PM સૂર્ય ઘર યોજના: વીજળી બિલમાંથી મુક્તિ, સરકારની આ યોજનાનો લાભ કેવી રીતે ઉઠાવશો
PM નરેન્દ્ર મોદીએ લોકોને 300 યુનિટ સુધી મફત વીજળીનો લાભ આપવા માટે યોજના શરૂ કરી છે. આ સ્કીમ માત્ર મફત વીજળી જ નહીં પરંતુ કમાવવાની તક પણ પૂરી પાડશે. રોજગારીની તકો પણ મળશે. PM મોદીએ કહ્યું કે, આ યોજના હેઠળ 75000 કરોડ રૂપિયાથી વધુનું રોકાણ કરવામાં આવશે.
હકીકતમાં, 22 જાન્યુઆરીએ PM નરેન્દ્ર મોદીએ 300 યુનિટ સુધી મફત વીજળી યોજનાની જાહેરાત કરી હતી, જે હવે PM સૂર્ય ઘર યોજના: મફત વીજળી યોજનાના નામે શરૂ કરવામાં આવી છે. આ યોજના હેઠળ લોકોના ઘરો પર સોલાર પેનલ લગાવવામાં આવશે, જેના કારણે લોકોને 300 યુનિટ સુધી મફત વીજળી મળશે. આ સિવાય તમે તેનાથી પેદા થતી વધારાની વીજળી વેચીને પણ વાર્ષિક 17 થી 18 હજાર રૂપિયા કમાઈ શકો છો.
સોશિયલ મીડિયા પ્લેટફોર્મ પર લખીને PM મોદીએ કહ્યું કે, 'અવિરત વિકાસ અને લોકોની ભલાઈ માટે અમે PM સૂર્ય ઘર: મફત વીજળી યોજના શરુ કરી રહ્યા છીએ. રૂ. 75,000 કરોડથી વધુના રોકાણ સાથેનો આ પ્રોજેક્ટ, દર મહિને 300 યુનિટ સુધી મફત વીજળી પૂરી પાડીને 1 કરોડ પરિવારોને પ્રકાશ આપવાનું લક્ષ્ય ધરાવે છે.'
PM મફત વીજળી યોજના હેઠળ સબસિડી લોકોના બેંક ખાતામાં મોકલવામાં આવશે. આ ઉપરાંત બેંક લોન પણ રાહત દરે આપવામાં આવશે. કેન્દ્ર સરકાર એ સુનિશ્ચિત કરશે કે, તેની કિંમત સામાન્ય લોકો પર ભારે ન પડે. PM મોદીએ કહ્યું કે, તમામ હિતધારકોની નોંધણી રાષ્ટ્રીય ઓનલાઈન પોર્ટલ દ્વારા કરવામાં આવશે.
PM મોદીએ કહ્યું કે, યોજનાને પાયાના સ્તરે લોકપ્રિય બનાવવા માટે, શહેરી સ્થાનિક સંસ્થાઓ અને પંચાયતોને તેમના અધિકારક્ષેત્રમાં રૂફટોપ સોલર સિસ્ટમને પ્રોત્સાહન આપવા માટે પ્રોત્સાહિત કરવામાં આવશે. તેમણે કહ્યું કે, આ યોજનાથી વીજળીના બિલમાં ઘટાડો થશે, આવક અને રોજગારીનું સર્જન થશે.
PM નરેન્દ્ર મોદીએ સૌર ઉર્જા અને ટકાઉ પ્રગતિને પ્રોત્સાહન આપવા માટે તમામ રહેણાંક ગ્રાહકો, ખાસ કરીને યુવાનોને https://pmsuryaghar.gov.in પર અરજી કરવાની અપીલ કરી છે. તમે આ વેબસાઇટ પર જઈને અને રૂફટોપ સોલર પર ક્લિક કરીને અરજી કરી શકો છો. અહીંથી તમે સબસિડી અને તમારા ઘરમાં સોલાર કેવી રીતે ઇન્સ્ટોલ કરવું તેની સંપૂર્ણ માહિતી ક્લિક કરીને મેળવી શકો છો.
કેન્દ્ર સરકાર આ યોજનાને લઈને ઘણી સક્રિય છે. જો તમે આ યોજનાનો લાભ લેવા માંગતા હો, તો પહેલા https://pmsuryaghar.gov.in/consumerRegistration પર ક્લિક કરીને નોંધણી કરો. આ વખતે જ તમે ગણતરી કરી શકો છો કે, તમને કેટલી સબસિડી મળી શકે છે. આમાં, ગ્રાહકે જણાવવાનું છે કે, તમે માસિક સરેરાશ વીજળી બિલ કેટલું ચૂકવો છો, તે પછી બચતની ગણતરી કરી શકાય છે.
In order to further sustainable development and people’s wellbeing, we are launching the PM Surya Ghar: Muft Bijli Yojana. This project, with an investment of over Rs. 75,000 crores, aims to light up 1 crore households by providing up to 300 units of free electricity every month.
— Narendra Modi (@narendramodi) February 13, 2024
તમને જણાવી દઈએ કે, PM મોદીએ ગયા મહિને 22 જાન્યુઆરીએ આ યોજનાની જાહેરાત કરી હતી, ત્યારબાદ વચગાળાના બજેટમાં આ યોજના વિશે વિગતવાર માહિતી આપવામાં આવી હતી અને હવે આ યોજનાને દરેક ઘર સુધી પહોંચાડવા માટે એપ્લિકેશન પ્રક્રિયા પણ શરૂ થઈ ગઈ છે.
PM મોદીએ એક ટ્વિટમાં PM સૂર્યોદય યોજનાનું નામ PM સૂર્ય ઘર: મફત વીજળી યોજના લખ્યું હતું. જેમાં PM મોદીએ જણાવ્યું કે, આ યોજના માટે સરકારે 75 હજાર કરોડ રૂપિયાનું બજેટ બનાવ્યું છે. જેનો લક્ષ્યાંક એક કરોડ લોકોને 300 યુનિટ મફત વીજળી આપવાનો છે. સરકાર સોલાર પેનલના ખર્ચનો બોજ લોકો પર નહીં નાખે. એટલા માટે મોટું બજેટ બનાવવામાં આવ્યું છે.
PM સૂર્યોદય યોજના અને PM સૂર્ય ઘર: મફત વીજળી યોજના બંને એકબીજા સાથે જોડાયેલા છે. PM સૂર્યોદય યોજનામાં ઘરની છત પર સોલાર પેનલ લગાવવાનું કહેવામાં આવ્યું હતું. જ્યારે PM સૂર્ય ઘર યોજનામાં મફત વીજળી આપવામાં આવશે તેવું કહેવામાં આવ્યું છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp