17 દિવસમાં 12 પૂલ તૂટી જતા નીતિશ સરકારે કરી આ કાર્યવાહી

બિહારમાં 17 દિવસમાં એક પછી એક 12 પુલ ધરાશાયી થયા બાદ નીતિશ સરકારે મોટી કાર્યવાહી કરી છે. વારંવાર પુલ તૂટી પડવાની ઘટનાઓ સામે આવ્યા બાદ 11 એન્જિનિયરોને સસ્પેન્ડ કરવામાં આવ્યા છે. નીતિશ કુમારની સરકારે પણ નવા પુલોના પુનઃનિર્માણનો આદેશ આપ્યો છે. રાજ્યના જળ સંસાધન વિભાગના અધિક મુખ્ય સચિવ ચૈતન્ય પ્રસાદે મીડિયા સાથે વાત કરતા કહ્યું હતું કે નવ પુલોને નુકસાન થયાનો રિપોર્ટ સામે આવ્યો છે, આમાંથી છ ખૂબ જૂના છે. વધુ ત્રણ નિર્માણાધીન છે. પ્રાથમિક દૃષ્ટિએ એવું લાગે છે કે આમાં એન્જિનિયરો અને કોન્ટ્રાક્ટરોની સંડોવણી છે. તેમણે કહ્યું કે ફ્લાઈંગ સ્કવોડની ટીમે રિપોર્ટ સોંપી દીધો છે. એન્જિનિયરો આ બાબતે ન તો સાવચેત હતા કે ન તો તેની દેખરેખ રાખી રહ્યા હતા. આ કેસમાં વિવિધ પોસ્ટના 11 એન્જિનિયરોને સસ્પેન્ડ કરવામાં આવ્યા છે. અધિક મુખ્ય સચિવ ચૈતન્ય પ્રસાદે કહ્યું કે નવા પુલ બનાવવામાં આવશે. આ ઉપરાંત રાજ્ય પુલ બાંધકામ નિગમને વહેલી તકે તેની જાળવણી અને સમારકામ માટે કહેવામાં આવ્યું છે. કોન્ટ્રાક્ટર માતેશ્વરી કન્સ્ટ્રક્શન તેનો ખર્ચ ઉઠાવશે. આમાં શામેલ લોકો સામે કડક કાર્યવાહી કરવામાં આવશે.

ગ્રામીણ બાંધકામ વિભાગના અધિક મુખ્ય સચિવ દીપક સિંહે મીડિયાને કહ્યું હતું કે 3 પુલને નુકસાન થયાની માહિતી મળી છે. 18 જૂને અરરિયામાં બખરા નદી પર પહેલા નુકસાનની ખબર મળી. રાજ્ય અને કેન્દ્રની ટીમો તપાસ કરી રહી છે. ચાર એન્જિનિયરોને સસ્પેન્ડ કરવામાં આવ્યા છે, જ્યારે અન્ય બેને પહેલાથી જ સસ્પેન્ડ કરવામાં આવ્યા છે. તપાસ પૂર્ણ ન થાય ત્યાં સુધી અન્ય કારણોસર કોન્ટ્રાક્ટરોને ચૂકવણી અટકાવવામાં આવશે.

તેમણે કહ્યું હતું કે નિરીક્ષણ ટીમો અંતિમ અહેવાલ સુપરત કર્યા બાદ કોન્ટ્રાક્ટર અને કન્સલ્ટન્ટ સામે અંતિમ કાર્યવાહી કરવામાં આવશે. બ્રિજનું નિર્માણ કાર્ય ચાલી રહ્યું છે. કોન્ટ્રાક્ટરે કથિત તોડફોડ માટે કેટલાક સ્થાનિક લોકો વિરુદ્ધ પહેલાથી જ FIR નોંધાવી હતી. અમે તેમની પાસેથી સ્પષ્ટતા માગી છે કે 15 જૂન પછી બાંધકામ શા માટે કરવામાં આવી રહ્યું છે. દીપક સિંહે કહ્યું કે કેટલાક અન્ય પુલ છે જેના માટે એજન્સીની ઓળખ થવાની બાકી છે અને અમે જિલ્લા વહીવટીતંત્ર પાસેથી ઇનપુટ માગી રહ્યા છીએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.