લોકો હોલિવુડ જઈ રહ્યા છે, મારે સાઉથ જવું છે: સલમાન ખાન

છેલ્લા કેટલાક દિવસોથી એટલી અને સલમાન ખાનની ફિલ્મને લઈને ઉત્તેજનાનું વાતાવરણ છે. કહેવામાં આવ્યું હતું કે, આ બે હીરોની ફિલ્મ હશે. રણવીર સિંહનું નામ સલમાન સાથે જોડાયું હતું. પછી સમાચાર આવ્યા કે, રણવીરની વાત માત્ર અફવા હતી. એટલી સલમાન સાથે સાઉથના કોઈ મોટા સુપરસ્ટારને લાવવા માંગે છે. રામ ચરણ, જુનિયર NTR જેવા કલાકારોના નામ મીડિયા રિપોર્ટ્સમાં આવવા લાગ્યા. પછી સૌથી મોટા કાસ્ટિંગ સમાચાર પ્રકાશિત થયા હતા કે, એટલીએ રજનીકાંતનો સંપર્ક કર્યો હતો. સલમાન અને રજનીકાંતની ફિલ્મના સમાચારો વચ્ચે બંનેના કેટલાક જૂના વીડિયો પણ વાયરલ થયા હતા. 'રોબોટ'ની સિક્વલ 2.0ની એક ઈવેન્ટ દરમિયાન રજનીકાંતને પૂછવામાં આવ્યું કે, તે સલમાન સાથે ક્યારે કામ કરશે. તેનો જવાબ હતો, 'સલમાન, કાલે હા કહે તો કાલે, હું શૂટિંગ શરૂ કરી દઈશ.'

સલમાનનો પણ એક વીડિયો વાયરલ થઈ રહ્યો છે. તે કહે છે કે, જ્યારે અન્ય લોકો હોલિવુડમાં જઈ રહ્યા છે, ત્યારે તે દક્ષિણમાં જઈ રહ્યો છે. 'ગોડફાધર' નામની તેલુગુ ફિલ્મ વર્ષ 2022માં રિલીઝ થઈ હતી. ચિરંજીવી અને નયનતારા મુખ્ય ભૂમિકામાં હતા. આ ફિલ્મમાં સલમાન ખાને પણ કેમિયો કર્યો હતો. ફિલ્મની ટીમે પ્રમોશન માટે મુંબઈમાં એક ઈવેન્ટનું આયોજન કર્યું હતું. સલમાને ચિરંજીવીને મજાકમાં કહ્યું કે, તમારી ફિલ્મોને અહીં અપનાવવામાં આવે છે, અને અમારી ફિલ્મો ત્યાં ચાલતી નથી. ચિરંજીવીએ  કહ્યું, એટલે જ અમે તમને લેવા આવ્યા છીએ. આગળ વાત કરતાં સલમાને કહ્યું કે, 'લોકો હોલિવૂડ જવા માગે છે, મારે સાઉથ જવું છે. અને વાત એ છે કે એકવાર અમે લોકો સાથે મળીને કામ કરવાનું શરૂ કરીએ, તો કલ્પના કરો કે આપણને કેટલા અદ્ભુત નંબરો મળશે. આ સૌથી મહત્વપૂર્ણ છે. લોકો તેને અહીં જુએ અથવા દક્ષિણમાં જોઈ શકે છે. તમારી પાસે સિનેમા હોલ છે. ચાહકો છે. તેઓ સતત વધતા રહે છે અને તેના કારણે તમારી સંખ્યા પણ સતત વધતી રહે છે.'

He said it earlier.
And now he is full filling his commitment.

- #Sikandar with #ARMurugados

- #SalmanKhan × Top south superstar with #Atlee .

- #TheBull with Vishnuvardhan pic.twitter.com/43bukW2NrW

— AMAR_SK_FAN 💫 (@SalluJeet) June 21, 2024

જો કેટલાક મીડિયા રિપોર્ટ્સનું માનીએ તો, એટલી અને સલમાન છેલ્લા એક-બે વર્ષથી સતત મળી રહ્યા છે. બંનેએ કેટલાક વિચારોની ચર્ચા પણ કરી હતી. તે પછી બંને એક વિચાર પર સહમત થયા. ત્યારે સલમાને માત્ર મૌખિક રીતે એટલીને હા પાડી. બંને પક્ષો વચ્ચે કોઈ અધિકૃત પેપરવર્ક નહોતું. એટલી હાલમાં તે વિચાર આગળ વધારી રહ્યો છે. તે એક મહિનામાં ફિલ્મની સંપૂર્ણ પટકથા લખશે. તે પછી સલમાન અને રજનીકાંતને ફિલ્મની કથા સંભળાવશે. સન પિક્ચર્સ એટલીની ફિલ્મનું નિર્માણ કરવા જઈ રહી છે. મુખ્ય વાત એ છે કે, આ ફિલ્મ ક્યારે અને કોની સાથે બનવા જઈ રહી છે, તે અંગે આગામી એક મહિનામાં સમગ્ર ચિત્ર સ્પષ્ટ થઈ જશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.