ટ્રમ્પની ઇમિગ્રેશન નીતિથી નારાજ સેલેના ગોમેઝ રડી પડી અને કહ્યું, 'મને માફ કરો'

On

હોલીવુડ ગાયિકા અને અભિનેત્રી સેલેના ગોમેઝ સોશિયલ મીડિયા પર ટ્રેન્ડ કરી રહી છે. સેલિનાએ તેની ઇન્સ્ટાગ્રામ સ્ટોરી પર એક વીડિયો શેર કર્યો છે. જેમાં તે ખૂબ રડતી જોવા મળી હતી. સેલેનાના રડવાનું કારણ અમેરિકાના 47મા રાષ્ટ્રપતિ ડોનાલ્ડ ટ્રમ્પની નવી દેશનિકાલ નીતિ છે. અમેરિકામાં ટ્રમ્પના શાસનની શરૂઆત સાથે, ઇમિગ્રેશન અમલીકરણ પર કામ ઝડપથી શરૂ થયું છે. 26 જાન્યુઆરીએ અમેરિકામાં ટ્રમ્પના આદેશ પછી, ઘણી એજન્સીઓએ હજારો ઇમિગ્રન્ટ્સની ધરપકડ કરી. આ વિશે વાત કરતા, સેલેના ગોમેઝે એક ભાવનાત્મક વીડિયો શેર કર્યો.

આ ભાવુક વીડિયોમાં તેણે કેપ્શન લખ્યું, કૃપા કરીને મને માફ કરો. આ સાથે, તેણે મેક્સીકન ધ્વજનું ઇમોજી પણ ઉમેર્યું. સેલિનાએ અમેરિકામાં ઇમિગ્રન્ટ્સની ધરપકડ કરીને તેમને તેમના દેશમાં પાછા મોકલવાની પ્રક્રિયા વિશે વાત કરી. તેમણે કહ્યું, 'મારા બધા લોકો પર હુમલો થઈ રહ્યો છે, બાળકો પર પણ હુમલા થઇ રહ્યા છે. હું સમજી શકતી નથી. મને માફ કરો. હું ઈચ્છું છું કે હું કંઈક કરી શકું, પણ હું કરી શકતી નથી. મને ખબર નથી પડતી કે શું કરવું. હું બધું જ અજમાવીશ, હું વચન આપું છું.' આમ કહેતી વખતે સેલેના ગોમેઝ ખૂબ રડી રહી હતી. જોકે, ત્યાર પછી તેણે આ વીડિયો ડિલીટ કરી દીધો.

ખરેખર, સેલેના ગોમેઝને વીડિયો શેર કર્યા પછી, સોશિયલ મીડિયા યુઝર્સ તરફથી ટીકાનો સામનો કરવો પડ્યો હતો. યુઝર્સે અભિનેત્રીને ટ્રોલ કરવાનું શરૂ કર્યું, જેના કારણે તેણે તેનો વીડિયો ડિલીટ કરી દીધો. તેને મળેલી ટીકાના જવાબમાં, તેણે તેની ઇન્સ્ટાગ્રામ સ્ટોરી પર એક સંદેશ લખ્યો, 'જાહેરમાં લોકો પ્રત્યે સહાનુભૂતિ દર્શાવવી યોગ્ય નથી.'

26 જાન્યુઆરીના રોજ, ઇમિગ્રેશન અને કસ્ટમ્સ એન્ફોર્સમેન્ટ (ICE)એ અમેરિકામાં 956 લોકોની ધરપકડ કરી. ટ્રમ્પ રાષ્ટ્રપતિ બન્યા પછી આ સૌથી વધુ સંખ્યા છે. ડોનાલ્ડ ટ્રમ્પનો ઉદ્દેશ્ય અમેરિકામાં રહેતા બિનદસ્તાવેજીકૃત ઇમિગ્રન્ટ્સને બહાર કાઢી મુકવાનો છે. જેના કારણે લોકોમાં ભયનો માહોલ છે. સેલેના ગોમેઝ લાંબા સમયથી ઇમિગ્રન્ટ્સના અધિકારો વિશે વાત કરી રહી છે. 2019માં, તેણે નેટફ્લિક્સની દસ્તાવેજી શ્રેણી 'લિવિંગ અનડોક્યુમેન્ટેડ'નું પણ નિર્માણ કર્યું હતું. તેમાં અમેરિકામાં રહેતા બિનદસ્તાવેજીકૃત ઇમિગ્રન્ટ્સના સંઘર્ષને દર્શાવવામાં આવ્યો હતો.

Related Posts

Top News

મહારાણા પ્રતાપના વશંજ અરવિંદ સિંહનું નિધન, 50000 કરોડની સંપત્તિ છોડી ગયા

રાજસ્થાનના ઉદયપુરના પૂર્વ રાજ પરિવારના સભ્ય અને મહારાણા પ્રતાપના વશંજ અરવિંદ મેવાડનું 16 માર્ચ, રવિવારે નિધન થયું છે. તેમની...
National 
મહારાણા પ્રતાપના વશંજ અરવિંદ સિંહનું નિધન, 50000 કરોડની સંપત્તિ છોડી ગયા

શું હવે વોટર ID પણ આધાર સાથે લિંક કરાશે? ચૂંટણી પંચ આ યોજના પર પુનર્વિચાર કરી રહ્યું છે

દેશમાં નિષ્પક્ષ અને પારદર્શક ચૂંટણીઓ સુનિશ્ચિત કરવા માટે, ચૂંટણી પંચે મતદાર યાદીમાં ગેરરીતિઓના આરોપોનો કાયમી અને વૈજ્ઞાનિક ઉકેલ શોધવાનો...
National 
શું હવે વોટર ID પણ આધાર સાથે લિંક કરાશે? ચૂંટણી પંચ આ યોજના પર પુનર્વિચાર કરી રહ્યું છે

પાકિસ્તાનમાં આવી રીતે 'હોળી' ઉજવવામાં આવી, ઇન્સ્ટાગ્રામની રીલે ભારતીયોના દિલ જીત્યા!

ભારતના પડોશી દેશ પાકિસ્તાનમાં પણ હિન્દુઓ ખુબ મોટી સંખ્યામાં રહે છે. જેના કારણે હિન્દુ તહેવારો નિમિત્તે ત્યાંથી વીડિયો આવતા રહે...
World 
પાકિસ્તાનમાં આવી રીતે 'હોળી' ઉજવવામાં આવી, ઇન્સ્ટાગ્રામની રીલે ભારતીયોના દિલ જીત્યા!

હું ગાંડાની જેમ તેની પાછળ દોડતો...લેક્સ ફ્રીડમેનના પોડકાસ્ટમાં PM મોદીની રસપ્રદ વાતો

PM નરેન્દ્ર મોદી અને પ્રખ્યાત અમેરિકન પોડકાસ્ટર લેક્સ ફ્રીડમેન વચ્ચેની વાતચીતના પોડકાસ્ટમાં PM મોદીએ ઘણા મુદ્દાઓ પર વિગતવાર ચર્ચા કરી....
National 
હું ગાંડાની જેમ તેની પાછળ દોડતો...લેક્સ ફ્રીડમેનના પોડકાસ્ટમાં PM મોદીની રસપ્રદ વાતો

Opinion

Copyright (c) Khabarchhe All Rights Reserved.
Khabarchhe Gujarati