હિંડનબર્ગના રિપોર્ટ બાદ ગૌતમ અદાણીના હાથથી ગઇ વધુ એક મોટી ડીલ

મુશ્કેલીમાં ફસાયેલા અદાણી ગ્રુપના ચેરમેન ગૌતમ અદાણીને વધુ એક મોટો ઝટકો લાગ્યો છે. સી.કે. બિરલા ગ્રુપની કંપની ઓરિએન્ટ સિમેન્ટે અદાણી પાવર મહારાષ્ટ્ર સાથે ડીલ સમાપ્ત કરી દીધી છે. તેમનું કહેવું છે કે, અદાણી ગ્રુપ આ ફિલ માટે જરૂરી ક્લિયરેન્સ હાંસલ કરવામાં નિષ્ફળ રહ્યું છે. ઓરિએન્ટ સિમેન્ટે સપ્ટેમ્બર 2021માં અદાણી ગ્રુપ સાથે એક MoUની જાહેરાત કરી હતી. કંપનીએ શેર માર્કેટને જણાવ્યું કે અદાણી પાવરે આ ડીલને આગળ ન વધારવાનો અનુરોધ કર્યો છે.

24 જન્યુઆરીના રોજ હિંડનબર્ગ રિસર્ચના રિપોર્ટ આવ્યા બાદ અદાણી ગ્રુપ માટે આ ત્રીજો મોટો ઝટકો છે. આ અગાઉ DB પાવરને ખરીદવાની ડીલ પૂરી ન કરી અને પછી PTC ઇન્ડિયા માટે બોલી લગાવતા પાછળ હટી ગયા હતા. બંને કંપનીઓએ મહારાષ્ટ્રના તિરોદામાં એક સિમેન્ટ ગ્રાઇન્ડિંગ યુનિટ લગાવવા માટે સપ્ટેમ્બર 2021માં એક MoU પર સાઇન કરી હતી. તેના માટે ઓરિએન્ટ સિમેન્ટનું કહેવું છે કે અદાણી પાવર તેના પ્લાન્ટ માટે MIDCથી જરૂરી ક્લિયરેન્સ લેવામાં લેવામાં નિષ્ફળ રહ્યું છે.

સાથે જ આ MoUની ટાઇમલાઇન પણ હવે વીતી ચૂકી છે. બુધવારે અદાણી પાવરના શેર 5 ટકાના ઘટાડા સાથે 162.45 રૂપિયા પર બંધ થયા, જ્યારે ઓરિએન્ટ સિમેન્ટના શેર 2 ટકાના ઘટાડા સાથે 117.35 રૂપિયા પર બંધ થયા હતા. હિંડનબર્ગ રિસર્ચના રિપોર્ટે અદાણી ગ્રુપન માર્કેટ કેપમાં 142 અબજ ડૉલરનો ઘટાડો આવ્યો છે. આ જ કારણ છે કે ગ્રુપે હવે આક્રમક રીતે વિસ્તારની યોજનાઓને પણ ધીમે કરવાની શરૂઆત કરી દીધી છે. હવે તેનો બધો જોર કેશ બચાવવા અને લોન ઓછી કરવા પર છે. આ જ કારણ છે કે પહેલા તેમણે DB પાવર સાથે ડીલને આગળ ન વધારી અને પછી PTC ઇન્ડિયા લિમિટેડમાં બોલી ન લગાવવાનો નિર્ણય લીધો.

અદાણી ગ્રુપની તમામ કંપનીના શેરોમાં હિંડનબર્ગના રિપોર્ટ આવ્યા બાદ ભારે ઘટાડો જોવા મળી રહ્યો છે. જો કે છેલ્લા 2-3 દિવસોમાં સ્થિતિ થોડી કંટ્રોલમાં લાગી રહી હતી, પરંતુ 22 ફેબ્રુઆરીના રોજ ફરી કંપનીના શેરોમાં ભારે ઘટાડો જોવા મળ્યો હતો. ગૌતમ અદાણીનું નેટવર્થ ઘટતા ઘટતા 22 ફેબ્રુઆરીના રોજ 43.3 અબજ ડોલર સુધી પહોંચી ગયું છે એટલે કે હિંડનબર્ગનો રિપોર્ટ આવવા પહેલાના સમયની તુલનામાં જોઇએ તો બે તૃતીયાંશ ઓછી થઇ ગઇ છે અને માત્ર એક તૃતીયાંશ જ બચી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.