હીરોનો ફટકો! સ્પ્લેન્ડરથી લઈને ડેસ્ટિની સુધી, 3 જુલાઈથી વાહન ખરીદવા મોંઘા થશે

દેશની સૌથી મોટી ટુ-વ્હીલર ઉત્પાદક કંપની Hero MotoCorpની બાઇક અને સ્કૂટર ખરીદવી હવે મોંઘી થશે. કંપનીએ જાહેરાત કરી છે કે, 3 જુલાઈ, 2023થી તે તેની મોટરસાઈકલ અને સ્કૂટરની રેન્જની કિંમતો અપડેટ કરવા જઈ રહી છે. માહિતી અનુસાર, કંપની તેના વાહન પોર્ટફોલિયોની કિંમતોમાં લગભગ 1.5 ટકાનો વધારો કરશે. આ કિંમત અપડેટ અલગ-અલગ મોડલ્સ અને વેરિઅન્ટ પર આધારિત હશે.

Hero MotoCorp અનુસાર, ટુ-વ્હીલર માટે ભાવ વધારો કંપની દ્વારા સમયાંતરે કરવામાં આવતી કિંમતની સમીક્ષાનો એક ભાગ છે. એક અધિકૃત નિવેદનમાં કંપનીએ જણાવ્યું હતું કે, 'મોટરસાયકલ અને સ્કૂટરની કિંમતોમાં વધારો એ કિંમતની સમીક્ષાનો એક ભાગ છે જે કંપની દ્વારા સમયાંતરે કિંમતની સ્થિતિ, ઇનપુટ ખર્ચ જેવા વિવિધ પરિબળોને ધ્યાનમાં રાખીને કરવામાં આવે છે અને તે વ્યવસાયની આવશ્યકતા છે.'

નિવેદનમાં વધુમાં ઉમેર્યું હતું કે, 'Hero MotoCorp ગ્રાહકોના ખિસ્સા પરની અસર ઘટાડવા માટે નવીન ધિરાણ કાર્યક્રમો સાથે ચાલુ રાખશે, જેનાથી લોકો ટુ-વ્હીલર ખરીદવા માટે અનુકૂળ રહેશે. દેશના મોટાભાગના ભાગોમાં ચોમાસાની શરૂઆત અને અર્થ વ્યવસ્થામાં સુધારા સાથે જ સિસ્ટમમાં, આગામી તહેવારોની સિઝનમાં ઉદ્યોગનું પ્રમાણ વધવાની ધારણા છે.

Hero MotoCorpએ તાજેતરમાં ભારતમાં અપડેટેડ Xtreme 160R લોન્ચ કર્યું છે. આ બાઇક 1.27 લાખ રૂપિયા (એક્સ-શોરૂમ દિલ્હી)ની પ્રારંભિક કિંમતે લોન્ચ કરવામાં આવી છે. કંપનીએ આ બાઇકમાં કેટલાક કોસ્મેટિક અને મિકેનિકલ અપડેટ્સ કર્યા છે, જે તેને પાછલા મોડલ કરતાં પણ વધુ સારી બનાવે છે.

કંપનીએ આ બાઇકમાં 163cc ક્ષમતાનું સિંગલ-સિલિન્ડર, એર અને ઓઇલ-કૂલ્ડ એન્જિન આપ્યું છે, જે 16.6 bhpનો પાવર અને 14.6 Nmનો પીક ટોર્ક જનરેટ કરે છે, જે 5-સ્પીડ ગિયરબોક્સ સાથે જોડાયેલ છે. બ્રાન્ડનો દાવો છે કે, તે સેગમેન્ટમાં સૌથી ઝડપી બાઇક છે, જે માત્ર 4.41 સેકન્ડમાં 0 થી 60 kmphની ઝડપ પકડી શકે છે.

Xtreme 160Rની સ્ટાઇલ શાર્પ છે. તેમાં કર્વી ફ્યુઅલ ટેન્ક, સ્પોર્ટી ટેલ સેક્શન ઉમેરવામાં આવ્યું છે. હેડલેમ્પ્સ, ટર્ન સિગ્નલ અને ટેલ લેમ્પ્સમાં સંપૂર્ણપણે LED લાઇટિંગ આપવામાં આવી છે. આ સિવાય Extreme 160Rમાં સંપૂર્ણ ડિજિટલ ડિસ્પ્લે આપવામાં આવી છે. તે બે બ્રેકિંગ હાર્ડવેરના વિકલ્પોના આધારે બે વેરિઅન્ટમાં ઉપલબ્ધ થશે. મોડલને આગળના ભાગમાં 37mm ટેલિસ્કોપિક ફોર્ક અને પાછળના ભાગમાં મોનોશોક સસ્પેન્શન મળે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.