અબજોપતિ ગૌતમ અદાણીએ કહ્યું છે કે, ગ્રુપની કંપનીઓના FY23 નાણાકીય પરિણામ તેની સફળતાનું પ્રમાણ છે છતા, કંપનીઓ પર એક શોર્ટ સેલરના રિપોર્ટમાં ટાર્ગેટેડ મિસઇન્ફોર્મેશન આપવામાં આવી. અદાણી એન્ટરપ્રાઇઝીસ લિમિટેડના વાર્ષિક રિપોર્ટમાં શેરધારકોને પોતાના સંબોધનમાં ગ્રુપના અધ્યક્ષ ગૌતમ અદાણીએ કહ્યું કે, બેલેન્સ શીટ, એસેટ્સ અને ઓપરેટિંગ કેશફ્લો હવે પહેલા કરતા વધુ સારો છે અને સતત મજબૂત થઈ રહ્યો છે.
બીક્યૂના રિપોર્ટ અનુસાર તેમણે કહ્યું, જે ગતિથી ગ્રુપે અધિગ્રહણ કર્યું છે અને તેને બદલ્યુ છે, તે સમગ્ર રાષ્ટ્રીય પરિદ્રશ્યમાં અજોડ છે અને તેણે ગ્રુપના વિસ્તારને પ્રોત્સાહન આપ્યું છે. અદાણીએ કહ્યું કે, શોર્ટ સેલર રિપોર્ટ જાણી જોઇને ખોટી સૂચના પર આધારિત હતો, જેનો ઉદ્દેશ્ય ગ્રુપની પ્રતિષ્ઠાને નુકસાન પહોંચાડવાનો હતો અને સ્ટોકની કિંમતોમાં જાણી જોઇને ઘટાડાના માધ્યમથી નફો કમાવાનો હતો.
અદાણી એન્ટરપ્રાઇઝીસે ભારતની સૌથી મોટી ફોલો-ઓન પબ્લિક ઓફરિંગને સંપૂર્ણરીતે સબ્સક્રાઇબ થયા બાદ બંધ કરવાનો નિર્ણય કર્યો કારણ કે, હિંડનબર્ગ રિસર્ચ દ્વારા સ્ટોક હેરફેર અને છેતરપિંડીના આરોપ લાગ્યા બાદ સ્ટોક અસ્થિર રહ્યો. અદાણીએ કહ્યું, સંપૂર્ણરીતે સબ્સક્રાઇબ્ડ ફોલો-ઓન સાર્વજનિક રજૂઆત છતા, અમે પોતાના નિવેશકોના હિતોની રક્ષા માટે તેને પાછા લીધા અને પૈસા પાછા કરવાનો નિર્ણય લીધો.
ઉલ્લેખનીય છે કે, સુપ્રીમ કોર્ટ દ્વારા નિયુક્ત એક સમિતિએ મે મહિનામાં કહ્યું હતું કે, હિંડનબર્ગ રિસર્ચ રિપોર્ટ બાદ અદાણીના શેરોમાં અસ્થિરતાથી કોઈ પ્રણાલીગત જોખમ ના થયુ. અદાણીએ કહ્યું, પેનલે અમારા ગ્રુપના ડિસ્ક્લોઝર્સની ગુણવત્તાની પુષ્ટિ કરી અને નિયામક વિફળતા અથવા કોઈ પ્રકારનું કોઈ ઉલ્લંઘન ના મળ્યું. જોકે, સેબીએ આવનારા મહિનાઓમાં પોતાનો રિપોર્ટ જમા કરાવવાનો છે, અમે અમારા પ્રબંધન અને ડિસ્ક્લોઝર્સ માનકો પ્રત્યે આશ્વસ્ત છીએ.
વર્ષના હાઈલાઇટ્સ
15.jpg)
