ગોવાના દુકાનદારોએ જણાવ્યું પ્રવાસીઓ કેમ ઘટી ગયા, હાલત ખરાબ...

નવું વર્ષ, એટલે રજાનો સમયગાળો. આ રજાઓ દરમિયાન, શક્ય છે કે તમે ક્યાંક ફરવા જવાનું આયોજન કરી રહ્યાં હોવ (નોકરીમાંથી રજા નથી મળતી, તેથી ફરવા નથી જઈ રહ્યા? કોઈ વાંધો નહીં, આવું થતું રહેતું હોય છે!). આવું જ એક ફરવા લાયક અને જોવાલાયક સ્થળ છે ગોવા. ઘણા લોકો તેને 'પર્યટન રાજધાની' પણ કહે છે. પરંતુ સમાચાર એ છે કે છેલ્લા કેટલાક દિવસોમાં અહીં પ્રવાસીઓની સંખ્યામાં ઘટાડો થયો છે. વિદેશી પ્રવાસીઓ અને વધુ ખર્ચ કરનારા પ્રવાસીઓ મોટે ભાગે અહીં નથી આવી રહ્યા. આવું કહેવું છે, કે જેઓ ગોવામાં દરિયા કિનારે ઝૂંપડીઓ બાંધતા હોય છે.

ગોવાના પ્રવાસન વિભાગે ઓગસ્ટ 2024માં દરિયા કિનારે હંગામી ઝૂંપડીઓ બનાવવાનું લાયસન્સ બહાર પાડ્યું હતું. આ ઝૂંપડીઓ સામાન્ય રીતે વાંસ, લાકડાના થાંભલા અને તાડના પાંદડા જેવી પર્યાવરણને અનુકૂળ સામગ્રીમાંથી બનાવવામાં આવે છે. સરકાર ગોવાના બેરોજગાર લોકોને 1 સપ્ટેમ્બરથી 31 મે સુધી 'પીક ટૂરિસ્ટ સિઝન' દરમિયાન બીચ પર આ કામચલાઉ ઝૂંપડીઓ ચલાવવાની મંજૂરી આપે છે.

પરંતુ ઝૂંપડી બાંધનારા માલિકોનું કહેવું છે કે, આ લાયસન્સ હોવા છતાં, દરિયાકાંઠાના વિસ્તારમાં પ્રમાણમાં ઓછા લોકો ઝૂંપડામાં રહે છે. ગોવા શેક ઓનર્સ વેલ્ફેર સોસાયટીના પ્રમુખ ક્રુઝ કાર્ડોઝોએ પણ આ અંગે મીડિયા સૂત્રો સાથે વાત કરી હતી. આ વાતચીતમાં તેણે જણાવ્યું કે, 'પહેલા ક્રિસમસનો સમય ખૂબ જ વ્યસ્ત રહેતો હતો. અમને વધુ પ્રવાસીઓની અપેક્ષા હતી... જોકે, છેલ્લા કેટલાક દિવસોમાં પ્રવાસીઓની સંખ્યામાં વધારો થયો છે. પરંતુ હજુ પણ તે પહેલા જેવું નથી. ઓઝરન બીચ પર, ઓક્યુપન્સી માત્ર 30 ટકાની આસપાસ છે. લોકો કદાચ થાઈલેન્ડ, શ્રીલંકા અને વિયેતનામ જવાનું પસંદ કરી રહ્યા છે, જે પ્રમાણમાં સસ્તી જગ્યાઓ છે. પરંતુ આ ચિંતાજનક છે.'

અગાઉ ગોવાની આ ઝૂંપડીઓ વિદેશી પ્રવાસીઓથી ધમધમતી હતી. પરંતુ ક્રુઝ કાર્ડોઝો કહે છે કે, છેલ્લા કેટલાક વર્ષોમાં 'ડોમેસ્ટિક ટુરિસ્ટ'ની સંખ્યામાં વધારો થયો છે. પરંતુ સ્થાનિક પ્રવાસીઓની સમસ્યા એ છે કે કેટલાક પ્રવાસીઓ અન્ય રાજ્યોમાંથી જીપમાં ગોવા આવે છે. તેઓ હોટેલ બુક કરાવતા નથી અને બીચ પર એક દિવસ વિતાવ્યા પછી નીકળી જાય છે. તેથી જ અમને તેમની પાસેથી વધુ બિઝનેસ મળતો નથી.

GSOWSના પ્રમુખ ક્રુઝ કાર્ડોઝોએ વધુમાં જણાવ્યું હતું કે, પ્રવાસી દૃષ્ટિકોણથી ગોવામાં 2021ની સિઝન શાનદાર રહી હતી. કારણ કે રોગચાળા સંબંધિત પ્રતિબંધો હટાવવામાં આવ્યા હતા. પરંતુ પછીના વર્ષોમાં આ સંખ્યા ધીરે ધીરે ઓછી થતી ગઈ. ઓજરન બીચ ગોવામાં ફરવા માટેના મુખ્ય સ્થળોમાંનું એક છે. અહીં 'લકી ઝોપડી' ચલાવતા શ્રીધરે મીડિયા સૂત્રને કહ્યું, 'હવે બહુ ઓછા વિદેશી પ્રવાસીઓ અહીં આવે છે. મેં 30 ડિસેમ્બરે માત્ર 1,000 રૂપિયા કમાયા. જો આમ ચાલુ રહેશે તો અમને નુકસાન થશે.'

