રોહિત શર્માએ ફેનને પૂછ્યું- IPLની કંઈ ટીમમાં જોડાવ, ફેનનો જવાબ જોઈ લો

અચાનક રોહિત શર્માને સુકાનીપદેથી હટાવીને મુંબઈ ઈન્ડિયન્સે છેલ્લી સિઝનની કમાન હાર્દિક પંડ્યાને સોંપી દીધી હતી, ત્યાર પછી એવી ચર્ચા એ જોર પકડ્યું હતું કે, હવે હિટમેન રોહિત શર્મા જૂની ફ્રેન્ચાઈઝી મુંબઈ ઈન્ડિયન્સ છોડીને આગામી સિઝનમાં નવી ટીમમાં જશે.

IPL 2025 રીટેન્શન લિસ્ટ ટૂંક સમયમાં બહાર પાડવામાં આવશે. જો કે આ વખતે મેગા હરાજી યોજાવાની હોવાથી ફ્રેન્ચાઇઝીઓ કયા ખેલાડીઓને જાળવી રાખશે તે અંગે લોકોને ઉત્સુકતા છે. ઘણા ટોચના ખેલાડીઓની કારકિર્દી પર પ્રશ્નાર્થ ચિહ્ન પણ લાગેલું છે. સૌથી વધુ સસ્પેન્સ મુંબઈ ઈન્ડિયન્સના કેમ્પમાં રહેશે. દરેક વ્યક્તિ એ જાણવા માંગે છે કે, શું ટીમને પાંચ વખત ચેમ્પિયન બનાવનાર પૂર્વ કેપ્ટન રોહિત શર્મા મુંબઈ ઈન્ડિયન્સ સાથે રહેશે? આ દરમિયાન, બેંગલુરુમાં ન્યુઝીલેન્ડ સામેની પ્રથમ ટેસ્ટ મેચ દરમિયાન રોહિત શર્માને RCBમાં જોડાવાની ઓફર મળી હતી.

હકીકતમાં, રોહિત શર્મા હાલમાં M. ચિન્નાસ્વામી સ્ટેડિયમમાં ન્યુઝીલેન્ડ સામેની પ્રથમ ટેસ્ટમાં ભારતીય ક્રિકેટ ટીમની કેપ્ટનશીપ કરી રહ્યો છે. આ મેચનો એક વીડિયો સોશિયલ મીડિયા પર વાયરલ થઈ રહ્યો છે, જેમાં રોહિત શર્મા મેદાનથી ડ્રેસિંગ રૂમમાં પરત ફરી રહ્યો હતો. ત્યારે એક ચાહક રોહિત શર્માને પૂછતો જોવા મળે છે, 'ભાઈ, IPLમાં કઈ ટીમ? રોહિત શર્માએ જવાબ આપ્યો, 'મને કહો કે તમને કયું જોઈએ છે.' ચાહકે ફરીથી જવાબ આપ્યો, 'ભાઈ RCBમાં આવો યાર.' આ સાંભળીને રોહિત શર્મા રોકાયો નહીં અને પેવેલિયનની અંદર ચાલ્યો ગયો.

Fan to Captain Rohit Sharma : "bhai IPL me kon sa team, konasa chahiye bhai, "bhai RCB ajao yaar"🤣😂

RCB fans Begging Rohit for the IPL trophy.😅👌🏻 #INDvsNZ pic.twitter.com/XzdkFYiRU4

— 𝐑𝐮𝐬𝐡𝐢𝐢𝐢⁴⁵ (@rushiii_12) October 19, 2024

પાંચ વખતની IPL ચેમ્પિયન મુંબઈ ઈન્ડિયન્સે પારસ મ્હામ્બરેને તેમના બોલિંગ કોચ તરીકે નિયુક્ત કર્યા છે. પારસ મ્હામ્બરે નવેમ્બર 2021થી જૂન 2024 સુધી T20 વર્લ્ડ કપ ચેમ્પિયન ભારતીય ટીમના બોલિંગ કોચ હતા. આ અગાઉ સપોર્ટ સ્ટાફનો ભાગ બન્યા પછી MI ખાતે પારસ મ્હામ્બરેનો આ બીજો કાર્યકાળ હશે. આ પહેલા તેણે IPL 2013, ચેમ્પિયન્સ લીગ T-20 (2011, 2013), રનર અપ ફિનિશ (2010)માં મુંબઈ ફ્રેન્ચાઈઝી સાથે પોતાનો કાર્યકાળ પૂર્ણ કર્યો હતો. પારસ મ્હામ્બરેએ 1996થી 1998 દરમિયાન ભારત માટે બે ટેસ્ટ અને ત્રણ વનડે રમી હતી. તેણે મુંબઈ માટે પાંચ વખત રણજી ટ્રોફી પણ જીતી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.