટમ ઇન્સ્ટોલ કરશે. વાહનમાં GPS સિસ્ટમ પણ ફરજિયાત કરવામાં આવી છે. GPS પર એક રેકોર્ડ હશે જ્યાંથી તમે દાખલ થયા છો અને તમે ક્યાંથી બહાર નીકળ્યા છો. અને સીધા તમારા બેંક ખાતામાંથી પૈસા કપાશે. નવી સિસ્ટમ પછી તમને કોઈ રોકશે નહીં. આ ઉપરાંત ટોલ પર થતા ઝગડાનો પણ અંત આવશે.

કેન્દ્રીય પ્રધાન નીતિન ગડકરીએ ડિસેમ્બરની શરૂઆતમાં કહ્યું હતું કે, નેશનલ હાઇવ ઓથોરિટી ઓફ ઇન્ડિયા (NHAI)એ માર્ચ 2024 સુધીમાં નવી સિસ્ટમ દાખલ કરવાનું લક્ષ્ય રાખ્યું છે. તેની મદદથી ટોલ પ્લાઝા પર લાગતો સમય ઘટાડવાનો છે.

હાલમાં ટોલ પેમેન્ટ માટે ફાસ્ટેગ સિસ્ટમ છે. તે ઇલેક્ટ્રોનિક ટોલ કલેક્શન સિસ્ટમ હતી, જે ઓટોમેટિક ટોલ પ્લાઝા પર ટોલ ટેક્સ ચૂકવે છે. તેની મદદથી, ટોલ પ્લાઝા પર રાહ જોવાનો સમય સરેરાશ 47 સેકન્ડ પર આવી ગયો છે, જે અગાઉ સરેરાશ 714 સેકન્ડ હતો.

We will come out with a new policy to replace toll plazas in the country with a GPS-based tracking toll system. It means that toll collection will happen via GPS. The money will be collected based on GPS imaging (on vehicles).: Union Minister Shri @nitin_gadkari ji pic.twitter.com/iHEfOqSlMc

— Office Of Nitin Gadkari (@OfficeOfNG) March 23, 2022

ફાસ્ટેગ એ ઈલેક્ટ્રોનિક ટોલ કલેક્શન સિસ્ટમ છે. તેમાં રેડિયો ફ્રીક્વન્સી આઇડેન્ટિફિકેશન (RFID) ટેક્નોલોજી છે, જેની મદદથી તે ટોલ પ્લાઝા પર ઓટોમેટિક ટોલ પેમેન્ટ કરે છે. તે કાર અથવા અન્ય વાહનની વિન્ડ સ્ક્રીન પર ઇન્સ્ટોલ કરેલું હોય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.