જો કે, કેટલાક ઝૂંપડાના માલિકોનું કહેવું છે કે 'કેટલાક પ્રભાવકો' સોશિયલ મીડિયા પર ગોવા વિરુદ્ધ અભિયાન ચલાવી રહ્યા છે. કેન્ડોલિમમાં આવી જ એક ઝૂંપડીના માલિક સેબેસ્ટિયન ડિસોઝાએ જણાવ્યું હતું કે, જો કે, સિઝનની શરૂઆતમાં ધંધો ધીમો હતો, પરંતુ નવા વર્ષની ઉજવણી સાથે લોકોની સંખ્યામાં વધારો થયો છે અને હવે લોકો બરાબર આવી રહ્યા છે. કેટલાક યુટ્યુબર્સ અને પ્રભાવકો ગોવાને બદનામ કરવા માટે એક અભિયાન ચલાવી રહ્યા છે. તેઓ થાઈલેન્ડ, મલેશિયા, વિયેતનામ અને શ્રીલંકા જેવા સ્થળોનો પ્રચાર કરી રહ્યા છે.

જ્યારે, ઘણા વર્ષોથી ઝૂંપડાના માલિકોની કલ્યાણ સોસાયટી સાથે જોડાયેલા જોન લોબો કહે છે કે, 'ગોવાએ વધુ સારી ઈન્ફ્રાસ્ટ્રક્ચર પ્રદાન કરીને પ્રવાસીઓને આકર્ષવાનું લક્ષ્ય રાખવું જોઈએ. આ માટે દરિયાકિનારા પર સારા શૌચાલય, ચેન્જિંગ રૂમ, વીજળી અને રસ્તા જેવી સારી સુવિધાઓ ઉપલબ્ધ હોવી જોઈએ.'

તાજેતરમાં ગોવા સરકારના પ્રવાસન વિભાગે એક વેપારી વિરુદ્ધ પોલીસ ફરિયાદ નોંધાવી હતી. ફરિયાદ અનુસાર, વેપારીએ સોશિયલ મીડિયા પોસ્ટ દ્વારા 'પર્યટન સંબંધિત ખોટો ડેટા' શેર કર્યો હતો. આનાથી સ્થાનિક વેપારીઓને મોટું નુકસાન થયું હોવાનો આક્ષેપ કર્યો હતો. હકીકતમાં, વેપારીએ આ પોસ્ટ કર્યા પછી, અન્ય ઘણા મુસાફરોએ પણ તેમના ખરાબ અનુભવો વિશે જણાવ્યું.

અહીં જે પોસ્ટ વિશે વાત કરવામાં આવી છે તેમાં લખ્યું છે કે, વિદેશી પ્રવાસીઓ પહેલાથી જ ગોવા નથી આવી રહ્યા. જો આપણે 2019 અને 2023ના આંકડાઓ પર નજર કરીએ તો જે રશિયન અને બ્રિટિશ પ્રવાસીઓ આવતા હતા, તેમણે હવે પ્રવાસન માટે શ્રીલંકાને પસંદ કર્યું છે. ભારતીય પ્રવાસીઓ હજુ પણ અહીં આવે છે, પરંતુ ટૂંક સમયમાં તેઓ પણ અહીં આવવાનું બંધ કરી દેશે. કારણ કે અહીં પ્રવાસીઓનું શોષણ થતું હોવાની વાત ફેલાઈ છે. જ્યારે બીજા દેશોમાં ફરવા લાયક ઘણી સસ્તી જગ્યાઓ છે.'

Tourism in Goa is down in dumps

Foreign tourists have abandoned the state already. Look at 2019 v 2023 numbers. Russians and Brits who used to visit annually have opted for Sri Lanka instead.

Indian tourists still visiting, but soon likely to ditch it as word spreads about… pic.twitter.com/RF2TLC2Zvi

— Ramanuj Mukherjee (@law_ninja) November 5, 2024

રામાનુજની પોસ્ટમાં એક ચાર્ટ પણ છે, જેમાં કહેવામાં આવ્યું હતું કે, ગોવામાં વિદેશી પ્રવાસીઓની સંખ્યા ઘટી રહી છે. ફરિયાદ દાખલ થયા પછી પણ રામાનુજ મુખર્જીની પ્રતિક્રિયા આવી હતી, તેમણે કહ્યું હતું કે, ટીકા રોકવા માટે કાયદાનો દુરુપયોગ કરવામાં આવી રહ્યો છે. પોસ્ટમાં ફક્ત સાર્વજનિક રીતે ઉપલબ્ધ ડેટા જ શેર કરવામાં આવ્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.