પેપર કપમાં રાખેલી ચા 15 મિનિટમાં બની જાય છે ઝેર, જાણો અભ્યાસમાં શું સામે આવ્યું

ઘરની બહાર ચા પીવી એ સ્વાસ્થ્ય સાથે ચેડા કરવા જેવું છે. લગભગ દરેક જણ આ જાણે છે. જોકે, પ્લાસ્ટિકના કપને બદલે કાગળના કપમાં ચા પીરસવામાં આવતી હોવાથી થોડી રાહત થઈ હતી. કારણ કે કાગળમાં એવું કોઈ રસાયણ નથી હોતું જે શરીરને ગંભીર રોગોનો શિકાર બનાવી શકે, જેની શક્યતા પ્લાસ્ટિકના કપ અને વાસણોમાં વધુ હોય છે.

પરંતુ ઇન્ડિયન ઇન્સ્ટિટ્યૂટ ઑફ ટેક્નોલોજી (IIT) ખડગપુરના તાજેતરના અભ્યાસમાં બહાર આવ્યું છે કે, ડિસ્પોજેબલ કાગળના કપમાં ચા પીવી સ્વાસ્થ્ય માટે એટલી જ જોખમી છે, જેટલી પ્લાસ્ટિકના કપમાં ચા પીવી. અભ્યાસોએ દર્શાવ્યું છે કે આ કપ, જે ઘણીવાર એક ઉપયોગ પછી ફેંકી દેવામાં આવે છે, તેમાં પ્લાસ્ટિકની માત્રા હોય છે, જે ગરમીના સંપર્કમાં આવે ત્યારે રસાયણો મુક્ત કરે છે.

આ અભ્યાસનો મુખ્ય ઉદ્દેશ એ સમજવાનો હતો કે, શું ડિસ્પોજેબલ પેપર કપમાં ચા અથવા અન્ય ગરમ પ્રવાહીના સંપર્કથી કપમાં હાજર પ્લાસ્ટિક લીક થાય છે. અભ્યાસના સંશોધકોએ વિવિધ પ્રકારના પેપર કપનું વિશ્લેષણ કર્યું અને તેની અંદર પ્લાસ્ટિકની સામગ્રીનું પ્રમાણ માપ્યું.

સંશોધકોએ જોયું કે મોટાભાગના ડિસ્પોજેબલ પેપર કપમાં એક પ્રકારનું પ્લાસ્ટિક કોટિંગ હોય છે, જે કપને વોટરપ્રૂફ બનાવે છે. આવી સ્થિતિમાં, જ્યારે આ કપ ગરમ પીણાના સંપર્કમાં આવે છે, ત્યારે આ પ્લાસ્ટિક ધીમે ધીમે લીક થવા લાગે છે. પરિણામે, ચા અથવા અન્ય ગરમ પીણાંમાં માઇક્રોપ્લાસ્ટિક્સનું પ્રમાણ વધે છે.

ઈન્ડિયન ઈન્સ્ટિટ્યૂટ ઑફ ટેક્નોલોજીના આસિસ્ટન્ટ પ્રોફેસર અને સ્ટડી હેડ સુધા ગોયલ કહે છે કે, પેપર કપમાં ગરમાગરમ કૉફી કે ચા પીવામાં જે 15 મિનિટ લાગે છે, તેમાં કપ પર માઈક્રોપ્લાસ્ટિકનું લેયર બગડી જાય છે. અને ગરમ પીણામાં 25,000 માઇક્રોન સાઇઝના કણો બહાર આવે છે.

કરાયેલા અભ્યાસ અનુસાર, આ માઇક્રોપ્લાસ્ટિક્સના સેવનથી ઘણી જીવલેણ સ્વાસ્થ્ય સમસ્યાઓ થઈ શકે છે. આમાં હોર્મોનલ અસંતુલન, રોગપ્રતિકારક શક્તિમાં ઘટાડો અને અમુક પ્રકારના કેન્સરનું જોખમ વધે છે.

નોધ: આ સમાચાર ફક્ત તમને જાગૃત કરવાના હેતુથી લખવામાં આવ્યા છે. અમે આ લખવા માટે ઘરેલું ઉપચાર અને સામાન્ય માહિતીની મદદ લીધી છે. જો તમે ક્યાંય પણ તમારા સ્વાસ્થ્ય સંબંધિત કંઈપણ વાંચો છો, તો તેને અપનાવતા પહેલા ચોક્કસપણે ડૉક્ટરની સલાહ લો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.