26th January selfie contest

કોરોના ચેલેન્જવાળા TikTok સ્ટારે ચાટી હતી ટોયલેટ સીટ, નીકળ્યો કોરોના પોઝિટિવ

PC: twimg.com

શું ટોયલેટ સીટ ચાટવાનું કોઈ કારણ હોઈ શકે છે? જવાબ છે જરા પણ નહીં. ખાસ કરીને કોરોના વાયરસ જેવી મહામારીના આ સમયમાં તો તમે આ રીતનું વાહિયાત વર્તન કરવા અંગે વિચારી પણ ન શકો. પણ એવું લાગી રહ્યું છે કે અમુક TikTok ક્રિએટર્સને આ વાત સમજમાં નથી આવી. GayShawnMendes નામના એક ટિકટૉક સ્ટારે થોડા દિવસ પહેલા ‘કોરોના વાયરસ ચેલેન્જ’ લીધો હતો. આ ચેલેન્જ હેઠળ તેણે ટોયલેટ સીટ ચાટી હતી અને હવે ખબર આવી છે કે આ ટિકટૉક સ્ટારને કોરોના વાયરસ થયો છે. તેની મેડિકલ રિપોર્ટ પોઝિટિવ આવી છે.

ટિકટૉક ક્રિએટર GayShawnMendesને લાર્જના નામે પણ ઓળખવામાં આવે છે. તેણે થોડા દિવસ પહેલા જ ‘કોરોના વાયરસ ચેલેન્જ’માં ભાગ લીધો હતો. ડેઈલી મેલની રિપોર્ટ અનુસાર, લાર્જે તેના આધિકારિક ટ્વીટર અકાઉન્ટ પર આ વાતની જાણકારી આપી હતી, જેને હવે સસ્પેન્ડ કરી દેવામાં આવ્યું છે.

આ ‘કોરોના વાયરસ ચેલેન્જ’માં ભાગ લેનાર લોકોએ ટોયલેટ સીટ, ગ્રોસરી સ્ટોરનો કોઈ સામાન કે કોઈપણ વસ્તુને ચાટવાની હોય છે. ટિકટૉક ક્રિએટરની આ રીતની મૂર્ખતા પર ટ્વીટર યૂઝર્સ ખૂબ પ્રતિક્રિયા આપી રહ્યા છે.

જણાવી દઈએ કે, થોડા દિવસ પહેલા જ એક મહિલાએ આ રીતના ચેલેન્જની શરૂઆત કરી હતી. ત્યારબાદથી મૂર્ખ લોકો આ રીતના ચેલેન્જ કરવા લાગ્યા. એક મહિલાએ મુર્ખતાની તમામ પ્રકારની હદ વટાવી દીધી હતી જ્યારે તેણે વિમાનમાં રહેલી એક ટોયલેટ સીટને ચાટીને કોરોના વાયરસને ચેલેન્જ આપી હતી. ટોયલેટ સીટ ચાટવાની આ પ્રવૃતિને તેણે કોરોના વાયરસ ચેલેન્જ નામ આપ્યું હતું. આ ઉપરાંત તેણે આ અંગેનો એક વીડિયો પણ ટીકટોક પર અપલોડ કર્યો હતો.

Please RT this so people can know how to properly be sanitary on the airplane 🥰😅 pic.twitter.com/x7GX9b4Lxc

— Ava Louise (ig @avalouiise) (@realavalouiise) March 14, 2020

જોકે, અમે તો તમને એટલું જ કહીશું કે આ રીતના કોઈપણ મૂર્ખ પ્રકારના ચેલેન્જમાં ભાગ ન લો અને સાથે જ એવી કોઈપણ વસ્તુને મોઢાથી ન લગાડો જે ખાવા માટે બની નથી.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp