પ્રેમ, લગ્ન અને પછી અચાનક છૂટાછેડા...ડિવોર્સનું પ્રમાણ કેમ વધી ગયું છે

દરેક વ્યક્તિના જીવનમાં પારિવારિક જીવનનું વિશેષ મહત્વ હોય છે. પારિવારિક જીવનમાં આગળ વધવા માટે લગ્ન કરવા પડે છે. લગ્ન એ બે વ્યક્તિ વચ્ચેના જીવનનું બંધન છે. લગ્ન પછી એક છોકરો અને છોકરી સંબંધ બાંધે છે અને એક પરિવાર બનાવે છે. બંનેના પરિવારો પણ તેમની સાથે જોડાયેલા છે. આવી સ્થિતિમાં, દરેક વ્યક્તિ એક આદર્શ જીવનસાથીની શોધમાં હોય છે અને લગ્નનો નિર્ણય કાળજીપૂર્વક વિચારીને લેવામાં આવે છે. હકીકતમાં, જૂના સમયમાં, પરિવારો તેમના પુત્ર અથવા પુત્રી માટે આદર્શ જીવનસાથી પસંદ કરતા હતા. આજે પણ પરિવારના વડીલો જ સંબંધો નક્કી કરે છે. આને એરેન્જ્ડ મેરેજ કહેવાય છે.

પરંતુ બદલાતા સમય સાથે લવ મેરેજનું ચલણ વધી રહ્યું છે. પ્રેમ લગ્ન, જેમ કે નામ જ સ્પષ્ટપણે જણાવે છે, તે લગ્ન છે, જેમાં એક છોકરો અને છોકરી પહેલેથી જ એકબીજાને પ્રેમ કરે છે અને એકબીજાને તેમના જીવનસાથી તરીકે પસંદ કરે છે. લવ મેરેજમાં વર-કન્યા પહેલાથી જ એકબીજાને ઓળખે છે. તેઓ પરિવારની સંમતિથી અથવા સંમતિ વગર એકબીજા સાથે લગ્ન કરે છે. ઘણા પ્રેમ લગ્નો સફળ થતા નથી અને તેથી છૂટાછેડાની સ્થિતિ ઉભી થાય છે. ફેમિલી કોર્ટમાં પણ છૂટાછેડાના મોટાભાગના કેસ લવ મેરેજને લગતા હોય છે.

રાયપુર ફેમિલી કોર્ટના કાઉન્સેલર શમીમ રહેમાને કહ્યું કે, લવ મેરેજ કરનારા લોકોના મોટાભાગના કેસ ફેમિલી કોર્ટમાં આવે છે. પહેલા તેઓએ પ્રેમ લગ્ન કર્યા અને પછી પરસ્પર સંમતિથી છૂટાછેડા લેવા ફેમિલી કોર્ટમાં આવ્યા. ઘણીવાર એવું જોવા મળ્યું છે કે યુવક-યુવતીઓ ઉતાવળ અને લાગણીના પ્રવાહમાં તણાઈને પ્રેમ લગ્ન કરી લે છે. જ્યારે વૈવાહિક અને પારિવારિક જીવન શરૂ થાય છે અને જવાબદારીઓ આવે છે, ત્યારે બંને પક્ષો તેમની જવાબદારીઓને યોગ્ય રીતે નિભાવવામાં અસમર્થ હોય છે. તેથી એકબીજામાં ખામીઓ શોધીને વાદ-વિવાદની સ્થિતિ સર્જાય છે. પછી છૂટાછેડા લેવાનું નક્કી કરે છે. બંને પક્ષ જેટલી જલદી પ્રેમવિવાહ કરે છે અને જયારે પ્રેમ પ્રેમ ખતમ થઇ જાય છે, ત્યારે લગ્ન પણ ખતમ થઇ જાય છે.

યુવાનીમાં શારીરિક સૌંદર્ય, દેખાવ, જુવાનીનો જોશ, સંપત્તિ વગેરે પરિબળોને કારણે આકર્ષણ ઉત્પન્ન થાય છે અને જો પ્રેમને લગ્નનું સ્વરૂપ આપી દેવામાં આવે પછી તેનું આકર્ષણ સમાપ્ત થઇ જાય છે, અને પછી છૂટાછેડાની સ્થિતિ સર્જાય છે. અગાઉ સુપ્રીમ કોર્ટે પણ છૂટાછેડા પર નિવેદન આપ્યું હતું. સુપ્રીમ કોર્ટે છૂટાછેડાના વધતા જતા કેસ માટે લવ મેરેજને જવાબદાર ગણાવ્યા છે. આ નિવેદન એક કેસની સુનાવણી દરમિયાન આપવામાં આવ્યું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.