ગિરનાર લીલી પરિક્રમામાં 9 લોકોએ જીવ ગુમાવ્યો, તંત્રએ આપી આ સલાહ

જૂનાગઢમાં ગિરનારની લીલી પરિક્રમા કારતક સુદ અગિયારસથી શરૂ થાય છે અને પૂનમના દિવસ સુધી ચાલે છે. આ વખતે 12 તારીખથી પરિક્રમા શરૂ થવાની હતી, પરંતુ લોકોની એટલી ભીડ એકઠી થઇ ગઇ કે 1 દિવસ પહેલા પરિક્રમાનો ગેટ ખોલી દેવામાં આવ્યો હતો. સોમવારે વહેલી સવારે ઇંટવાનો ગેટ ખોલાયો અને બે દિવસની અંદર હાર્ટએટેકને કારણે 9 લોકોના મોત થયા. જેમના મોત થયા એ લોકો 50થી 70 વર્ષની વયના હતા.

જુનાગઢના જિલ્લા કલેકટર અનિલ રાણાવાસિયાએ કહ્યું કે, ગિરનારની લીલી પરિક્રમા એક જ દિવસમાં પુરી કરવા માટે લોકો વધારે ચાલે છે.તેમણે લોકોને અપીલ કરી છે કે, ધીમે ધીમે અને થોડો થોડો આરામ લઇને ચાલો. કઇ પણ મુશ્કેલી લાગે તો આરોગ્ય કેન્દ્રનો સંપર્ક કરો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.