અમેરિકન રિસર્ચ ફર્મ હિંડનબર્ગના આરોપો બાદ અદાણી ગ્રુપની મુશ્કેલીઓમાં સતત વધારો થયો છે. આ દરમિયાન ભારતની એક મોટી સરકારી બેંકે અદાણી ગ્રુપને લઈને મોટું નિવેદન આપ્યું છે. વાસ્તવમાં, બેંક ઓફ બરોડાની તાજેતરની જાહેરાતમાં અદાણી ગ્રુપ માટે મોટી રાહતના સમાચાર છે. આ બેંકનું કહેવું છે કે, જો અદાણી ગ્રુપ હજુ પણ બેંક પાસેથી લોન માંગે છે તો તેના પર વિચાર કરી શકાય છે.
બેંક ઓફ બરોડાના ચીફ એક્ઝિક્યુટિવ ઓફિસર અને મેનેજિંગ ડિરેક્ટર સંજીવ ચઢ્ઢાએ કહ્યું છે કે, જો અદાણી ગ્રુપ બેંકના અંડરરાઈટિંગ ધોરણોને પૂર્ણ કરે તો બેંક ઓફ બરોડા વધુ લોન આપવા તૈયાર છે. ઉપરાંત, બેંકે કહ્યું હતું કે તે અદાણી ગ્રુપના શેરોમાં થતા ઉતાર-ચઢાવથી પરેશાન નથી.
એક રિપોર્ટ અનુસાર બેંક ઓફ બરોડાનું કહેવું છે કે, સારા અને ખરાબ દિવસો આવે છે અને જાય છે. તેમણે કહ્યું કે, બેંક અગાઉ પણ અદાણી ગ્રુપને આપવામાં આવેલી લોનને લઈને ચિંતિત નથી. તેનાથી પણ આગળ, જો અદાણી જૂથ નિયમો હેઠળ અરજી કરે છે, તો બેંક વધુ લોન આપવાનું વિચારશે. જો કે, તેમણે અદાણી ગ્રુપ સાથે બેંકના એકંદર એક્સપોઝર વિશે કંઈપણ જણાવવાનો ઇનકાર કર્યો હતો.
આ મહિનાની શરૂઆતમાં પણ બેંક ઓફ બરોડાએ કહ્યું હતું કે, અદાણી ગ્રુપને આપવામાં આવેલી લોનને લઈને કોઈ ચિંતા નથી. કારણ કે બેલેન્સ શીટ મુજબ છેલ્લા ત્રણ વર્ષમાં અદાણી ગ્રૂપના એક્સ્પોઝરનો અર્થ છે કે, આપેલા નાણાં સમય જતાં ઘટ્યા છે.
અત્રે ઉલ્લેખનીય છે કે, અદાણી ગ્રૂપના શેરમાં ભારે ઘટાડાથી રોકાણકારોને મોટો આંચકો લાગ્યો છે. હિન્ડેનબર્ગના ખુલાસા પછી, આ મુદ્દો ભારતીય રાજકારણમાં પણ જોર જોરથી ઉછળ્યો હતો. વિપક્ષે કેન્દ્ર સરકાર પર બેંકો અને LICના પૈસા જાણીજોઈને ડુબાડવાનો આરોપ લગાવ્યો. જો કે વિપક્ષના આક્ષેપો બાદ બેંક તરફ સ્પષ્ટીકરણ આપવામાં આવ્યું હતું. સાથે જ LICએ જણાવ્યું કે અત્યારે પણ અદાણી ગ્રુપમાં તેમનું રોકાણ નફાકારક છે.
જમ્મુ અને કાશ્મીર બેંક વતી એવું કહેવામાં આવ્યું હતું કે, હાલમાં તેમની પાસે અદાણી ગ્રુપમાં 250 કરોડ રૂપિયાનું એક્સ્પોઝર છે. દેશની સૌથી મોટી બેંક SBI પાસે અદાણી જૂથને આશરે રૂ. 27,000 કરોડનું એક્સ્પોઝર છે, જે તેની કુલ લોન બુકના માત્ર 0.8 થી 0.9 ટકા છે. પંજાબ નેશનલ બેંક પર 7000 કરોડ રૂપિયાની લોન છે. LICનું કહેવું છે કે તેની પાસે અદાણી ગ્રુપ પર 36,474.78 કરોડ રૂપિયાની લોન છે અને તે ડેટ અને ઇક્વિટીના રૂપમાં છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
