26th January selfie contest

એક તરફ ઉદ્ધવ ઠાકરેની તાજપોશી અને બીજી તરફ ફડણવીસની મુશ્કેલી વધી

PC: hindustantimes.com

મહારાષ્ટ્રના પૂર્વ CM દેવેન્દ્ર ફડણવીસ હવે મુશ્કેલીમાં મુકાઈ રહ્યા છે. તેમને પદ પરથી હટતાની સાથે જ અદાલત દ્વારા તેમને સમન પાઠવવામાં આવ્યું છે. આ અંગેની પુષ્ટિ પુરાવા નાગપુર બજારના ઇન્સ્પેક્ટર મહેશ બંસોડેએ આપી હતી. તેમણે જણાવ્યું હતું કે કોર્ટનું સમન્સ દેવેન્દ્ર ફડણવીસને આપવામાં આવ્યા છે. આ સમન્સ તેમના ચૂંટણીના સોગંદનામામાં તેમના પર ચાલી રહેલા બે ગુનાહિત કેસોની માહિતી છુપાવવાના સંબંધમાં છે.

ફડણવીસ પર આક્ષેપ કરવામાં આવ્યો હતો કે તેમણે 2014 ની વિધાનસભાની ચૂંટણી દરમિયાન આપેલા સોગંદનામામાં પોતાના પર ચાલતા બે ફોજદારી કેસની માહિતી આપી નથી. અરજદારે દલીલ કરી હતી કે ફડણવીસે આમ કરીને જનપ્રતિનિધી અધિનિયમ 1951 ની કલમ 125 એનું ઉલ્લંઘન કર્યું છે. આ સંદર્ભે, નીચલી અદાલત અને હાઈકોર્ટે કહ્યું હતું કે ફડણવીસ વિરુદ્ધ કોઈ પહેલો ફેસ કેસ થતો નથી. અરજદારે કહ્યું હતું કે ઉમેદવારને તમામ ગુનાહિત કેસોની માહિતી આપવી કાયદેસર રીતે ફરજિયાત છે.

 આ અંગે ફડણવીસ સરકારે સ્પષ્ટતા કરી હતી કે, પહેલો કેસ બદનક્ષીનો છે, જેમાં હાઇકોર્ટે CM દેવેન્દ્ર ફડણવીસને રાહત આપી હતી. તે જ સમયે, બીજો કેસ સ્લમ પ્રોપર્ટી પરના ટેક્સનો છે. આ બંને કેસ લોકોના હિતમાં હતા, તેમાં કોઈ વ્યક્તિગત રુચિ નહોતી. બાદમાં, અરજદારે સુપ્રીમ કોર્ટનો સંપર્ક કર્યો અને 1 ઓક્ટોબરના રોજ સુપ્રીમ કોર્ટે બોમ્બે હાઈકોર્ટના આદેશને રદ કર્યો અને ફડણવીસને આ કેસમાં સુનાવણીનો સામનો કરવાનો આદેશ આપ્યો હતો.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp