26th January selfie contest

હવે આવ્યો સ્માર્ટ ATMનો જમાનો, ચેક નાંખો અને પૈસા ઉપાડો

PC: mumbailive.com

અત્યાર સુધી આપણે એટીએમમાં ડેબિટ અથવા ક્રેડિટ કાર્ડ દ્વારા પૈસા ઉપાડતા હતા પણ હવે ટૂંક સમયમાં તમે એટીએમ મશીનમાં તમારો ચેક પણ ભરાવી શકશો. એટીએમ તરત જ ચેક સ્વીકારી લેશે અને તેની જગ્યાએ તરત જ રોકડ ચૂકવશે. કદાચ તમને આ માનવામાં નહીં આવે પણ આ સમાચાર સાચા છે. એટીએમ બનાવતી કંપની એનસીઆર કોર્પોરેશને ચેક ચૂકવણી કરતા નવાં એટીએમ મશીન બનાવ્યા છે. હાલ આ એટીએમ મશીન ચાર શહેરોમાં સ્થાપિત કરવામાં આવ્યા છે. આગામી વર્ષે આવા એટીએમ કાનપુર, લખનૌ અને દિલ્હી સહિત 20 શહેરોમાં લગાવવામાં આવશે.

આ રીતે થશે એટીએમમાં ચેકની ચૂકવણી

ખાનગી બેંકના એક વરિષ્ઠ અધિકારીએ જણાવ્યું કે સૌ પ્રથમ તમારે આ એટીએમના લાઇવ ટેલર સાથે કનેક્ટ થવું પડશે જે માત્ર એક ક્લિકથી થઈ જશે. ભાષા પસંદ કર્યા પછી તમે સીધા જ બેંક કર્મચારી સાથે જોડાઈ જશો. એકવાર કર્મચારી સાથે જોડાતા જ એટીએમનું સંપૂર્ણ નિયંત્રણ બેંક કર્મચારીના હાથમાં આવી જશે. આ કાર્મચારી તમને આગળની પ્રક્રિયા સમજાવશે. નિયુક્ત સ્થાન પર ચેક નાંખ્યા પછી તમારી પાસે તમારી ઓળખ માટેના દસ્તાવેજો માંગવામાં આવશે. આ ડોક્યુમેન્ટ્સને એટીએમમાં લાગેલું સ્કેનર પાંચ સેકંડમાં સ્કેન કરી દેશે. ત્યારબાદ ચેક અને તમારી ઓળખના પુરાવા બેંક કર્મચારીના કમ્પ્યુટરમાં પહોંચી જશે. આ ચેકમાં કરેલી સહી બેંક રેકોર્ડમાં રહેલી તમારી સહી સાથે મેચ કરવામાં આવશે. એકવાર તે ચકાસ્યા પછી એક મિનિટની અંદર જ તમારા હાથમાં રોકડ આવી જશે. રોકડ ઉપાડતી વખતે તમારી પાસે તમારી પસંદનું ચલણ પસંદ કરવાનો અધિકાર પણ તમને મળશે.

હાલ અહીંયા મૂકવામાં આવ્યા છે આ એટીએમ મશીન

એટીએમમાં ચેકની ચૂકવણીની ટેક્નોલોજી પર છેલ્લાં પાંચ વર્ષથી કામ ચાલી રહ્યું હતું. આખરે સખત મહેનત સફળ થઈ અને તેની સાથે સૌપ્રથમ એનસીઆર કોર્પોરેશને કરાર કર્યો. આ નવા એટીએમ દ્વારા બેરર ચેકથી રોકડ મેળવી શકાય છે. આખી પ્રક્રિયામાં માત્ર એક મિનિટ લાગે છે. તેથી હવે બેંકમાં જઇને કલાકો સુધી લાઇનમાં ઊભા રહેવાની ઝંઝટથી છુટકારો મળશે. બેંકોએ આ એટીએમ મશીનની બેંગલુરુ, મુંબઈ, પૂણે અને ગુરુગ્રામમાં પાયલોટ પ્રોજેક્ટ તરીકે સ્થાપના કરી છે.

24 લાક ઉઠાવાશે લાભ

સ્થાનિક ચેક સાથે આઉટ સ્ટેશન ચેકની પણ ચૂકવણી કરી શકાશે. જો આ બેંકના કરાર અન્ય બેંક સાથે છે તો આ સુવિધાનો લાભ 24 કલાક લઈ શકાશે. તેનો અર્થ એ છે કે તમે અડધી રાત્રે પણ ચેકથી રોકડ મેળવી શકશો. આ એટીએમ મશીનમાં એટીએમ કાર્ડ વગર માત્ર આધાર નંબર નાંખીને પણ રોકડ નિકાળી શકાશે. આ માટે તમારે આધાર નંબર દાખલ કર્યા પછી બાયોમેટ્રિક ઓળખ આપવી પડશે. કેશ ડિપોઝિટ અને કેવાયસી અપડેટ કરવાનું કામ પણ આ એટીએમ મશીન કરી દેશે.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp