અયોધ્યા રામ મંદિરમાં ક્યારે દર્શન, આરતી થશે તેનો સમય જાણી લો

22 જાન્યુઆરી, 2024 દિવસે અયોધ્યામાં ભગવાન રામ મંદિરનો ભવ્ય ઉદઘાટન સમારોહ યોજાવા જઈ રહ્યો છે. દરેક વ્યક્તિ આ ઐતિહાસિક પ્રસંગમાં ભાગ લેવા ઈચ્છે છે અને દરેક વ્યક્તિ આ ખાસ અવસર પર પોતાની હાજરી નોંધાવવા ઈચ્છે છે. આ માટે મોટી સંખ્યામાં ભક્તો અયોધ્યા જઈ રહ્યા છે, મંદિરમાં આરતીમાં ભાગ લેવા માટે પાસ લઈને જ પ્રવેશ મેળવી શકાય છે. પાસ મેળવવા માટે શ્રી રામજન્મભૂમિ તીર્થ ક્ષેત્ર ટ્રસ્ટે ઓનલાઇન સુવિધા ઉભી કરી છે, પરંતુ તમે ઓફલાઇન મંદિરના કાઉન્ટર પરથી પાસ મેળવી શકો છો.

હવે તમને એ જાણવામાં રસ હશે કે કયા કયા સમયે દર્શન અને આરતી થશે.રામ મંદિરમાં દિવસભરમાં ત્રણ વખત આરતી કરવામાં આવશે. આવી સ્થિતિમાં, તમે તમારી પસંદગી અનુસાર આરતીનો સમય પસંદ કરી શકો છો. ભક્તોને આપેલી યાદીમાંથી તેમની મનપસંદ આરતી પસંદ કરવાની સુવિધા આપવામાં આવી છે.

મંદિર દર્શન, અથવા ભક્તો માટે દિવ્ય દર્શનની તક, સવારે 7 થી 11:30 સુધી રહેશે.આ ઉપરાંત બપોરે 2 થી 7 વાગ્યા સુધી મંદિરમાં ફરી એકવાર દર્શન કરી શકાશે. આરતી દિવસમાં ત્રણ વખત થશે જેમાં પહેલી આરતી સવારે 6-30 વાગ્યે જેમાં શૃંગાર જાગરણ,બીજી આરતી બપોરે 12 વાગ્યે ભોગ આરતી અને ત્રીજી આરતી સાંજે 7-30 વાગ્યે સંધ્યા આરતી થશે.

પ્રાણ પ્રતિષ્ઠાનો પવિત્ર સમારોહ 22 જાન્યુઆરી, 2024 ના રોજ થવા જઈ રહ્યો છે. આ શુભ પ્રસંગ દરમિયાન, મંદિરની અંદર રામ લલ્લાનો અભિષેક બપોરે 12:15 થી 12:45 વચ્ચે થવાનો છે. આ નિર્ણાયક ક્ષણ મૂર્તિની અંદર દૈવી ઊર્જાની સ્થાપનાનું પ્રતીક છે, મંદિરને આધ્યાત્મિક મહત્વ અને પવિત્રતાથી ભરી દે છે.